கிட்னி பாதிப்பு, நோய் தொற்று... இந்த 2 உணவு சாப்பிட்டுப் பாருங்க; அப்புறம் சொல்லுங்க: டாக்டர் நித்யா

சிறுநீரகங்கள் நமது உடலில் உள்ள கழிவுகளை வடிகட்டி, இரத்தத்தைச் சுத்தப்படுத்தி, ஆரோக்கியத்தை பராமரிப்பதில் முக்கிய பங்கு வகிக்கின்றன. சிறுநீரக பாதிப்பு அல்லது சிறுநீரக பாதை தொற்று ஏற்படும்போது, நமது ஒட்டுமொத்த ஆரோக்கியமும் பாதிக்கப்படலாம். டாக்டர் நித்யா தனது யூடியூப் பக்கத்தில் சிறுநீரக ஆரோக்கியத்தை மேம்படுத்த உதவும் சில எளிய உணவு முறைகள் மற்றும் மூலிகைகள் பற்றி கூறியிருக்கிறார். சில மூலிகைகளை உணவில் சேர்த்துக்கொள்வது அல்லது சாராக எடுத்துக்கொள்வது நல்ல பலனைத் தரும் என்று டாக்டர் நித்யா குறிப்பிட்டுள்ளார்.

மூக்கிரட்டை மற்றும் பூனை மீசை: இந்த மூலிகைகள் சிறுநீரக பாதிப்பு மற்றும் சிறுநீரக பாதை தொற்றுக்கு பயனுள்ளதாக இருக்கும் என்று டாக்டர் நித்யா கூறுகிறார்.  

கீழாநெல்லி மற்றும் வல்லாரை: இந்த இரண்டையும் அடிக்கடி உணவில் சேர்த்துக்கொள்வது அல்லது இவற்றின் சாரை எடுத்துப் பயன்படுத்துவதன் மூலம் உடலில் நல்ல மாற்றங்களைக் காணலாம் என டாக்டர் நித்யா கூறுகிறார்.

நெருஞ்சில்: சிறுநீரக பாதை தொற்று உள்ளவர்கள் நெருஞ்சில் குடிநீர் எடுத்துக்கொள்வதன் மூலம் குணமாகலாம் என்று டாக்டர் நித்யா கூறுகிறார்.

சிறுநீரக பாதை தொற்று இருந்தால், அசைவ உணவுகள் மற்றும் அதிக புரதம் உள்ள உணவுகளை சில காலம் தவிர்ப்பது நல்லது என்று தெரிவித்துள்ளார். அதற்கு பதிலாக, மேலே குறிப்பிடப்பட்ட மூலிகைகளை உணவில் சேர்த்துக்கொள்வது உடலில் நல்ல முன்னேற்றத்தை அளிக்கும். நீர்ச்சத்து மிகுந்த காய்கறிகள் மற்றும் பழங்களை உட்கொள்வது சிறுநீரக ஆரோக்கியத்திற்கு உதவும். பொதுவாக சிறுநீரக பாதை தொற்றின் அறிகுறிகளாக அடிக்கடி சிறுநீர் கழித்தல், சிறுநீர் கழிக்கும் போது எரிச்சல் அல்லது வலி, சிறுநீரில் இரத்தம், அடிவயிற்றில் வலி மற்றும் காய்ச்சல் போன்றவை இருக்கலாம். 

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.