மலச் சிக்கலுக்கு சுமூக தீர்வு... மாதுளையுடன் இந்த 3 பொருள் சேர்த்து; இப்படி குடித்து வாங்க: டாக்டர் யோக வித்யா

மலச்சிக்கல் என்பது பலருக்கும் இருக்கும் ஒரு பொதுவான பிரச்சனை. இது உடல் அசௌகரியங்களை ஏற்படுத்துவதுடன், சில சமயங்களில் பிற உடல்நலக் கோளாறுகளுக்கும் காரணமாக அமையலாம். சித்த மருத்துவத்தில், மலத்தை இலகுவாக வெளியேற்றுவதற்கும், உடல் வெப்பத்தைக் குறைப்பதற்கும் சில இயற்கையான மற்றும் பயனுள்ள தீர்வுகள் பற்றி டாக்டர் யோகவித்யா எத்னிக் ஹெல்த்கேர் யூடியூப் பக்கத்தில் கூறியிருப்பது பற்றி பார்ப்போம். 

மலச்சிக்கலை நீக்கி, மலத்தை இலகுவாக வெளியேற்ற நிலாவரை (Cassia angustifolia) அல்லது பொன்னாவரை (Cassia auriculata) ஆகியவற்றின் சூரணத்தைப் பயன்படுத்தலாம். இந்தச் சூரணத்தை வெந்நீரில் கலந்து அருந்துவதன் மூலம் சிறந்த பலன் கிடைக்கும்.

இந்த மருந்துகள் பெரும்பாலான சித்த மற்றும் நாட்டு மருந்துக் கடைகளில் எளிதாகக் கிடைக்கின்றன.
கசாயம் அருந்தப் பிடிக்காதவர்கள், இதே மூலிகைகளை மாத்திரை வடிவில் உட்கொள்ளலாம்.

சித்த மருத்துவத்தில் மிகவும் முக்கியமான மூலிகைகளில் ஒன்று கடுக்காய் (Terminalia chebula). கடுக்காய் பொடி, கடுக்காய் மாத்திரை, அல்லது கடுக்காய் லேகியம் போன்ற வடிவங்களில் இது பயன்படுத்தப்படுகிறது.

கடுக்காய் மலத்தை இளக்கி, உடலின் வெப்பத்தைக் குறைக்கும் தனித்துவமான குணங்களைக் கொண்டது. இது உடலை சுத்திகரித்து, சீரான செரிமானத்திற்கு உதவுகிறது.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.