அத்திப்பழம் அசைவமா? மகரந்தச் சேர்க்கையில் அத்தி குளவிகளின் ஆச்சரியமான பங்கு

அத்திப்பழம் அல்லது அஞ்சீர் பழம் அதிக நார்ச்சத்து மற்றும் ஊட்டச்சத்து நன்மைகளையும் நல்ல சுவையையும் தரக்கூடியது. இருப்பினும், அத்திப்பழங்கள் தொழில்நுட்ப ரீதியாக சில தரநிலைகளின்படி சைவமாக கருதப்படவில்லை என்பது முக்கியமான ஒன்றாகும்.  

அத்தி மகரந்தச் சேர்க்கையின் பின்னணியில் உள்ள அறிவியல், பழங்களில் குளவிகளின் தாக்கம் மற்றும் சைவ உணவு உண்பவர்கள் அத்திப்பழங்களை உண்பதை எவ்வாறு அணுகலாம் என்பதைப் பற்றி ஆலோசகர் உணவியல் நிபுணரும் சான்றளிக்கப்பட்ட நீரிழிவு கல்வியாளருமான கனிக்கா மல்ஹோத்ராவிடம் கூறுவது பற்றி பார்ப்போம். 

அத்தி மகரந்தச் சேர்க்கை என்பது அத்தி குளவிகளை உள்ளடக்கிய ஒரு கண்கவர் செயல்முறையாகும், இது பல அத்தி இனங்களின் இனப்பெருக்கத்திற்கு அவசியமானவை என்கிறார் மல்ஹோத்ரா. “பெண் அத்திப்பழ குளவிகள், அவற்றின் முந்தைய அத்திப்பழத்திலிருந்து மகரந்தத்தை எடுத்துச் செல்லும் ஒரு சிறிய பாதை வழியாக  அத்திப்பழத்திற்குள் நுழைகின்றன. உள்ளே, அவை பூக்களில் மகரந்தச் சேர்க்கை செய்து அவற்றில் சிலவற்றில் முட்டைகளை இடுகின்றன. விதைகளுக்குள் வளரும் குளவி லார்வாக்களுக்கு அத்திப்பழம் ஒரு நாற்றங்காலை வழங்குகிறது.

ஆண் குளவிகள் முதலில் வெளிவருகின்றன, அவை குஞ்சு பொரிப்பதற்கு முன்பு பெண்களுடன் இனச்சேர்க்கை செய்து, பின்னர் அத்திப்பழத்தில் இறக்கின்றன. கருவுற்ற பெண்கள் புதிய அத்திப்பழங்களைக் கண்டுபிடிப்பதற்காக, மகரந்தம் நிறைந்தவுடன், வெளியேறுவதால் அத்திப்பழங்களுக்கும் குளவிகளுக்கும் இடையே பரஸ்பர சார்பு சுழற்சி தொடர்கிறது,” என்று அவர் விளக்குகிறார்.

அத்திப்பழங்களில் குளவிகள் இருப்பது கடுமையான சைவ உணவு உண்பவர்களுக்கு பிடிக்காத ஒன்றாகும். "சில அத்திப்பழங்கள் மகரந்தச் சேர்க்கைக்கு அத்திப்பழ குளவிகளை நம்பியிருப்பது உண்மைதான் என்றாலும், மகரந்தச் சேர்க்கைக்குப் பிறகு குளவிகள் பெரும்பாலும் பழத்திற்குள் இறந்துவிடும் " என்றும் அவர் கூறுகிறார். 

இருப்பினும், அத்திப்பழத்தின் என்சைம், ஃபிசின், குளவியின் உடலை உடைத்து, அதை பழமாக இணைத்து , அதை அத்திப்பழத்திலிருந்து வேறுபடுத்த முடியாது. பல சைவ உணவு உண்பவர்கள் இந்த செயல்முறையின் காரணமாக அத்திப்பழத்தைத் தவிர்ப்பதாகவும் விலங்குகளின் எச்சங்களைங்களை உண்பதுபோல் அவர்கள் நினைப்பதாகவும் அவர் கூறினார்.

காட்டு அத்திப்பழங்களும் வணிக ரீதியாக பயிரிடப்படும் அத்திப்பழங்களும் குளவி மகரந்தச் சேர்க்கையை நம்பியிருப்பதில் குறிப்பிடத்தக்க அளவில் வேறுபடுகின்றன. "காட்டு அத்திப்பழங்கள், குறிப்பாக டையோசியஸ் இனங்கள், மகரந்தச் சேர்க்கை மற்றும் இனப்பெருக்கத்திற்காக குறிப்பிட்ட அத்திப்பழ குளவிகளை சார்ந்துள்ளது, இதனால் பெரும்பாலும் குளவிகள் பழத்திற்குள் இருக்கும்."

இதற்கு நேர்மாறாக, பொதுவான அத்திப்பழம் போன்ற வணிகரீதியில் பயிரிடப்படும் பல வகைகளில் "சுய மகரந்தச் சேர்க்கை மற்றும் குளவிகள் தேவைப்படாது," எனவே சைவ உணவு உண்பவர்கள் இதை சாப்பிடலாம் என்று அவர் கூறுகிறார். 

குளவி எச்சங்கள் இருப்பதால் காட்டு அத்திப்பழங்கள் அசைவமாகப் பார்க்கப்படலாம், அதே நேரத்தில் வணிக ரீதியாக வளர்க்கப்படும் அத்திப்பழங்கள் பொதுவாக சைவத்திற்கு ஏற்றதாகக் கருதப்படுகின்றன. 

அசைவ உணவு உண்பவர்கள் மற்றும் சைவ உணவு உண்பவர்கள், அத்திப்பழத்தின் தனிப்பட்ட மகரந்தச் சேர்க்கை செயல்முறையை வைத்து தேர்வு செய்ய  வேண்டும் என்று மல்ஹோத்ரா பரிந்துரைக்கிறார். காட்டு அத்திப்பழங்கள் பெரும்பாலும் மகரந்தச் சேர்க்கைக்கு அத்திப்பழ குளவிகளையே நம்பியிருக்கும், இதனால் பழத்தின் உள்ளே குளவி எச்சங்கள் இருக்கும். 

இருப்பினும், வணிக ரீதியாக பயிரிடப்படும் பல அத்திப்பழங்கள், குறிப்பாக பொதுவான வகைகளுக்கு குளவி மகரந்தச் சேர்க்கை தேவையில்லை, எனவே அவற்றில் எந்த பூச்சியும் இருக்காது என்று அவர் கூறுகிறார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil