பூண்டு, வெந்தயம்... தளர்ந்த மார்பகங்கள் சரியாக இதைப் பண்ணுங்க: டாக்டர் யோக வித்யா

சில பெண்களுக்கு மார்பகங்கள் தளர்ந்த நிலையில் இருக்கும். சிலருக்கு போதிய வளர்ச்சி இல்லாமல் இருக்கும். இதனால் பெண்கள் தங்கள் மார்பகங்களை நினைத்து கவலைப்படுவர். ஆனால் சில எளிய உணவுகளையும், உடற்பயிற்சிகளையும் செய்தால், தளர்ந்த மார்பகங்களை வலிமையாக்குவதோடு, மார்பகங்களின் போதிய வளர்ச்சியையும் உறுதிப்படுத்தலாம்.

தளர்ந்த மார்பகங்களை சரி செய்வது தொடர்பாக டாக்டர் யோக வித்யா தெரிவித்த கருத்தக்களை இப்போது பார்ப்போம். இதுதொடர்பாக டாக்டர் யோக வித்யா தனது யூடியூப் பக்கத்தில் வெளியிட்டுள்ள வீடியோவில் விளக்கம் அளித்துள்ளார்.

மார்பகங்கள் ரொம்பவும் தளர்ந்து இருப்பது அல்லது முறையான வளர்ச்சியுடன் இல்லாமல் இருப்பது, நிறைய பெண்களை வருத்தமடையச் செய்கிறது. இதனை சரி செய்ய உணவு மற்றும் உடற்பயிற்சி அவசியம். 

உணவைப் பொறுத்தவரை ஈஸ்ட்ரோஜன் மற்றும் புரோலாக்டின் நிறைந்த உணவுகளை எடுத்துக் கொள்ள வேண்டும். ஈஸ்ட்ரோஜன் என்பது பெண்களுக்கு என்றே இருக்கக் கூடிய தனித்துவமான ஹார்மான் ஆகும். இந்த ஈஸ்ட்ரோஜன் அதிமதுரம், கருப்பு எள் உருண்டை, பிளாக் சீட்ஸ், பூசணி விதை போன்றவற்றில் அதிகமாக இருக்கிறது. எனவே பெண்கள் இவற்றை உணவில் அதிகளவில் சேர்த்துக் கொள்ள வேண்டும்.

அடுத்ததாக பெண்களுக்கு அதிகம் தேவைப்படுவது புரோலாக்டின் ஹார்மோன் ஆகும். கருவுறுதல் நேரத்தில் புரோலாக்டின் ஹார்மோன் சுரந்தால் தான் பால் சுரப்பிகள் உற்பத்தியாகி, குழந்தை பிறந்தால் பால் கொடுப்பதற்கு ஏதுவாக இருக்கும். இந்த புரோலாக்டின் பூண்டு, வெந்தயம், பசும்பால் ஆகியவற்றில் அதிகளவில் உள்ளது. இந்த உணவுகளையும் உங்களுடைய சராசரி உணவில் சேர்த்துக் கொள்ள வேண்டும். 

ஈஸ்ட்ரோஜன் மற்றும் புரோலாக்டின் கிடைக்க இந்த உணவுகளை அடிக்கடி எடுத்து வந்தால் மார்பகங்களில் நல்ல மாற்றம் தெரியும். தளர்ச்சி இல்லாமல் இறுக்கமடையும்.

கூடவே உடற்பயிற்சியும் அவசியம். குறிப்பாக புஷ் அப்ஸ் மற்றும் ஷோல்டர் பிரஸ் இந்த இரண்டு உடற்பயிற்சிகளையும் அவசியம் செய்ய வேண்டும். இந்த உடற்பயிற்சிகளை 20 நிமிடங்கள் அளவில் செய்து வரும்போது மார்பக தசைகள் வலுவடைந்து வளர்ச்சி அடையும்.