வயல் ஓரங்களில் வளரும்... நரம்பு ஆ உற்ற நண்பன்; இப்படி கூட்டு வச்சு சாப்பிட்டு பாருங்க!

வயல்வெளிகளில் வளரும் பிண்ணாக்கு நரம்பு பலம் மற்றும் உடல் உறுதிக்கு உதவும். கால்நடைகளுக்கு உணவாகப் பயன்படுத்தப்படும் பிண்ணாக்கு (Oilcake) மனிதர்களின் ஆரோக்கியத்திற்கும், குறிப்பாக நரம்பு மண்டலத்திற்கும், உடல் உறுதிக்கும் நன்மை பயக்கும்.  இதுகுறித்து இணவோம் இயற்கையோடு இன்ஸ்டா பக்கத்தில் கூறியிருப்பது பற்றி பார்ப்போம்.

பிண்ணாக்கு கீரை ஒரு சிறந்த சித்த மருத்துவ மூலிகையாகும். இதன் எண்ணற்ற மருத்துவ குணங்கள் நமது ஒட்டுமொத்த ஆரோக்கியத்தையும் மேம்படுத்தி, நரம்பு மற்றும் உடல் உறுதிக்கு உறுதுணையாக அமைகின்றன. 

பல மருத்துவ குணங்களைக் கொண்ட இந்த அற்புத மூலிகைக் கீரை, உடலுக்கு வலிமையையும், நரம்புகளுக்குப் பலத்தையும் அளிக்கும் ஒரு ரகசியமாகக் கருதப்படுகிறது. சித்த மருத்துவத்தில் முக்கியத்துவம் வாய்ந்த இந்தக் கீரையின் பயன்களையும், அதை நம் அன்றாட உணவில் எப்படிச் சேர்ப்பது என்பதையும் பற்றி பார்ப்போம். 

1. நரம்பு மற்றும் உடல் பலம்:

உடல் பலத்தை அதிகரிப்பதில் பிண்ணாக்கு கீரை முக்கியப் பங்காற்றுகிறது. இதில் உள்ள அத்தியாவசிய சத்துக்கள் உணர்வு நரம்புகளையும் வலுப்படுத்த உதவுகின்றன. இது ஒட்டுமொத்த உடல் உறுதியையும் மேம்படுத்தி, அன்றாட சோர்வை நீக்குகிறது.

2. மூல நோய் நிவாரணம்:

மூல நோயால் பாதிக்கப்பட்டவர்களுக்கு பிண்ணாக்கு கீரை ஒரு வரப்பிரசாதமாகும். இது ரத்தப்போக்கைக் குறைத்து, எரிச்சலைப் போக்கி, மூல நோயைக் குணப்படுத்தத் துணைபுரிகிறது.

3. நோய் எதிர்ப்பு சக்தி:

பிண்ணாக்கு கீரை உடலில் நோய் எதிர்ப்பு சக்தியை அதிகரிக்கிறது. இதன் மூலம் வெளியிலிருந்து வரும் நோய்த்தொற்றுகளை எதிர்த்துப் போராடி, உடலைப் பாதுகாக்கும் அரணாகச் செயல்படுகிறது.

4. புற்றுநோய் தடுப்பு:

குறிப்பாக வயிறு சம்பந்தப்பட்ட புற்றுநோய்கள் ஏற்படும் அபாயத்தைக் குறைப்பதாகவும், புற்றுநோய் செல்களின் வளர்ச்சியைத் தடுப்பதாகவும் ஆய்வுகள் தெரிவிக்கின்றன. இது ஒரு தடுப்பு உணவாகப் பார்க்கப்படுகிறது.

5. வாதக் கோளாறுகள்:

உடலின் வாதத் தன்மையைச் சீராக்கி, வாயு தொந்தரவுகளைக் குறைப்பதில் பிண்ணாக்கு கீரை பயனுள்ளதாக இருக்கும்.

6. ஆண்மை குறைபாடுகள்:

ஆண்களுக்கு விந்தணுக்களின் எண்ணிக்கை மற்றும் தரத்தை அதிகரிக்க உதவும் என்பதால், குழந்தையின்மைக்கு சிகிச்சை எடுக்கும் ஆண்கள் இந்தக் கீரையை தங்கள் உணவில் சேர்த்துக்கொள்ளலாம்.

7. வெள்ளைப்படுதல்:

பெண்களுக்கு ஏற்படும் வெள்ளைப்படுதல் பிரச்சனைக்கு, பிண்ணாக்குக் கீரை சாறுடன் கடுக்காய் தோலைச் சேர்த்துப் பயன்படுத்துவதன் மூலம் நிவாரணம் பெறலாம்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.

View this post on Instagram

A post shared by இணைவோம் இயற்கையுடன் (@inaivom_iyarkaiyudan)