100 நோய்களை குணப்படுத்தும்... இந்த பொடியை தோசைமேல் தூவி சாப்பிடுங்க

இந்த ஒரே ஒரு சத்தான பொடி, உங்கள் அன்றாட உணவில் சேர்த்துக்கொள்வதன் மூலம், 100 அல்ல, 1000 நோய்களைக் கூட குணப்படுத்தும் ஆற்றல் கொண்டது. குறிப்பாக முடி உதிர்தல், இரத்த சோகை (இரத்தம் இல்லாத பிரச்சனை), உடல் நடுக்கம், உடல் சோர்வு போன்ற பல குறைபாடுகளை இது தீர்க்கிறது. என்னதான் சாப்பிட்டாலும் சோர்வாகவே உணர்பவர்களுக்கு இந்தப் பொடி ஒரு வரப்பிரசாதமாகும். இது ஒரு மாதம் வரை கெடாமல் இருக்கும் என்பதால், ஒருமுறை தயாரித்து வைத்துக்கொண்டால் போதும். இதனை எப்படி செய்வது என்று சால்ஹாஸ்கிச்சன் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

முருங்கைக்கீரை மற்றும் கறிவேப்பிலை (சுமார் 2 கிலோ)
வேர்க்கடலை
கருப்பு உளுந்து
கடலைப்பருப்பு
பாசிப்பருப்பு
பாசிப்பயறு
கருப்பு எள்ளு
வெள்ளை எள்ளு
பாதாம்
பொட்டுக்கடலை
வரமிளகாய் 
சமையல் எண்ணெய்
உப்பு
பெருங்காயத்தூள்

செய்முறை:

முருங்கைக்கீரை மற்றும் கறிவேப்பிலையை எடுத்து, முதலில் வீட்டிற்குள்ளேயே வைத்து நன்கு காய வைக்கவும். பொடி அரைக்கும் நாளுக்கு முன்பு சிறிது நேரம் வெயிலில் வைத்து எடுத்த பின், அவற்றை மிக்ஸி ஜாரில் சேர்த்து பொடியாக அரைத்து தனியாக எடுத்து வைக்கவும். வேர்க்கடலை, கருப்பு உளுந்து, கடலைப்பருப்பு, பாசிப்பருப்பு, பாசிப்பயறு, எள்ளு வகைகள், பாதாம், பொட்டுக்கடலை மற்றும் வரமிளகாய் ஆகியவற்றைச் சிறிதளவு எண்ணெய் ஊற்றி வறுத்துக் கொள்ளவும்.

வறுத்து வைத்துள்ள பயறு வகைகள் அனைத்தையும் ஒரு மிக்ஸி ஜாரில் சேர்த்து நன்கு அரைத்து எடுத்துக் கொள்ளவும். அரைத்து வைத்துள்ள பயறு பொடியுடன், ஏற்கனவே அரைத்து வைத்துள்ள முருங்கைக்கீரை பொடி, தேவையான அளவு உப்பு மற்றும் சிறிதளவு பெருங்காயத்தூள் சேர்த்து நன்கு கலக்கவும். இந்தக் கலவையை ஒரு காற்றுப் புகாத ஜாரில் போட்டு மூடி வைத்து, தினமும் பயன்படுத்தலாம். சூடான தோசை அல்லது இட்லியுடன் நெய் சேர்த்து இந்தப் பொடியை வைத்துச் சாப்பிட்டால் சுவையாக இருக்கும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.