மூட்டுக்கு மூட்டு வலி பறந்து போகும்... இந்த ஒரு துவையல் மட்டும் சாப்பிட்டு பாருங்க!

மூட்டு வலி, கை கால் வலி மற்றும் எலும்பு தொடர்பான பிரச்சனைகள் இன்றைய காலகட்டத்தில் பலருக்கும் ஒரு பெரிய சவாலாக உள்ளன. பிரண்டை, நமது பாரம்பரிய மருத்துவத்தில் எலும்புகளை பலப்படுத்தவும், வலிகளை குணப்படுத்தவும் பயன்படுத்தப்படும் ஒரு அற்புதமான மூலிகை. பிரண்டையின் மருத்துவ குணங்கள் பலருக்கும் தெரிவதில்லை. இந்த பிரண்டை துவையல் உங்கள் எலும்புகளுக்கும் மூட்டு வலிக்கும் ஒரு சிறந்த தீர்வாக இருக்கும்.

பிரண்டையில் சுண்ணாம்புச் சத்து அதிகம் இருப்பதால், எலும்புகளை வலுப்படுத்த உதவும். இது வாயுத்தொல்லையைக் குறைக்கவும், பசியைத் தூண்டவும் உதவுகிறது. பிரண்டை துவையலை சூடான சாதத்துடன் சேர்த்து சாப்பிடலாம். இந்தத் துவையலை ஒரு வாரம் வரை காற்றுப்புகாத டப்பாவில் சேமிக்கலாம். இதனை எப்படி செய்யலாம் என்று ஃபிட்புட்தமிழ் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

பிரண்டை
நல்லெண்ணெய்
கருப்பு உளுந்து
கடலைப்பருப்பு
மிளகு
சீரகம்
பூண்டு
வெள்ளை எள்
காய்ந்த கறிவேப்பிலை
இந்துப்பு
காய்ந்த மாங்காய் பொடி
பெருங்காயம்

செய்முறை:

முதலில், நறுக்கிய பிரண்டையை ஒரு கரண்டி எண்ணெயில் வதக்க வேண்டும். பின்னர், எலும்புகளுக்கு பலம் தரும் கறுப்பு உளுந்து மற்றும் கடலைப்பருப்பு ஆகியவற்றை சேர்த்து வறுக்கவும். அடுத்து, மிளகு, சீரகம், பூண்டு மற்றும் வெள்ளை எள் ஆகியவற்றை வறுத்து எடுத்துக்கொள்ளவும். இறுதியாக, காய்ந்த கறிவேப்பிலையை மொறுமொறுப்பாகும் வரை வறுத்து, வறுத்த பொருட்களை ஆறவைத்து மிக்சியில் அரைக்க வேண்டும்.

View this post on Instagram

A post shared by Fit & Food Tamil (@fitandfood_tamil)

அரைத்த விழுதில் இந்துப்பு, காய்ந்த மாங்காய் பொடி மற்றும் பெருங்காயம் போன்றவற்றைச் சேர்த்து, அதை காற்றுப்புகாத ஒரு கொள்கலனில் சேமிக்கலாம். இந்த கலவையை சூடான சாதத்துடன் நல்லெண்ணெய் கலந்து வாரத்திற்கு இரண்டு நாட்கள் சாப்பிடலாம். இது மூட்டு வலியைக் குறைக்க உதவும். இந்த செய்முறையை பின்பற்றி பிரண்டை துவையலை செய்து அதன் நன்மைகளை அனுபவிக்கவும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.