தாய்ப்பாலுக்கு அடுத்து இந்தக் காயில் தான் அந்த சத்து இருக்கு... அடிக்கடி இப்படி செய்து சாப்பிடுங்க: டாக்டர் சிவராமன்

தேங்காய், அதன் சுவை மற்றும் ஆரோக்கிய நன்மைகளுக்காக காலம் காலமாகப் பயன்படுத்தப்பட்டு வரும் ஒரு அற்புத உணவுப் பொருள். ஆனால், சமீபகாலமாக தேங்காய் குறித்த தவறான புரிதல்களால், அதன் பயன்பாடு கணிசமாகக் குறைந்து வருவது கவலை அளிக்கிறது. குறிப்பாக, தேங்காயில் உள்ள லாரிக் அமிலம் (Lauric acid) மற்றும் மோனோலாரின் (Monolaurin) போன்ற சத்துக்கள், தாய்ப்பாலில் காணப்படும் அதே நோய் எதிர்ப்பு சக்திக்கு மிக முக்கியமான கூறுகள் என்பது பலருக்கும் தெரியாத உண்மை ஆகும்.

தாய்ப்பால் எவ்வாறு குழந்தைகளின் நோய் எதிர்ப்பு சக்திக்கு அடித்தளமாக அமைகிறதோ, அதேபோல தேங்காயும் உடலின் நோய் எதிர்ப்பு மண்டலத்தை வலுப்படுத்துவதில் முக்கியப் பங்காற்றுகிறது என்று டாக்டர் சிவராமன் கூறுகிறார். இத்தகைய மகத்தான சத்துக்கள் நிறைந்த தேங்காயை, "நல்லது இல்லை", "கெட்டது" போன்ற தவறான எண்ணங்களால் நாம் புறக்கணித்துவிட்டோம். இதன் விளைவாக, இன்று பெரும்பாலான வீடுகளில் சமையலில் தேங்காய் சேர்ப்பது இல்லை, தேங்காய் சட்னி அரைப்பது இல்லை, ஏன், தேங்காய் வைத்து பண்டங்கள் கூட செய்வது இல்லை.

இந்த மனமாற்றம் வயதானவர்களுக்கு பெரிய அளவில் பிரச்சனையை ஏற்படுத்தாமல் இருக்கலாம். ஆனால், வீட்டிலுள்ள குழந்தைகள் மற்றும் இளைய தலைமுறையினருக்கு இது மிகப்பெரிய தவறு. அவர்களின் நோய் எதிர்ப்பு சக்திக்கும், ஒட்டுமொத்த வளர்ச்சிக்கும் தேங்காய் அத்தியாவசியமான ஒரு பொருள்.

எனவே, தேங்காய் குறித்த தவறான கருத்துகளைப் புறந்தள்ளி, அதன் ஆரோக்கிய நன்மைகளைப் புரிந்துகொண்டு, தினசரி உணவில் தேங்காயைச் சேர்ப்பது நமது குடும்பத்தின் ஆரோக்கியத்திற்கு அவசியம். தேங்காய் பால், தேங்காய் சட்னி, தேங்காய் சேர்த்த காய்கறிகள் என பல்வேறு வடிவங்களில் தேங்காயை உட்கொள்வது, நோய் எதிர்ப்பு சக்தியை மேம்படுத்தி, ஆரோக்கியமான வாழ்வுக்கு வழிவகுக்கும்.

அதை தவிர ஸ்நாக்ஸ் மாதிரியும் தேங்காயை வைத்து சாப்பிடலாம். ஒரு கிண்ணத்தில் சத்துமாவு, துருவிய தேங்காய் மற்றும் தேவையான அளவு தண்ணீர் ஊற்றி பிசைந்து உருண்டை பிடித்து சாப்பிடலாம்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.