scorecardresearch

150 கிராம் பப்பாளி… நுரையீரலை வலுவாக்கும்… சுகர் பேஷன்ட்ஸ் நோட் பண்ணுங்க!

ஒருவரின் செரிமானத்தை நல்ல நிலையில் வைத்திருக்க வேறு எதுவும் தேவையில்லை. தெற்கு மெக்சிகோவை பூர்வீகமாகக் கொண்ட, உலகளாவிய, பல்துறை பழமான பப்பாளி பழம் மட்டும் போதும். பப்பாளி அதன் இனிப்பு சுவைக்காக உலகம் முழுவதும் விரும்பப்படுகிறது.

150 கிராம் பப்பாளி… நுரையீரலை வலுவாக்கும்… சுகர் பேஷன்ட்ஸ் நோட் பண்ணுங்க!

150 கிராம் பப்பாளி 60 கலோரிகளை தருவதோடு நார்ச்சத்து, பொட்டாசியம், வைட்டமின்கள் ஏ, சி, ஈ, கே மற்றும் வைட்டமின் பி வகைகள், ஃபோலேட் (வைட்டமின் பி9) உள்ளிட்ட ஏராளமான ஊட்டச்சத்துகளைத் தருகிறது. இது ஒரு சக்திப் பழம் என்று ஊட்டச்சத்து நிபுணர் கவிதா தேவ்கன் கூறுகிறார்.

ஒருவரின் செரிமானத்தை நல்ல நிலையில் வைத்திருக்க வேறு எதுவும் தேவையில்லை. தெற்கு மெக்சிகோவை பூர்வீகமாகக் கொண்ட, உலகளாவிய, பல்துறை பழமான பப்பாளி பழம் மட்டும் போதும். பப்பாளி அதன் இனிப்பு சுவைக்காக உலகம் முழுவதும் விரும்பப்படுகிறது. இது மிகவும் ஊட்டச்சத்து நிறைந்த, ஆரோக்கியமான உணவுகளில் ஒன்று. பப்பாளியின் சுவையை ஒருமுறை சுவைத்தால் அதற்குப் பிறகு, அதன் இனிப்பை விட்டுவிட முடியாது.

சரியான ஊட்டச்சத்து நிறைந்த பழம்

150 கிராம் பப்பாளி பழம் 60 கலோரிகளை தருகிறகிறது என்பது எத்தனை பேருக்கு தெரியும்? பப்பாளி பழம் நார்ச்சத்து, பொட்டாசியம் மற்றும் வைட்டமின்கள் ஏ, சி, ஈ, கே மற்றும் வைட்டமின் பி-வகைகள், ஃபோலேட் (வைட்டமின் பி9) உட்பட 60 கலோரிகளைத் தருகிறது. இதில் மெக்னீசியம், கால்சியம், பாஸ்பரஸ், இரும்புச் சத்து மற்றும் மாங்கனீசு போன்ற தாதுப்பொருட்களையும் வழங்குகிறது. பல பைட்டோ கெமிக்கல்கள், கரோட்டினாய்டுகள் மற்றும் பிற ஆக்ஸிஜனேற்ற கலவைகள் முதுமைக் கால நோய்கள் வராமல் தடுக்க உதவுகிறது. இது கலோரிகள் மற்றும் ஊட்டச்சத்து நிறைந்த உணவுகளில் ஒன்று.

இது குறைந்த கிளைசெமிக் சர்க்கரை அளவைக் கொண்டது.

பப்பாளி பழம் மிதமான கிளைசெமிக் உள்ளடக்கம் இருப்பதால், இது மிதமான அளவில் நீரிழிவு நோயாளிகளுக்கு பாதுகாப்பான உணவாகும். இது திடீர் சர்க்கரை அளவு அதிகரிப்பதற்கு வழிவகுக்காது. மேலும், இது குடலுக்கு நல்லது. ஆன்டி-ஆக்ஸிடன்ட்கள், நார்ச்சத்துகள் நிறைந்தது. நீரிழிவு நோயாளிகளுக்கு அவர்களின் ஆரோக்கியத்தை மேம்படுத்த உதவும் பல ஊட்டச்சத்துக்களை வழங்குகிறது.

இதய ஆரோக்கியத்திற்கு நல்லது

பப்பாளி பழத்தில் உள்ள ஃபோலேட் இரத்த ஓட்டத்தில் ஹோமோசைஸ்டீனைக் கட்டுப்படுத்த உதவுகிறது (அதிக அளவிலான ஹோமோசைஸ்டீன் இரத்த நாளங்களை சேதப்படுத்துகிறது. இது இதய நோய்க்கு வழிவகுக்கிறது), இதில் உள்ள நார்ச்சத்து இரத்தத்தில் உள்ள எல்.டி.எல் கொழுப்பை உறிஞ்சுவதைத் தடுக்கிறது. மேலும், பொட்டாசியம் – பழம்பெரும் வாசோடைலேட்டர் – இரத்த நாளங்களில் உள்ள பிரச்னைகளை சரியாக்குவதன் மூலமும், சிறந்த ரத்த சுழற்சியை ஊக்குவிப்பதன் மூலமும், இரத்த அழுத்தத்தைக் கட்டுக்குள் வைத்திருக்க உதவுகிறது.

நோய் எதிர்ப்பு சக்தியை அதிகரிக்கும்

பப்பாளி பழத்தில் உள்ள வைட்டமின்கள் ஏ, சி மற்றும் இ நோயெதிர்ப்பு மண்டலத்தை உண்மையில் மேம்படுத்தும். காது தொற்று, சளி மற்றும் காய்ச்சல் போன்றவற்றைத் தவிர்க்க விரும்பினால், அவர்களுக்கு பப்பாளி பழம் ஒரு பெரிய உதவியாக இருக்கும். பப்பாளியில் அதிக அளவு வைட்டமின் சி உள்ளது. அதே நேரத்தில், அதில், கணிசமான அளவு ஃபோலிக் அமிலம் மற்றும் இரும்புச் சத்து அதிகம் உள்ளது என்பது பலருக்குத் தெரியாது. அதனால், பப்பாளி பழத்தை தினமும் சாப்பிடுவதன் மூலம் நன்றாக உணரலாம்.

செரிமானத்தை சீராக்கும் பப்பாளி பழம்

பப்பாளியில் உள்ள என்சைம்கள் – பாப்பைன் மற்றும் சைமோபபைன் – நாம் உண்ணும் புரதத்தை அமினோ அமிலங்களாக உடைக்க உதவுகின்றன. இது வயிற்று வலி மற்றும் மலச்சிக்கலை தடுக்க உதவுகிறது. இது ஒரு பெரிய வேலையைச் செய்கிறது. ஏனெனில், செரிக்கப்படாத புரதம் நமது குடலில் உள்ள கெட்ட பாக்டீரியாக்களின் வளர்ச்சிக்கு வழிவகுப்பது மட்டுமல்லாமல், நம் உடலுக்குத் தேவையான அத்தியாவசிய அமினோ அமிலங்களின் பற்றாக்குறையையும் ஏற்படுத்துகிறது. உண்மையில், நம் உணவில் உள்ள புரதம் சரியாக ஜீரணிக்கப்படாவிட்டால், அது நீண்ட காலத்திற்கு கீல்வாதம், நாள்பட்ட மலச்சிக்கல், பைல்ஸ், உயர் இரத்த அழுத்தம் மற்றும் பல உடல்நலப் பிரச்சினைகளுக்கு வழிவகுக்கும். பப்பாளி செரிமானத்தை சீராக்குவதன் மூலம் இவற்றைத் தடுக்கிறது.

பப்பாளியில் உள்ள ஃபோலேட் மற்றும் வைட்டமின்கள் சி மற்றும் இ ஆகியவை இயற்கையாகவே மலச்சிக்கலைக் குறைக்கிறது. எனவே, மலச்சிக்கல் உள்ளவர்கள் நீண்ட பயணங்களைத் தொடங்குவதற்கு முன் பப்பாளி சாப்பிட வேண்டும் என்பதை அறிந்திருப்பீர்கள்.

பாபைன் மற்றும் சைமோபாபைன் ஆகியவை உடலின் பல்வேறு பகுதிகளில் வீக்கத்தைக் குறைக்க உதவுகின்றன. பப்பாளி எலும்புகளுக்கு சிறந்தது. ஏனெனில் அதன் அழற்சி எதிர்ப்பு பண்புகள், அதில் உள்ள வைட்டமின் சி உடன், பல்வேறு வகையான மூட்டுவலியைத் தடுக்க உதவுகிறது. வீக்கத்தைக் குறைத்து மூட்டுகளில் வலியைக் குறைக்கிறது. உண்மையில், கீமோபபைன் முடக்கு வாதம் மற்றும் கீல்வாதம் இரண்டையும் கட்டுப்படுத்துவதில் குறிப்பிடத்தக்க விளைவைக் கொண்டிருப்பது கண்டறியப்பட்டுள்ளது. பப்பாளியில் பொட்டாசியம் உள்ளது. இது எலும்புகளை வலுவாக வைத்திருக்க உதவுகிறது. வைட்டமின் கே இருப்பதால் எலும்புகள் நேரடியாக கால்சியத்தை பெற உதவுகிறது. மூட்டுவலி மற்றும் பிற எலும்பு தொடர்பான பிரச்சினைகள் மரபாக உள்ளவர்கள் இந்த சூப்பர் பழமான பப்பாளியை தங்கள் உணவில் சேர்த்துக்கொள்ளுங்கள்.

நுரையீரலை பலப்படுத்தும் பப்பாளி

இன்றைய சுற்றுச்சூழலில் நிலம், நீர், காற்று மாசுபட்ட காலத்தில் பப்பாளிப் பழம் ஒரு மீட்பராக இருக்கும். ஏனென்றால், பப்பாளி நுரையீரல் ஆரோக்கியத்தை மேம்படுத்துகிறது. வைட்டமின் ஏ இருப்பதால், புகைப்பிடிப்பவர்கள் மற்றும் புகைபிடிப்பவர்கள்கூட வைட்டமின் ஏ குறைபாடு உடையவர்களாக இருப்பதோடு நுரையீரல் வீக்கத்திற்கும் ஆளாகிறார்கள். எனவே, இந்த ருசியான பழத்தின் தட்டுகளை சாப்பிடுவதன் மூலம் அவர்கள் குறிப்பாக பயனடைவார்கள்.

அழகுக்கு உதவும் பப்பாளி

வைட்டமின்கள் சி, ஈ மற்றும் பப்பாளியில் உள்ள பீட்டா கரோட்டின் மற்றும் லைகோபீன் போன்ற கரோட்டினாய்டுகள் சருமத்தை ஃப்ரீ ரேடிக்கல் சேதத்திலிருந்து பாதுகாக்கின்றன. தோல் சுருக்கங்கள் மற்றும் பிற முதுமையின் அறிகுறிகளைத் தடுக்கின்றன. பப்பாளி பழம் இயற்கையான சன்ஸ்கிரீனாகவும் செயல்படுகிறது தீங்கு விளைவிக்கும் கதிர்களிலிருந்து சருமத்தைப் பாதுகாக்கிறது. எனவே, இளமையிலேயே தோல் சுருக்கத்தைத் தடுக்கிறது. எனவே, பப்பாளி சாப்பிடுவது சரும ஆரோக்கியத்துக்கு நல்லது. தாதுக்கள் மற்றும் அதிக அளவில் வைட்டமின்கள் இருப்பதால் பப்பாளி முடி வளர்வதை ஊக்குவிக்கிறது. பப்பாளி முடி உதிர்வதை தடுக்கிறது. வைட்டமின் ஏ சருமத்தின் உற்பத்தியை அதிகரிக்க உதவுகிறது. இதன் விளைவாக, முடி வளர்ச்சியை ஊக்குவிக்கிறது. சருமத்தை ஈரப்பதமாக்குகிறது. சருமத்தையும் முடியையும் அழகாக வைத்திருக்கிறது.

பப்பாளி கண்ணுக்கு சிறந்தது

பப்பாளியில் உள்ள கரோட்டினாய்டுகள், லுடீன் மற்றும் ஜியாக்சாண்டின் ஆகியவை கண்ணின் விழித்திரையைப் பாதுகாக்கிறது. பப்பாளியில் உள்ள பீட்டா கரோட்டின் உள்ளடக்கம் காரணமாக அது ஆரஞ்சு நிறமாக உள்ளது. இது உடலில் வைட்டமின் ஏ ஆக மாற்றப்பட்டு, தசைச் சிதைவை (வயது தொடர்பான பார்வை பிரச்சினைகள்) தடுக்க உதவுகிறது.

நரம்புகளை வலுவாக்கும் பப்பாளி பழம்

நரம்பு மண்டலம் உடலின் மற்ற பகுதிகளுடன் திறம்பட தொடர்பு கொள்ள உதவுவதற்கு அதிக அளவு தாமிரம் முக்கியமானது. பப்பாளியில் குறிப்பிடத்தக்க அளவு தாமிரம் இருக்கிறது.

பப்பாளியின் இந்த நன்மைகள் உங்களுக்கு தெரியுமா?

பப்பாளியில் காணப்படும் பாப்பைன் என்ற நொதி செரிமான செயல்முறையை அதிகரிக்கிறது. புரத அடிப்படையிலான உணவுகளில் இருந்து ஊட்டச்சத்து உறிஞ்சுதலை அதிகரிக்கிறது. பப்பாளியின் மையத்தில் அமைந்துள்ள சிறிய கருப்பு விதைகள், மிகவும் தனித்துவமான காரமான, மிளகு சுவையுடன், உண்ணக்கூடியவை என்பது பலருக்குத் தெரியாது. சுவாச பிரச்சனைகளுக்கு சிகிச்சையளிக்கவும், குடல் புழுக்களை சுத்தப்படுத்தவும் நீங்கள் அவற்றை அரைத்து அல்லது வேகவைத்து சாப்பிடலாம். டெங்கு காய்ச்சலின் அறிகுறிகளைக் குணப்படுத்தவும் பப்பாளி இலைகள் உதவியாக இருக்கும்.

பப்பாளி சாப்பிட எளிய குறிப்புகள்

நிச்சயமாக, பப்பாளியை ஒரு பச்சையாக, பழுத்த பப்பாளியை சாப்பிடலாம் அல்லது அதனுடன் ஒரு ஸ்மூத்தி செய்யலாம். சற்று பழுக்காதவற்றில் இருந்து சப்ஜியை சமைக்கலாம். பப்பாளி பழம் மிகவும் பல்துறை திறன் கொண்ட பழம். பப்பாளியை காலை உணவு, மதிய உணவு, சிற்றுண்டிகளில் சேர்த்துக் கொள்ளலாம் அல்லது இனிப்புக்காகவும் கூட சாப்பிடலாம்! விரைவான காலை உணவுக்கு, தயிர், வெண்ணிலா சாறு அல்லது கொக்கோ பவுடர், உறைந்த வாழைப்பழம் மற்றும் சில துண்டுகள் பழுத்த பப்பாளியை சேர்த்து மதிய உணவிற்கு, இந்த சாலட் தயாரிக்கவும்: பப்பாளி பழம், துண்டுகளாக்கப்பட்ட அன்னாசி, பூண்டு, எலுமிச்சை சாறு, உப்பு மற்றும் கருப்பு மிளகு ஆகியவற்றை சேர்த்து சாப்பிடலாம்.

வேடிக்கையான உண்மை

பப்பாளிக்கு ஐரோப்பா மற்றும் ஆஸ்திரேலியாவில் “பாவ்பா”, “ஃப்ரூட்டா பாம்பா” போன்ற பல்வேறு வேடிக்கையான பெயர்கள் உள்ளன. கியூபா மற்றும் பிரேசிலில் மாமாவோ என்று கூறுகிறார்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”

Stay updated with the latest news headlines and all the latest Food news download Indian Express Tamil App.

Web Title: Papaya benefits papaya daily 150g good for managing diabetes and heart health