குழந்தைகளுக்கான மதிய உணவை ஆரோக்கியமாகவும் சுவையாகவும் தயார் செய்ய விரும்புகிறீர்களா? அப்படியானால், இந்த பச்சை வேர்க்கடலை சாதம் ரெசிபியை நிச்சயமாக முயற்சிக்கலாம். இது ஒரு சத்தான மற்றும் அதே நேரத்தில் சுவை மிகுந்த மதிய உணவுக்கான ஒரு சிறந்த தேர்வாகும்.
தேவையான பொருட்கள்:
பச்சைக் கடலை - 1 கப்
வீட்டு அரிசி - 1 கப்
தண்ணீர் - 2 கப்
தேங்காய் - ஒரு கைப்பிடி
சீரகம் - 1 ஸ்பூன்
பச்சை மிளகாய் - 1
கறிவேப்பிலை - 3 கொத்து
சமையல் எண்ணெய் - 4 டேபிள் ஸ்பூன்
சோம்பு - 1 ஸ்பூன்
பெரிய வெங்காயம் - 1
இஞ்சி பூண்டு பேஸ்ட் - 1 ஸ்பூன்
தக்காளி - 1
உப்பு - தேவையான அளவு
மஞ்சள் தூள் - கால் ஸ்பூன்
மிளகாய்த்தூள் - 1 ஸ்பூன்
தனியாதூள் - 1 ஸ்பூன்
நெய் - 1 ஸ்பூன்
செய்முறை:
ஒரு கைப்பிடி தேங்காய், ஒரு ஸ்பூன் சீரகம், ஒரு பச்சை மிளகாய், மற்றும் இரண்டு கொத்து கறிவேப்பிலை ஆகியவற்றை ஒன்றாகச் சேர்த்து நன்றாக அரைத்து விழுதாக்கி வைத்துக் கொள்ளவும்.
ஒரு கடாயில் நான்கு டேபிள் ஸ்பூன் எண்ணெய் ஊற்றி, ஒரு ஸ்பூன் சோம்பு சேர்க்கவும். சோம்பு பொரிந்ததும், ஒரு பெரிய வெங்காயத்தைச் சேர்த்து பொன்னிறமாக வதக்கவும். வதங்கிய வெங்காயத்துடன் ஒரு கொத்து கறிவேப்பிலை மற்றும் ஒரு ஸ்பூன் இஞ்சி பூண்டு பேஸ்ட் சேர்த்து நன்றாக வதக்கவும்.
முன்பு அரைத்து வைத்திருந்த தேங்காய் கலவையைச் சேர்த்து, அதையும் நன்றாக வதக்க வேண்டும். கலவை நன்கு வதங்கியதும், ஒரு நடுத்தர அளவிலான தக்காளியைச் சேர்த்து நன்கு வதக்க வேண்டும். பின்னர், தேவையான அளவு உப்பு, கால் ஸ்பூன் மஞ்சள் தூள், ஒரு ஸ்பூன் மிளகாய்த்தூள், மற்றும் ஒரு ஸ்பூன் தனியாதூள் சேர்த்து அரை நிமிடம் வதக்கிக் கொள்ளவும்.
இப்போது ஒரு கப் பச்சை வேர்க்கடலையைச் சேர்த்து, மசாலாக்களுடன் நன்கு கலந்து கொள்ளவும். ஒரு கிளாஸ் வீட்டு அரிசிக்கு இரண்டு கிளாஸ் என்ற விகிதத்தில் தண்ணீர் ஊற்றவும். ஒரு ஸ்பூன் நெய் சேர்க்கவும். தண்ணீர் நன்கு கொதித்ததும், அரிசியைச் சேர்த்து மூடி விடவும்.
குக்கரில் இரண்டு விசில் வந்ததும், பிரஷர் முழுவதுமாக அடங்கியவுடன் திறந்து பார்த்தால், சுவையான பச்சை வேர்க்கடலை சாதம் தயாராக இருக்கும். இந்த சாதம் மிக மிக சுவையாக இருக்கும் என்பதால், குழந்தைகளும் விரும்பி சாப்பிடுவார்கள்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/06/16/WRcCWoYnL0MhuyiMdswG.jpg)