ஈஸி லஞ்ச் ரெசிபி... வெயிட் லாஸ் செய்யும் மக்களுக்கும் இது பெஸ்ட்!

மதிய உணவிற்கு, மிகவும் ஆரோக்கியமான மற்றும் வயிறு நிறையும் வகையில் இந்த ஒன் பாட் மீலைச் செய்து சாப்பிடலாம். கொள்ளு சேர்த்து செய்யப்பட்ட ஒரு உணவு. இது எவ்வளவு சுவையானது என்பதை எப்படி செய்வது என்று பார்ப்போம்.

தேவையான பொருட்கள்:

கடலை எண்ணெய்

நெய்

பிரியாணி இலை

ஸ்டார் அனிஸ்

கிராம்பு

இஞ்சி

பச்சை மிளகாய்

கொத்தமல்லி (தண்டுடன்)

வெங்காயம்

கேரட்

பட்டாணி

கான்

கலர் குடைமிளகாய் (கேப்சிகம்)

துளசி இலைகள் (Basil Leaves) அல்லது புதினா இலைகள்

கொள்ளு - 2 டேபிள்ஸ்பூன்

பாஸ்மதி அரிசி - 1 கப்

உப்பு

தண்ணீர்

செய்முறை:

குக்கரில் சிறிது கடலை எண்ணெய் மற்றும் நெய் சேர்த்து சூடாக்கவும். இதில் பிரியாணி இலை, ஸ்டார் அனிஸ், கிராம்பு சேர்த்து லேசாக வதக்கவும். இப்போது, இஞ்சி, பச்சை மிளகாய், கொத்தமல்லி (தண்டுடன்) ஆகியவற்றை சாப்பரில் (Chopper) போட்டு கொரகொரப்பாக அரைத்துக் கொள்ளவும்.

குக்கரில் சிறிது வெங்காயம் சேர்த்து வதக்கவும். வெங்காயம் வதங்கியதும், நாம் அரைத்து வைத்துள்ள பேஸ்ட்டை அதனுடன் சேர்த்து வதக்கவும். நான் இங்கே கேரட், பட்டாணி, கான் (மக்காச்சோளம்), கலர் குடைமிளகாய் போன்ற காய்கறிகளை எடுத்துக்கொள்ளவும். அடுத்து, துளசி இலைகளைச் சேர்க்கவும். துளசி இலைகள் இல்லையென்றால் புதினா இலைகளையும் சேர்த்துக் கொள்ளலாம்.

இரண்டு டேபிள்ஸ்பூன் கொள்ளை, நல்ல சூடான தண்ணீரில் 10-15 நிமிடங்கள் ஊறவைத்து எடுத்துக் கொள்ளவும். இப்போது, எல்லா காய்கறிகளையும் குக்கரில் சேர்த்து, நாம் ஊறவைத்த கொள்ளையும் அதனுடன் சேர்க்கவும். இந்த அளவு கொள்ளு சேர்த்தால், உணவில் கொள்ளு சேர்த்திருப்பது தெரியாது, ஆனால் அதன் சத்து உங்களுக்கு முழுமையாகக் கிடைக்கும்.

இரண்டு டீஸ்பூன் உப்பு சேர்த்து, சுமார் 5 நிமிடங்கள் வேகவிடவும். அதன் பிறகு, ஒரு கப் பாஸ்மதி அரிசியை எடுத்து, நல்ல சூடான தண்ணீரில் 15 நிமிடங்கள் ஊறவைக்கவும். இப்போது, குக்கரில் 1 ¾ பங்கு தண்ணீர் சேர்த்து, மேலே துளசி இலைகளைத் தூவி, குக்கரை மூடி, ஹை ஃபிளேமில் இரண்டு விசில் வரும் வரை சமைக்கவும்.

விசில் சத்தம் அடங்கியதும், குக்கரைத் திறந்து பார்த்தால், சூப்பரான ஒன் பாட் மீல் தயாராக இருக்கும்.இந்த ரெசிபியை குழந்தைகள் முதல் பெரியவர்கள் வரை அனைவரும் கண்டிப்பாக முயற்சி செய்து பாருங்கள்.