தட்டு இட்லி பத்தாது... இந்த சட்னி ருசியே தனி; ஒருமுறை செய்து பாருங்க!

சுவையான பாலக்காடு ஸ்டைல் தக்காளி சட்னியை வீட்டிலேயே எளிதாக செய்யலாம். இட்லி, தோசை, அல்லது சாதத்துடன் சேர்த்து சாப்பிட அருமையாக இருக்கும்!

தேவையான பொருட்கள்:

வறுக்க:

எண்ணெய்

காய்ந்த மிளகாய் - 2

இஞ்சி - ஒரு சிறிய துண்டு

கறிவேப்பிலை

உளுத்தம் பருப்பு - 1 தேக்கரண்டி

வதக்க:

பெரிய வெங்காயம் - ½ (நறுக்கியது)

தக்காளி - 2 (நறுக்கியது)

உப்பு - தேவையான அளவு

தேங்காய் துருவல் - 2 தேக்கரண்டி

கொத்தமல்லி இலை - சிறிதளவு

தாளிக்க:

எண்ணெய்

கடுகு

உளுத்தம் பருப்பு

பெருங்காயம்

செய்முறை:

ஒரு வாணலியில் சிறிது எண்ணெய் விட்டு, காய்ந்த மிளகாய், இஞ்சி, கறிவேப்பிலை, மற்றும் உளுத்தம் பருப்பு சேர்த்து பொன்னிறமாக வறுத்து தனியே எடுத்து வைத்துக் கொள்ளவும்.

அதே வாணலியில், மேலும் சிறிது எண்ணெய் சேர்த்து, நறுக்கிய வெங்காயம் சேர்த்து வதக்கவும். வெங்காயம் ஓரளவு வதங்கியதும், நறுக்கிய தக்காளி மற்றும் தேவையான அளவு உப்பு சேர்த்து, தக்காளி நன்கு குழையும் வரை வதக்கவும்.

View this post on Instagram

A post shared by Riz Mydheen (@spoon_of_passion)

தக்காளி நன்கு வெந்ததும், தேங்காய் துருவல் மற்றும் கொத்தமல்லி இலை சேர்த்து ஒரு நிமிடம் வதக்கி அடுப்பை அணைத்து விடவும். முதலில் வறுத்து வைத்த பொருட்களை மிக்ஸியில் சேர்த்து பவுடராக அரைத்துக் கொள்ளவும்.

அதனுடன் வதக்கி வைத்துள்ள வெங்காயம், தக்காளி கலவையை சேர்த்து, கொரகொரப்பாக அரைக்கவும். தேவைப்பட்டால் சிறிதளவு தண்ணீர் சேர்க்கலாம். ஒரு சிறிய தாளிப்பு கரண்டியில் எண்ணெய் விட்டு, கடுகு, உளுத்தம் பருப்பு, மற்றும் பெருங்காயம் சேர்த்து தாளித்து, அரைத்து வைத்துள்ள சட்னியுடன் சேர்க்கவும். சுவையான பாலக்காடு ஸ்டைல் தக்காளி சட்னி தயார்!