சொர்க்கத்தின் கடவுச் சொல்... பெயர் மட்டுமல்ல டிஷ் கூட கொஞ்சம் வித்தியாசம்: ஜாங்கிரி மதுமிதா ரெசிபி

கருப்பு எள்ளில் உள்ள நல்ல கொழுப்புகள் மற்றும் ஆன்டிஆக்ஸிடன்ட்கள் இதய ஆரோக்கியத்திற்கு நல்லது. எள்ளில் உள்ள கால்சியம், மெக்னீசியம், ஜிங்க் போன்ற தாதுக்கள் எலும்புகளை வலுப்படுத்த உதவும். கம்பு சாதம் உடலைக் குளிர்ச்சியாக வைத்திருக்க உதவும். அந்த வகையில், கருப்பு எள்ளு கொய்யா கம்பு சாதம் எப்படி செய்யலாம் என்பதை பார்ப்போம்.

தேவையான பொருட்கள்:

கம்பு - 1 கப்

கருப்பு எள் - 2-3 தேக்கரண்டி

கொய்யா - 1 (நறுக்கியது)

சமையல் எண்ணெய்/நெய் - 2-3 தேக்கரண்டி

கடுகு - 1/2 தேக்கரண்டி

உளுத்தம் பருப்பு - 1 தேக்கரண்டி

கடலைப்பருப்பு - 1 தேக்கரண்டி

கறிவேப்பிலை - சிறிதளவு

நறுக்கிய இஞ்சி, பூண்டு (விருப்பப்பட்டால்) - சிறிதளவு

வரமிளகாய் - 2-3 (அல்லது காரத்திற்கு ஏற்ப)

பெருங்காயத்தூள் - ஒரு சிட்டிகை

உப்பு - தேவையான அளவு

நறுக்கிய கொத்தமல்லி - சிறிதளவு

செய்முறை:

கம்பை நன்கு கழுவி 4 மணி நேரம் ஊறவைத்து, குக்கரில் 1:4 என்ற விகிதத்தில் தண்ணீர் மற்றும் சிறிதளவு உப்பு சேர்த்து 5 விசில் வரும் வரை வேகவிடவும். கம்பு சாதம் உதிரியாக இருக்குமாறு பார்த்துக்கொள்ளவும்.

கருப்பு எள், துவரம் பருப்பு, மல்லி, சீரகம், வரமிளகாய், கறிவேப்பிலை, பெருங்காயம் இவற்றை தனித்தனியாக வாணலியில் வறுத்து ஆறவைத்து பொடி செய்து கொள்ளவும். இது சாதத்திற்கு கூடுதல் சுவையைக் கொடுக்கும். (சாதத்துடன் எள்ளைப் பச்சையாகவோ அல்லது வறுத்தோ சேர்க்கலாம்.)

View this post on Instagram

A post shared by Yummy in tummy (@yummy_in_tummy_saranya)

ஒரு கடாயில் எண்ணெய்/நெய் விட்டு சூடாக்கி, கடுகு, உளுத்தம் பருப்பு, கடலைப்பருப்பு சேர்த்து பொன்னிறமாக வறுக்கவும். பிறகு இஞ்சி, பூண்டு (சேர்ப்பதாக இருந்தால்), வரமிளகாய், கறிவேப்பிலை, பெருங்காயத்தூள் சேர்த்து வதக்கவும்.

நறுக்கிய கொய்யா துண்டுகளை சேர்த்து ஒரு நிமிடம் வதக்கவும். கொய்யா அதிகம் குழையாமல் இருக்க லேசாக வதக்கினால் போதும். வேகவைத்த கம்பு சாதத்தை தாளிப்புடன் சேர்த்து நன்கு கிளறவும். தேவையான அளவு உப்பு சேர்க்கவும். கடைசியாக, நீங்கள் தயார் செய்த எள் பொடியையோ அல்லது வறுத்த எள்ளையோ சேர்த்து நன்கு கலக்கவும். நறுக்கிய கொத்தமல்லி தழை தூவிவினால் சுவையான கருப்பு எள்ளு கம்பு சாதம் ரெடி.