Corona Updates : மாவட்ட ஆட்சியர்களுடன் இன்று முதல்வர் ஆலோசனை

கொரோனா பரவலைத் தடுக்க ஊரடங்கு மே 3-ம் தேதி வரை ஊரடங்கு நீட்டிக்கப்பட்டுள்ளதால், சென்னை பல்கலைக்கழக தேர்வுகள் ஒத்திவைக்கப்பட்டுள்ளதாக அறிவிக்கப்பட்டுள்ளது.

முதல்வர் பழனிசாமி நாளை காலை 10.30 மணிக்கு காணொலி மூலம் அனைத்து மாவட்ட ஆட்சியர்களுடன் ஆலோசனை நடத்த உள்ளார்.

சென்னையில் செய்தியாளர்களிடம் பேசிய சுகாதாரத்துறை அமைச்சர் விஜயபாஸ்கர், “தமிழகத்தில் மேலும் 38 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனாவால் பாதிக்கப்பட்டோரின் மொத்த எண்ணிக்கை 1,242 ஆக உயர்ந்துள்ளது. தமிழகத்தில் இதுவரை கொரோனா பாதிப்பால் 14 பேர் உயிரிழந்துள்ளனர். 117 பேர் கொரோனவில் இருந்து குணமடைந்துள்ளனர்.”என்று கூறினார்.

நேற்று வரையில் கிடைத்த தகவல்களின் அடிப்படையில் 170 மாவட்டங்கள் தொற்றுப் பரவல் அதிகம் உள்ள மாவட்டங்கள் ஆகவும், தொற்று உள்ளவர்கள் ஒரு சிலர் இருந்தபோதிலும் தொற்று அதிகமாக பரவாத மாவட்டங்களாக 270 மாவட்டங்கள் அறிவிக்கப்பட்டுள்ளதாக மத்திய சுகாதார அமைச்சகம் தெரிவித்துள்ளது.  

#WATCH Chhattisgarh: The nursing staff at AIIMS (All India Institute Of Medical Sciences) Raipur taking care of a 3-month-old daughter of a woman who has tested positive for COVID-19. (Video source: AIIMS Raipur) pic.twitter.com/d4K4LlVdpE— ANI (@ANI) April 15, 2020கோவிட்  -19 தொற்று உறுதி செய்யப்பட்டவரின் மூன்று மாத மகளை, ரெய்ப்பூரில்  எய்ம்ஸ் மருத்துவமனை செவிலியர்கள் (அகில இந்திய மருத்துவ அறிவியல்) அன்பை பகிர்ந்து வரும் காட்சி.... 

கொரோனா வைரஸ் நோய் தடுப்பு மற்றும் நிவாரணப் பணிகளுக்காக முதலமைச்சர் பொது நிவாரண நிதிக்கு இதுவரை பெறப்பட்ட மொத்த தொகை சுமார் 134 கோடியே 63 லட்சம் ரூபாய் என்று தெரிவிக்கப்பட்டுள்ளது  

உலக சுகாதார அமைப்புக்கான நிதியுதவியை நிறுத்துவதற்கான அமெரிக்காவின் முடிவு குறித்து "வருத்தமடைவதாக" சீனா தெரிவித்துள்ளது. இதுபோன்ற, ஒரு நெருக்கடி காலத்தில், அமெரிக்கா தனது கடமைகளை நிறைவேற்றுமாறும்  வலியுறுத்தியுள்ளது.ஜெனீவாவை தளமாகக் கொண்டு இயங்கும் உலக சுகாதார அமைப்பு, தொற்றுநோயை "சரியாக  நிர்வகிக்கவில்லை என்று அதிபர் டொனால்ட் டிரம்ப் குற்றம் சாட்டியதோடி ,அமைப்பிறகான நிதியை நிறுத்தி வைப்பதாகவும் தெரிவித்தார். 

இந்தியாவில் நாடு தழுவிய பொது முடக்கம்  மே 3 வரை நீட்டிக்கப்பட்ட நிலையில், இந்தியன் பிரீமியர் லீக் (ஐபிஎல்) 2020 சீசன் காலவரையின்றி ஒத்திவைக்கப்பட்டுள்ளது. முன்னதாக, கோவிட்- 19 பரவல் காரணமாக ஏப்ரல் 15 (இன்று  வரை ஐபிஎல் போட்டிகள் ஒத்திவைக்கப்பதுவதாக அறிவிக்கப்பட்டது   

பொது முடக்க காலத்தில், திருத்தி அமைக்கப்பட்ட ஒருங்கிணைந்த வழிகாட்டு நெறிமுறைகளை மாநில அரசுகளும் யூனியன் பிரதேசங்களும் கண்டிப்பாக பின்பற்ற வேண்டும் என்று மத்திய உள்துறை அமைச்சகம் கடிதம் எழுதி உள்ளது.

நடப்பாண்டில் தென்மேற்கு பருவமழை வழக்கம்போல இருக்குமென்று இந்திய வானிலை ஆய்வு மையம் தெரிவித்துள்ளது.

அண்டை நாடான பாகிஸ்தானிலும் ஊரடங்கு உத்தரவு, மேலும் இரண்டு வாரங்களுக்கு நீட்டிக்கப்படுவதாக பிரதமர் இம்ரான் கான் அறிவித்துள்ளார்.

தமிழகத்திற்கு கொரோனா பரிசோதனைக்கான பிசிஆர் கருவிகளை  டாடா நிறுவனம் வழங்கியுள்ளது.  ரூ.8 கோடி மதிப்பிலான 40,032 கருவிகள் தமிழக அரசிடம் வழங்கப்பட்டன . கொரோனா தொற்றை கண்டுபிடிக்க பிசிஆர் கிட் கருவிகள் உதவும் என்பது குறிப்பிடத்தக்கது.

சென்னையில் மக்கள் முகக் கவசம் அணியாமல் வெளியே செல்லும் பாதசாரிகளுக்கு 100 ரூபாய் அபராதம். வாகனங்கள் பறிமுதல் செய்யப்பட்டு ஆறு மாதங்களுக்கு ஓட்டுநர் உரிமம் ரத்து செய்யப்படும்  என  சென்னை மாநகராட்சி அறிவிப்பு வெளியிட்டுள்ளது.

மே 3ம் தேதி வரை ஊரடங்கு உத்தரவு நீட்டிக்கப்பட்டுள்ளதையடுத்து இஸ்லாமியர்கள் அனைவரும் தங்கள் வீட்டிலேயே தொழுகை நடத்த வேண்டும் என்று ஜமா அத்துல் உலமா சபை அறிவுறுத்தியுள்ளது.

தமிழர்கள் அதிகம் வசிக்கும் மும்பை தாராவி குடிசைப்பகுதியில்,  கொரோனா பாதிப்பு வேகமாக பரவி வருகிறது. .. இதுவரை 7 பேர் பலியடைந்துள்ள நிலையில், பாதிக்கப்பட்டோர் எண்ணிக்கை 60 ஆக உயர்ந்துள்ளது.

கரோனா பணியில் ஈடுபட்டுள்ள போலீசாரை டிஜிபி ஜே.கே.திரிபாதி பாராட்டியுள்ளார். கரோனா நோய் தொற்றை தடுக்கும் பணியில் காவல்துறையின் பணியின் வடிவம் முற்றிலும் மாறிவிட்டது. கூட்டத்தினரை ஒழுங்குபடுத்தின நாம், தற்போது கூட்டம் கூடாமல் தடுக்கவும், போக்குவரத்தை சரிசெய்த நாம், தற்போது போக்குவரத்து நடக்காதவகையிலும் பணி செய்து வருகிறோம்.தொற்று ஏற்பட்டவர்கள் மற்றும் தனிமைப்படுத்தப்பட்டவர்கள் இருக்கும் இடத்தில் பாதுகாப்புப் பணியில் ஈடுபடும் காவலர்கள் மிகுந்த பாதுகாப்புடன் இருக்க வேண்டும். சுகாதாரம் மற்றும் வருவாய் துறை, உள்ளூர் அமைப்புகளுடன் இணைந்து காவலர்கள் பணிபுரிய வேண்டும். பொதுமக்களுக்கு ஏற்படும் அச்சத்தை காவல்துறையினர் சரிசெய்ய வேண்டும். மன அழுத்தம், குடும்ப வன்முறை, தற்கொலை வழக்குகள் குறித்து கவனமுடன் உடனடியாக செயல்பட வேண்டும்’’ என்று குறிப்பிட்டுள்ளார்.

உலகளவில் கொரோனாவால் பாதிக்கப்பட்டோரின் எண்ணிக்கை 20 லட்சத்தை தாண்டியது கொரோனா பாதிப்பால் 1.26 லட்சம் பேர் உயிரிழந்துள்ள நிலையில், 4.84 லட்சம் பேர் குணமடைந்துள்ளனர்

நகரங்களுக்கு வெளியில் அமைந்துள்ள தொழிற்சாலைகள், விவசாயம் சார்ந்த இயந்திர நிறுவனங்கள், பழுது நீக்கும் நிறுவனங்கள், மீன் இறைச்சிக்கடைகள் உள்ளிட்டவைகள் இயங்க அனுமதி அளிக்கப்பட்டுள்ளது.

ஊரடங்கு உத்தரவு மேலும் நீட்டிக்கப்ட்டுள்ள நிலையில், புதிய  வழிகாட்டு நெறிமுறைகள் வெளியிடப்பட்டுள்ளன. ஏப்ரல் 20இல் மேற்கொள்ளவேண்டிய நடவடிக்கைகளை குறித்து மாநில அரசுகளே முடிவு செய்யலாம்; ஆனால் ஊரடங்கு விதிகளுக்கு உட்பட்டு இருக்க வேண்டும்  மே 3 வரை அனைத்து வகையான போக்குவரத்தும் ரத்து மக்கள் கூடும் அனைத்து இடங்கள், பள்ளி, கல்லூரிகள் இயங்க மே 3 வரை தடைவிதிக்கப்பட்டுள்ளது.

உலக சுகாதார மையத்துக்கு உலகின் பல்வேறு நாடுகளும் நிதியுதவி அளித்து வருகின்றன. அமெரிக்கா மட்டும் கடந்த ஆண்டில் 400 மில்லியன் டாலருக்கும் அதிகமாக நிதி வழங்கி உள்ளது.  இந்நிலையில் உலக சுகாதார மையத்திற்கு வழங்கப்படும் நிதி தற்காலிமாக நிறுத்தி வைக்கப்படுவதாக அமெரிக்க அதிபர் டிரம்ப் அறிவித்துள்ளார்

மகாராஷ்டிராவில் 2,687 பேருக்கு கொரோனா பாதிப்பு ஏற்பட்டுள்ளது. 178 பேர் உயிரிழந்துள்ள நிலையில், 259 பேர் குணமடைந்துள்ளதாக தெரிவிக்கப்பட்டுள்ளது.

அமெரிக்கா உள்ளிட்ட நாடுகளில் கொரோனாவில் பலியானவர்களின் எண்ணிக்கை

அமெரிக்கா - 25,350

இத்தாலி - 21,067

ஸ்பெயின் -18,056

பிரான்ஸ் - 15,729

பிரிட்டன் - 12,107

ஈரான் -4,683

பெல்ஜியம் - 4,157

சீனா -3,341

இந்தியாவில் கொரோனாவால் பாதிக்கப்பட்டோரின் எண்ணிக்கை, 10,815லிருந்து 11,439ஆக உயர்ந்துள்ளதாக மத்திய சுகாதாரத்துறை தெரிவித்துள்ளது. இதுதொடர்பாக, அது வெளியிட்டுள்ள அறிக்கையில் தெரிவிக்கப்பட்டுள்ளதாவது, உயிரிழந்தோர் எண்ணிக்கை 353லிருந்து 377ஆக அதிகரித்து்ளது.  குணமடைந்தோர் எண்ணிக்கை 1,190லிருந்து 1,306ஆக உயர்ந்துள்ளதாக தெரிவிக்கப்பட்டுள்ளது.