ஜனவரி மாதத்தின் உச்சக் குளிர்காலத்தில் சியாச்சின் பனிப்பாறையில் கேப்டன் ஷிவா சௌஹான் பணியமர்த்தப்பட்டபோது, அறியப்படாத கவலை மற்றும் அடுத்த சில மாதங்களில் அவர் சுமக்க வேண்டிய பொறுப்புகள் ஆகியவை அவருடைய உடனடி எண்ணங்களாக இருந்தன.
ஆனால் இரண்டு மாதங்களுக்குப் பிறகு, பொறியியல் சேவைப் பிரிவு அதிகாரியான ஷிவா சௌகான் கூறுகையில், ”சியாச்சின் பனிக்கட்டி பனிப்பாறையில் தனக்கு இருக்கும் ஒரே சவாலானது, பனிப்பாறையில் இருக்கும் உறைபனி, கணிக்க முடியாத காலநிலை, இவை தனது ஆண் சகாக்கள் எதிர்கொள்ளும் விதத்தில் இருந்து வேறுபட்டதல்ல. பனிப்பாறைக்கு வந்தது மறக்க முடியாத அனுபவம். இது சவாலானது, ஆனால் அதற்காக நான் பயிற்சி பெற்றுள்ளேன்,” என்று பனிப்பாறையிலிருந்து ஒரு தொலைபேசி அழைப்பில் இந்தியன் எக்ஸ்பிரஸ்ஸிடம் கூறினார்.
இதையும் படியுங்கள்: பெரும் பூனை இனங்களுக்கான உலகளாவிய கூட்டமைப்பை தொடங்கும் இந்தியா; 100 மில்லியன் முதலீடு
பனிப்பாறையில் பணியமர்த்தப்பட்ட ராணுவத்தின் முதல் பெண் அதிகாரி கேப்டன் ஷிவா சௌகான் ஆவார். அவர் இங்கு பணியமர்த்தப்படுவதற்கு முன்பு பழக்கப்படுத்திக்கொள்ள சியாச்சின் அடிப்படை முகாமில் பயிற்சி பெற்றார்.
அவருடைய வழக்கமான நாள் சூரியன் உதிக்கக் தொடங்கியவுடன் காலை 9.30 மணிக்குத் தொடங்குகிறது மற்றும் வானிலை நிலைமைகள் அவர் அந்த நாளை எப்போது முடிக்க வேண்டும் என்று கட்டளையிடுகின்றன. இங்கு வெப்பநிலை பொதுவாக மைனஸ் 30 டிகிரி செல்சியஸுக்கு அப்பால் இருக்கும், பகல் நேரத்தில் பூஜ்ஜிய டிகிரி செல்சியஸில் சற்று “வெப்பமாக” இருக்கும்.
கேப்டன் ஷிவா சௌஹானைப் போலவே, மேஜர் பாவ்னா சியாலும் கிழக்கு லடாக்கின் மிக உயரமான பகுதியில் பணியாற்றுகிறார், அங்கு இரவுகளில் வெப்பநிலை மைனஸ் 10 டிகிரி செல்சியஸ் வரை குறையும்.
ராணுவ சமிக்ஞைகள் பிரிவைச் சேர்ந்த மூன்றாம் தலைமுறை இராணுவ அதிகாரி, மேஜர் பாவ்னா சியால், தனது 13 வருட இராணுவ வாழ்க்கையில் ஜம்மு & காஷ்மீரில் பணியமர்த்தப்பட்டுள்ளார், மேலும் லெபனானில் உள்ள ஐ.நா பணியில் 19 மாதங்கள் பணியாற்றினார். ராஜ்பாத்தில் (இப்போது கடமைப் பாதை) 70வது குடியரசு தின அணிவகுப்புக்கு அவர் தலைமை தாங்கினார்.
அட்வான்ஸ்டு லைட் ஹெலிகாப்டர் (ALH) Mk III மூலம் எல்லைக் கட்டுப்பாட்டுக் கோட்டுக்கு (LoC) அருகில் பறக்கும் மேஜர் அபிலாஷா பராக் கூறுகையில், ”ஒவ்வொரு நாளும் ஒரு புதிய சவால், ஆனால் திருப்திகரமான அனுபவமும் கூட. நாங்கள் ஒவ்வொரு நாளும் எல்லைக் கோட்டில் பறக்கிறோம், தரைப்படைகளுக்கு பெரிய நடவடிக்கைகளுக்காக துருப்புக்களை அனுப்புவதற்கு அல்லது காயமடைந்தவர்களை வெளியேற்றுவதற்கு உதவுகிறோம். எதிரி பகுதிகளுக்கு அருகில் பறப்பது சவாலானது,” என்று கூறினார்.
வடகிழக்கில் முக்கியமான பகுதியில் நியமனம் பெற்ற லெப்டினன்ட் கர்னல் பிரியதர்ஷினி, தமிழ்நாட்டின் வெலிங்டனில் உள்ள பாதுகாப்பு சேவைகள் பணியாளர் கல்லூரி படிப்பிற்கான தேர்வுக்கு மூன்று நாட்களுக்கு முன்பு தனது தந்தையை இழந்த போதிலும், சமீபத்தில் தேர்வு செய்யப்பட்ட நான்கு பெண் அதிகாரிகளில் ஒருவர். அவரது பதவிக்காலத்தில், அவர் பல சவாலான செயல்பாடுகளை மேற்கொண்டார். தமிழ்நாட்டின் உள்நாட்டில் இருந்து வடகிழக்கை தளமாகக் கொண்ட கிளர்ச்சிக் குழுவைச் சேர்ந்த இருவரைப் பிடிக்க ராணுவத்திற்கு உதவிய ஒன்று அவரது இதயத்திற்கு நெருக்கமானது.
நாட்டிற்கு வெளியே மோதல் வலயங்களில் செயல்படும் அதிகாரிகளுக்கு ஒரு தனித்துவமான சவால்கள் உள்ளன, அதாவது ஐ.நா பணி.
இராணுவ மருத்துவப் படையைச் சேர்ந்த மேஜர் ஷைலி கெஹ்லாவத், கடந்த ஏழு மாதங்களாக மோதலால் பாதிக்கப்பட்ட அபேயில் (சூடான்) அனைத்து மருத்துவ வசதிகளையும் நிர்வகிப்பதற்குப் பொறுப்பானவராக பணிபுரிந்து வருகிறார். “இது ஒரு மோதல் பகுதி, கண் இமைக்கும் நேரத்தில் பாதுகாப்பு நிலைமை மாறுகிறது. வானிலை மற்றும் நிலப்பரப்பு மிகவும் கடினம், ”என்று அவர் கூறினார்.
மேலும், “இருப்பினும், இது ஒரு அற்புதமான அனுபவம், இது எனது கருத்துக்களை மாற்றியது மட்டுமல்லாமல், ஒரு பெரிய கற்றல் அனுபவமாகவும் உள்ளது. துப்பாக்கிச் சூடு மற்றும் கையெறி குண்டுகளை வீசுதல் உள்ளிட்ட அறிவிக்கப்படாத வன்முறைகள் மிகப்பெரிய சவாலாக இருக்கின்றன. எங்களால் முடிந்ததைச் செய்வது மற்றும் உள்ளூர் மக்களுக்கு உதவுவது ஒரு மகிழ்ச்சியான அனுபவம்.” என்றும் அவர் கூறினார்.
வன்முறை சில சமயங்களில் திடீரென முடுக்கிவிடப்படுவதுடன், ஒரேயடியாகப் பெருமளவிலான உயிரிழப்புகளும் ஏற்படலாம். மேஜர் ஷைலி கெஹ்லாவத், கடந்த ஆண்டு நவம்பரில், ஒரு இரவில் மருத்துவமனையில் 13 பேர் உயிரிழந்த இதுபோன்ற சவாலான சம்பவத்தை நினைவு கூர்ந்தார்.
இரவு முழுவதும், அழைத்து வரப்பட்டவர்கள் அறுவை சிகிச்சை செய்து காப்பாற்றப்பட்டனர். “எங்களால் முடிந்ததைச் செய்வது மற்றும் உள்ளூர் மக்களுக்கு உதவுவது ஒரு மகிழ்ச்சியான அனுபவம்,” என்று அவர் கூறினார்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
