குடியரசு தினம் அணிவகுப்பு : தமிழகம் சார்பில் அய்யனார் சிலை ரதம்

நாட்டின் 71வது குடியரசு தின கொண்டாட்டத்தின் முத்தாய்ப்பான நிகழ்ச்சியான அணிவகுப்பில் கம்பீரமாக வந்த கப்பற்படையின் அலங்கார வாகனங்கள்..

குடியரசு தின அணிவகுப்பு கோலாகலமாக துவங்கி நடைபெற்று வருகிறது

டில்லி ராஜ்பாத்தில் நடைபெற்று வரும் குடியரசு தின கொண்டாட்டத்தில் முன்னாள் பிரதமர் மன்மோகன் சிங் பங்கேற்றுள்ளார்.

நாட்டின் 71வது குடியரசு தின கொண்டாட்டத்தில், ஜனாதிபதி ராம்நாத் கோவிந்த், தேசியக்கொடியை ஏற்றினார்.

போர் நினைவு சின்னத்தில் பிரதமர் மோடி மலர் வளையம் வைத்து அஞ்சலி செலுத்தினார். 

போர் நினைவு சின்னத்தில் பிரதமர் மோடி மலர் வளையம் வைத்து அஞ்சலி செலுத்தினார். முன்னதாக, போர் நினைவிடம் வந்த பிரதமர் மோடிக்கு முப்படை தளபதிகள் வரவேற்பு அளித்தனர். அருகில் பாதுகாப்புத்துறை அமைச்சர் ராஜ்நாத் சிங்.

குடியரசு தின அணிவகுப்பு நடைபெற உள்ள ராஜ்பாத்தில், இந்திய படைகளின் பலத்தை நேரில் காண மக்கள் தொடர்ந்து குழுமிவருகின்றனர்.

ஜம்மு காஷ்மீர் மாநிலம் லடாக் பகுதியில் வெப்பநிலை - 20 டிகிரிக்கும் குறைவாக நிலவிவரும் நிலையிலும், இந்தோ - திபெத் எல்லை பாதுகாப்பு படையினர் தேசியக்கொடியை ஏந்தி கம்பீர அணிவகுப்பு நடத்தினர்.

ஒடிசா மாநிலம் புவனேஸ்வரில் முதல்வர் நவீன் பட்நாயக் கொடியேற்றி, குடியரசு தின கொண்டாட்டத்தை துவக்கிவைத்தார்.

நாட்டின் 71வது குடியரசு தினத்தையொட்டி, காங்கிரஸ் முன்னாள் தலைவர் ராகுல் காந்தி, மக்களுக்கு குடியரசு தின வாழ்த்துக்களை தெரிவித்துள்ளார்.

My best wishes to each & every Indian on this our Republic Day.

सभी देशवासियों को गणतंत्र दिवस की हार्दिक शुभकामनाएं।https://twitter.com/hashtag/RepublicDay2020?src=hash&ref_src=twsrc%5Etfw">#RepublicDay2020 https://t.co/P4ogRzuPN3">pic.twitter.com/P4ogRzuPN3

— Rahul Gandhi (@RahulGandhi) https://twitter.com/RahulGandhi/status/1221263282540929025">January 26, 2020

அனைவருக்கும் இனிய குடியரசு தின நல்வாழ்த்துக்கள் என பிரதமர் மோடி டுவிட்டர் பதிவில் குறிப்பிட்டுள்ளார்.

இதுவரை நடைபெற்ற குடியரசு தின கொண்டாட்டங்களில், அணிவகுப்பு , டில்லி இந்தியா கேட் பகுதியிலேயே நடைபெற்று வந்தது. இம்முறை பழைய சம்பிரதாயங்கள் தகர்த்தெறியப்பட்டுள்ளன. அணிவகுப்பு, போர் நினைவு சின்னம் பகுதியிலிருந்து துவங்குகிறது. பிரதமர் மோடி போர் நினைவு சின்னத்தில் மலர் வளையம் வைக்க உள்ளார்.

குடியரசு தின கொண்டாட்டத்தில் சிறப்பு விருந்தினராக பிரேசில் அதிபர் ஜெய்ர் மெஸியாஸ் பல்சனோரோ கலந்துகொண்டுள்ளார். பிரேசில் தலைவர், இந்திய குடியரசு தின கொண்டாட்டத்தில் சிறப்பு விருந்தினராக கலந்துகொள்வது இது 3வது முறை என்பது குறிப்பிடத்தக்கது.

நாட்டின் 71வது குடியரசு தின கொண்டாட்டங்கள், டில்லி போர் நினைவு சின்னம் அருகே இன்னும் சில நிமிடங்களில் துவங்க உள்ளது. நாட்டின் முக்கிய பிரமுகர்கள் மட்டுமல்லாது வெளிநாடுகளிலிருந்தும் பலர் பங்கேற்று இருப்பதால், உச்சகட்ட பாதுகாப்பு மேற்கொள்ளப்பட்டுள்ளது. இந்த வான்வெளியில், விமானங்கள் பறக்க தடைவிதிக்கப்பட்டுள்ளது. தீவிர கண்காணிப்பு சோதனைக்கு பிறகே மக்கள் அனுமதிக்கப்படுகின்றனர்.