/indian-express-tamil/media/media_files/2025/04/08/s08WdF87in5GWoO1LCCx.jpg)
முடி உதிர்வு பிரச்சனை என்பது மிகவும் சாதாரணமான ஒன்றாக மாறி வருகிறது. ஒரு காலத்தில் வயோதிகத்தை வெளிப்படுத்தும் ஒரு காரணியாக முடி உதிர்வு இருந்தது. இன்றும் கூட வயதானவர்கள் பலருக்கு தலை முடி அடர்த்தியாக இருக்கிறது. ஆனால், இளைஞர்களுக்கு தான் முடி உதிர்வு தொல்லை உள்ளது.
தற்போது, இளைஞர்களிடம் இருக்கும் சில மாற்றங்களின் காரணமாக முடி உதிர்வு ஏற்படுவதாக வல்லுநர்கள் கூறுகிறார்கள். உதாரணத்திற்கு, தூக்கமின்மை, மன அழுத்தம், வாழ்க்கை முறை மாற்றம் மற்றும் உணவு முறை மாற்றம் என்று சில காரணங்கள் கூறப்படுகிறது.
இந்தப் பிரச்சனைக்கு தீர்வு அளிப்பதாகக் கூறி நிறைய ஷம்பூக்கள், சீரம் போன்றவை விற்பனை செய்யப்படுகின்றன. ஆனால், இதில் சேர்க்கப்பட்டிருக்கும் இரசாயனங்கள், ஒவ்வாமை அல்லது பக்க விளைவுகள் போன்ற பிரச்சனைகளுக்கு வழி வகுக்க வாய்ப்பு உள்ளது.
எனவே, வீட்டில் இருக்கும் இயற்கையான பொருட்களை கொண்டு ஆரோக்கியமான முறையில் ஒரு ஹேர்பேக் தயாரித்து பயன்படுத்தலாம். இதற்காக இரண்டு ஸ்பூன் வெந்தயத்தை இரவு முழுவதும் தண்ணீரில் ஊற வைக்க வேண்டும். அடுத்த நாள் காலை இந்த வெந்தயத்தை மிக்ஸியில் அரைக்க வேண்டும்.
இத்துடன் ஒரு ஸ்பூன் தயிர், சிறிதளவு தேங்காய் எண்ணெய் மற்றும் எலுமிச்சை சாறு ஆகிய அனைத்தையும் சேர்த்து கலந்தால் ஹேர்பேக் தயாராகி விடும். இதனை நம் தலை முடியில் தேய்த்து விட்டு சுமார் 20 நிமிடங்கள் கழித்து குளித்து விடலாம்.
இதன் மூலம் முடி உதிர்வு பிரச்சனை குறையத் தொடங்கும். இது மட்டுமின்றி பொடுகு தொல்லையும் நீங்கி, முடி உறுதியாக வளரும்.
நன்றி - Anvesha Creativity Youtube Channel
பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.
Stay updated with the latest news headlines and all the latest Lifestyle news. Download Indian Express Tamil App - Android or iOS.