உப்புத் தண்ணீரில் ஊறவைத்து... பூண்டு இப்படி பயன்படுத்திப் பாருங்க!

வழக்கமான பூண்டின் தனித்துவமான சுவை மற்றும் ஆக்ஸிஜனேற்ற பண்புகள் காரணமாக நீங்கள் அதன் ரசிகரா? பதில் ஆம் எனில், நீங்கள் சிறிது பரிசோதனை செய்து, மேம்படுத்தப்பட்ட பயோஆக்டிவிட்டி கொண்டதாக அறியப்பட்ட நொதித்த அல்லது புளித்த பூண்டு-ஐ கண்டிப்பாக முயற்சிக்க வேண்டும். ஊட்டச்சத்து நிபுணர் ஷோனாலி சபர்வால் உங்கள் தினசரி உணவில் நொதித்த பூண்டு ஏன் இடம் பெற வேண்டும் என்பது குறித்த குறிப்பை அவரது இன்ஸ்டாகிராம் பக்கத்தில் பகிர்ந்துள்ளார்.

இந்தியர்களாகிய நமக்கு, நோய்த்தொற்றுகள் மற்றும் ஜலதோஷத்தைத் தடுக்க பூண்டு உதவுகிறது என்பது நன்கு தெரிந்ததே. செரிமானம் மற்றும் சுவாச மண்டலங்களுக்கும் பூண்டு உதவுகிறது. பூண்டு ப்ரீபயாடிக், மற்றும் நன்மை பயக்கும் பாக்டீரியாவை (செயல்பாட்டு நார்) ஊக்குவிக்க உதவுகிறது, மேலும் எதிர்மறை பாக்டீரியாக்களை மூழ்கடிக்கிறது என்று சபர்வால் கூறியுள்ளார்.

ஆய்வுகளின்படி, நொதித்த அல்லது புளித்த பூண்டு அதன் ஊட்டச்சத்துக்களை அதிகரிக்கிறது மற்றும் அந்த ஊட்டச்சத்துக்களை உடலால் உறிஞ்சுவதற்கு எளிதாக்குகிறது. "பூண்டு 90 நாட்களுக்கு நொதிக்க வைக்கப்பட்ட பிறகும், அதில் அதிக கொழுப்பு மற்றும் கார்போஹைட்ரேட் காணப்படுகிறது, மற்றும் 60 நாட்களுக்கு நொதிக்க வைக்கப்பட்ட பிறகும், அதிக புரதச்சத்து பூண்டில் காணப்படுகிறது," என்று ஊட்டச்சத்து நிபுணர் சபர்வால் கூறினார்.

இருப்பினும், பூண்டு அதன் கடுமையான வாசனையையும் சுவையையும் இழக்கிறது. பூண்டு இனிப்பு மற்றும் காரமான உணவுகளில் பயன்படுத்தப்படுகிறது, குறிப்பாக ஜப்பான், தாய்லாந்து மற்றும் தென் கொரியா போன்ற நாடுகளில், இது நீண்ட காலமாக அறியப்பட்டு தங்கள் உணவில் பயன்படுத்தப்படுகிறது. உண்மையில், பூண்டு இப்போது கிட்டத்தட்ட ஆசியா முழுவதிலும் மற்றும் அமெரிக்காவின் சில பகுதிகளிலும் பயன்படுத்தப்படுகிறது.

வழக்கமான பூண்டுடன் ஒப்பிடும்போது, ​​நொதிக்க வைக்கப்பட்ட பூண்டு மேம்பட்ட உயிர்ச்சக்தியை வெளிப்படுத்துவதாகக் கூறப்படுகிறது. WebMD கூற்றுப்படி, பூண்டில் உள்ள பயோஆக்டிவ் கூறுகள் உங்கள் உடல் செயல்பாட்டிற்கு உதவுகிறது மற்றும் சிறந்த ஆரோக்கியத்தை மேம்படுத்துகிறது. பல ஆய்வுகள் கருப்பு பூண்டு உங்கள் உடலில் பல செயல்பாடுகளுக்கு உதவுகிறது, இது ஒரு ஆக்ஸிஜனேற்றியாக செயல்படுகிறது மேலும் பூண்டு, ஒவ்வாமை எதிர்ப்பு பண்புகளைக் கொண்டுள்ளது, நீரிழிவு எதிர்ப்பு, அழற்சி எதிர்ப்பு மற்றும் புற்றுநோய்க்கு எதிரானது.

பூண்டு-ஐ நொதிக்க வைப்பது எப்படி?

* பூண்டு-ஐ உரிக்கவும்.

*பூண்டு பற்களை சுத்தமான ஜாடியில் வைக்கவும்.

* உங்கள் விருப்பப்படி தண்ணீர், உப்பு மற்றும் மூலிகைகள் சேர்க்கவும்.

*குளிர்ந்த இடத்தில் சேமிக்கவும்.

*அறை வெப்பநிலையில் 3-6 வாரங்கள் வைக்கவும்

இருப்பினும், உங்கள் உணவில் புதிதாக எதையும் சேர்க்கும் முன் உங்கள் ஊட்டச்சத்து நிபுணரைத் தொடர்புகொள்வது நல்லது.

மேலே உள்ள கட்டுரை தகவல் நோக்கங்களுக்காக மட்டுமே மற்றும் தொழில்முறை மருத்துவ ஆலோசனைக்கு மாற்றாக இல்லை. உங்கள் உடல்நலம் அல்லது மருத்துவ நிலை குறித்து ஏதேனும் கேள்விகள் இருந்தால் எப்போதும் உங்கள் மருத்துவர் அல்லது பிற தகுதிவாய்ந்த சுகாதார நிபுணரின் வழிகாட்டுதலைத் தேடுங்கள்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil