நாடு முழுவதும் கொரோனாவின் தாக்கம் இருந்து வரும் நிலையில் மக்கள் தடுப்பூசியை எதிர்நோக்கி காத்திருக்கிறார்கள். இருப்பினும், தலைவலி, லேசான காய்ச்சல், உடல் வலி, பலவீனம் மற்றும் சோர்வு போன்ற தடுப்பூசி செலுத்திய பிறகு ஏற்படும் பக்க விளைவுகள் குறித்து சிலர் கவலைப்படுகிறார்கள். கொரோனா வைரஸுக்கு எதிரான நோய்த்தடுப்பு அவசியம் என்பதால், தடுப்பூசி எடுத்துக் கொள்வதற்கு ஒருவர் பயப்படக்கூடாது என்று பிரபல ஊட்டச்சத்து நிபுணரும், உணவுக் கலைஞருமான, நியூ பிகினிங்ஸ் நிறுவனர் ஸ்வேதா குப்தா கூறுகிறார்.
“தடுப்பூசி பற்றிய பயத்திற்கு பதிலாக பக்க விளைவுகளை குறைக்க மற்றும் கொரோனா தடுப்பூசியின் விளைவுகளை அதிகரிக்க உங்கள் உணவில் சிறிய மாற்றங்களைச் செய்யுங்கள். தடுப்பூசிக்கு பிந்தைய விரைவான மீட்புக்காகவும், எந்த நேரத்திலும் இயல்பு நிலைக்கு திரும்பவும், இந்த உணவுப் பொருட்களை உங்கள் உணவில் சேர்க்கவும், ”என்று ஸ்வேதா பரிந்துரைக்கிறார்.
முழு தானிய உணவுகள்
முழு தானியங்களை உட்கொள்வது குடல் ஆரோக்கியத்தை மேம்படுத்துகிறது. மேலும் சிறந்த நோயெதிர்ப்பு சக்தியையும் அளிக்கிறது. நார்ச்சத்து மற்றும் பாலிபினால்கள் அதிகம் உள்ள, முழு தானியங்கள் ஆக்ஸிஜனேற்ற மற்றும் அழற்சி எதிர்ப்பு நன்மைகளை வழங்குகின்றன. அவை நாள்பட்ட அழற்சியைக் குறைக்க உதவும். பார்லி, பிரவுன் ரைஸ், பக்வீட், ஓட்ஸ் போன்ற முழு தானிய உணவுகளையும் உட்கொள்வது ஆற்றல் அளவை மேம்படுத்தவும் உடலில் பலவீனத்தை எதிர்க்கவும் உதவுகிறது.
நீரேற்ற (ஹைட்ரேட்டிங்) உணவுகள்
தண்ணீரைக் குடிப்பதன் மூலம் உடலை நீரேற்றமாக வைத்திருப்பது அவசியம். ஹைட்ரேட்டிங் உணவுகளை உட்கொள்வது தடுப்பூசிக்கு பிறகான கை வலியை அகற்றவும், உடல் வலிகளைக் குறைக்கவும், சிறந்த உடல் வெப்பநிலையை பராமரிக்கவும், பதட்டத்தை குறைக்கவும் உதவும். அழற்சி எதிர்ப்பு சேர்மங்கள் நிறைந்த ஸ்ட்ராபெர்ரி, தர்பூசணி, பீச், ஆரஞ்சு, வெள்ளரி, கீரை போன்றவற்றை உங்கள் உணவில் சேர்த்துக் கொள்ளுங்கள். ஹைட்ரேட்டிங் உணவுகள் உடலுக்கு ஏராளமான ஃபிளாவனாய்டுகளை வழங்குகின்றன.
மஞ்சள்
அதிசய மசாலா என்று அழைக்கப்படும் மஞ்சள் பாக்டீரியா எதிர்ப்பு, வைரஸ் எதிர்ப்பு, அழற்சி எதிர்ப்பு மற்றும் பூஞ்சை எதிர்ப்பு பண்புகளைக் கொண்டுள்ளது. இது குடலில் ஆரோக்கியமான பாக்டீரியாக்களின் வளர்ச்சியை மேம்படுத்த உதவுகிறது. குர்குமின் என்பது மஞ்சளில் உள்ள ஒரு பயோஆக்டிவ் கலவை ஆகும், இது நோயெதிர்ப்பு மண்டலத்தை மாற்றியமைக்கிறது மற்றும் குளிர், காய்ச்சல் அல்லது பிற தொற்றுநோய்களைத் தடுக்க ஒரு அமுதமாக செயல்படுகிறது. அதன் அபரிமிதமான ஆரோக்கிய நன்மைகளை அடையவும், தடுப்பூசியின் பக்க விளைவுகளை குறைக்கவும் நீங்கள் ஒரு கிளாஸ் சூடான மஞ்சள் பால் அல்லது மஞ்சள் தேநீர் குடிக்கலாம்.
பச்சை காய்கறிகள்
காய்கறிகளில் அத்தியாவசிய ஊட்டச்சத்துக்களான வைட்டமின்கள் ஏ, சி மற்றும் கே, பொட்டாசியம், ஃபோலேட், மெக்னீசியம் மற்றும் நோய் எதிர்ப்பு சக்தியை உருவாக்க உதவும் பிற தாதுக்கள் நிரம்பியுள்ளன. பச்சை காய்கறிகளை சாலட்களாக சாப்பிடலாம். மேலும் காய்கறிகளை உடலில் வளர்சிதை மாற்றத்தை அதிகரிக்கவும், ஒட்டுமொத்த நல்ல ஆரோக்கியத்தை பராமரிக்கவும் சூப்களில் சேர்க்கலாம். காலிஃபிளவர், ப்ரோக்கோலி, முட்டைக்கோஸ், கீரை, வோக்கோசு, அஸ்பாரகஸ், பிரஸ்ஸல் முளைகள், பீன்ஸ் ஆகியவை காய்கறிகளில் சில, தடுப்பூசிக்கு பிந்தைய மீட்புகளை துரிதப்படுத்தவும் காய்கறிகள் உதவுகின்றன.
இஞ்சி
இஞ்சியில் 30 க்கும் மேற்பட்ட அமினோ அமிலங்கள் மற்றும் 500 என்சைம்கள் மற்றும் கோஎன்சைம்கள் உள்ளன, இது உடலுக்கு நோய் எதிர்ப்பு சக்தியை அதிகரிக்கும் பண்புகளை வழங்க உதவுகிறது. இஞ்சியை உட்கொள்வது வீக்கத்தை எதிர்த்துப் போராட உதவுகிறது, மேலும் மன அழுத்த அளவைக் குறைக்கிறது. நீங்கள் பச்சை இஞ்சியை சாப்பிடலாம், இஞ்சி தேநீர் எடுத்துக் கொள்ளலாம், அல்லது இஞ்சியை எடுத்துக் கொண்ட பிறகு நன்றாக உணர இஞ்சரோல்ஸ் சப்ளிமெண்ட் செய்யலாம்.
“இந்த உணவுப் பொருட்களைச் சேர்ப்பதைத் தவிர, பதப்படுத்தப்பட்ட உணவுகளை சாப்பிடுவதைத் தவிர்க்கவும், நிறைய தண்ணீர் குடிக்கவும். உங்களுக்கு ஏதேனும் கடுமையான அறிகுறிகள் ஏற்பட்டால், உடனடியாக உங்கள் மருத்துவரை தொடர்பு கொள்ளுங்கள், ” என டாக்டர் ஸ்வேதா குப்தா அறிவுறுத்துகிறார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
