அழகு பொருள், கிளீனர்... எலுமிச்சை- ஆரஞ்சு தோல்களை இப்படி பயன்படுத்துங்க!

Health benefits of Lemon and Orange peels in tamil: எலுமிச்சை மற்றும் ஆரஞ்சு பழங்களை நாம் சுவைக்காகவும், அவற்றில் உள்ள ஆரோக்கிய நன்மைகளுக்காகவும் பயன்படுத்தி வருகிறோம். ஆனால் உங்களுக்கு தெரியுமா, இந்த பழங்கள் இவை தவிர புத்துணர்ச்சி மற்றும் கிருமி நாசினியாகவும் பயன்படுகிறது என்று. வாருங்கள் எலுமிச்சை மற்றும் ஆரஞ்ச் பழங்களின் பல்வேறு பயன்பாடுகளை இப்போது பார்ப்போம்.

எலுமிச்சை மற்றும் ஆரஞ்ச் போன்ற சிட்ரஸ் பழங்களில் வைட்டமின் சி, ஆக்ஸிஜனேற்றங்கள் மற்றும் தாதுக்கள் நிரம்பியுள்ளன, இவை பல ஆரோக்கிய நன்மைகளை வழங்குகின்றன. ஆனால் நீங்கள் சாப்பிட்டுவிட்டு தூக்கி எறியும் சிட்ரஸ் பழத்தின் தோல்கள் பழங்களை விட அதிக சத்தானவை என்பது உங்களுக்குத் தெரியுமா? ஆரஞ்சு மற்றும் எலுமிச்சை தோல்கள் உங்கள் வாழ்க்கையை எப்படி எளிதாக்கலாம் என்பதற்கான சில குறிப்புகள் இங்கே.

எலுமிச்சை தோல் கிருமி நீக்கியாக

உங்கள் சமையலறையை கிருமி நீக்கம் செய்து சுத்தம் செய்ய சிறிது வெதுவெதுப்பான நீரில் எலுமிச்சை தோல்களை வேகவைத்து, தண்ணீர் சூடு குறைந்தவுடன், 1 டேபிள் ஸ்பூன் பேக்கிங் சோடா மற்றும் 2 டேபிள் ஸ்பூன் வெள்ளை வினிகரை சேர்த்து நன்றாக குலுக்கவும். இதைத் தெளித்து, கிச்சன் ஸ்லாப், சிங்க் மற்றும் குக்டாப்களை சுத்தம் செய்யலாம்.

ஆரஞ்சு மற்றும் எலுமிச்சை சாரம்

எலுமிச்சை மற்றும் ஆரஞ்சு தோல் புதிய உணவு மற்றும் பானங்களின் சாரமாக அதிசயங்களைச் செய்யும். தோல்களை வெயிலில் காயவைத்து, தோல்களை பொடி செய்து, காற்றுப்புகாத டப்பாவில் சேமித்து, தேவைப்படும்போது பயன்படுத்தவும்.

முகம் அல்லது உடலுக்கான ஸ்க்ரப் ஆக

ஆரஞ்சு பழத்தோலை உலர்த்தி, பொடியாக அரைத்து, சிறிது தேங்காய் எண்ணெய் அல்லது தயிர் கலந்து, முகம் அல்லது உடலுக்கான ஸ்க்ரப் ஆக பயன்படுத்தலாம்.

ஆரஞ்சு மற்றும் எலுமிச்சை அத்தியாவசிய எண்ணெய்கள்

நீங்கள் அழகு பிரியர் அல்லது சாலட்களின் ரசிகராக இருந்தால், ஆரஞ்சு மற்றும் எலுமிச்சை தோல்கள் உங்களுக்கு அதிசயங்களைச் செய்யும்! உங்கள் சருமத்திற்கு சிறிது பளபளப்பைச் சேர்க்க விரும்பினால், உங்கள் தேங்காய் எண்ணெயில் சிறிது உலர்ந்த ஆரஞ்சுத் தோலைச் சேர்த்து, வைட்டமின் சியின் நன்மைகளை கிடைக்கச் செய்யவும்.

உங்கள் சாலட்களுக்கு ஒரு சுவையான திருப்பத்தை கொடுக்க விரும்பினால், உலர்ந்த எலுமிச்சை தோலில் இருந்து பிரித்தெடுக்கப்பட்ட சில எலுமிச்சை தோல்களை ஆலிவ் எண்ணெயில் சேர்க்கவும். பின்னர் சாலட் டிரஸ்ஸிங்கிற்கு பயன்படுத்தலாம்.

இயற்கை அறை ஃப்ரெஷ்னர்கள்

சிறிய காகித பைகள் அல்லது பாக்கெட்டுகளை உருவாக்கி, உலர்ந்த ஆரஞ்சு அல்லது எலுமிச்சை தோல்களால் நிரப்பவும். புத்துணர்ச்சியூட்டும் நறுமணம் துர்நாற்றத்தை அகற்ற உதவுகிறது மற்றும் இயற்கையான அறை புத்துணர்ச்சியாக செயல்படுகிறது. இந்த பைகளை உங்கள் அலமாரிகளிலும் வைக்கலாம்.

சுத்தமான மைக்ரோவேவ்

மைக்ரோவேவ் மற்றும் ஓவனில் இருந்து துர்நாற்றம் மற்றும் பாக்டீரியா உருவாவதை தடுக்க எலுமிச்சை தோல் உதவுகிறது. ஒரு கிண்ணத்தில் பாதி தண்ணீர் மற்றும் எலுமிச்சை தோல்களை நிரப்பி, இதை ஒரு நிமிடம் மைக்ரோவேவ் ஓவனில் வைத்து சூடேற்றவும். பின்னர் மைக்ரோவேவை அணைத்து, ஒரு ஸ்பாஞ்சை நனைத்து, மைக்ரோவேவ் ஓவனின் உள்ளேயும் வெளியேயும் துடைக்கவும்.

ஆரஞ்சு மெழுகுவர்த்தி

ஆரஞ்சு பழ தோலை நீங்கள் திரியாகப் பயன்படுத்தலாம். மேலும், சிறிது எண்ணெய் சேர்த்து அதை மெழுகுவர்த்தியாகப் பயன்படுத்தலாம். அதுமட்டுமல்லாமல், பழைய மெழுகுவர்த்திகளை உருக்கி ஒரு திரியை வைத்து ஆரஞ்சு தோலை மெழுகுவர்த்தியாகப் பயன்படுத்தலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil