இதய பராமரிப்பு, எடை குறைப்பு… தெரிந்த கத்தரிக்காய்; தெரியாத பயன்கள்

Health Benefits: கத்தரிக்காய் சிவப்பு ரத்த செல்களின் உற்பத்தியை ரத்தத்தில் அதிகரிக்கிறது.

இங்கிலாந்தின் அவுபிரிஞ்ச் இந்தியாவில் கத்தரிக்காய் என்றழைக்கப்படுகிறது. இது நைட்ஷேட் என்ற தாரவியல் வகையைச் சேர்ந்தது. ஊதா நிறக் கத்தரிக்காய்கள் உலகம் முழுவதுமிருந்தாலும் குறிப்பிடும்படி அமெரிக்காவில் அதிகம் காணப்படுகிறது. கத்தரிக்காய் இந்தியா முதல் பர்மா, சீனா வரை பல நாடுகளுக்கு சொந்தமானது. கத்தரிக்காய் ஒரு காய் வகை என்று கருதப்பட்டாலும், இது உண்மையில் சுவையான உணவாக சமைக்கப்படும் ஒரு பழமாகும். உயிரியல் ரீதியாக பழம் என்றாலும் சமையலில் கத்தரிக்காய் காய் வகையாகவே உபயோகப்படுத்தப்படுகிறது. இதன் சற்று கசப்பான சுவை பலரால் விரும்பப்படாதது என்றாலும் ஆரோக்கியமான பல நன்மைகளை இது உள்ளடக்கியுள்ளது. இதில் வைட்டமின் சி, கே, பொட்டாசியம், மாங்கனீசு மற்றும் ஃபைபர்கள் உள்ளடக்கியது. மேலும் கத்தரிக்காயின் இலைகள் மற்றும் வேர்கள் பலவகையான தொற்றுகளுக்கு மருந்தாகவும் பயன்படுத்தப்படுகிறது.

இதய ஆரோக்கியத்திற்கு உகந்தது:

இதய ஆரோக்கியத்திற்கு கத்தரிக்காய் சிறந்தது, கெட்ட கொழுப்புகளை அகற்றி எச்.டி.எல் எனப்படும் நல்ல கொழுப்பு வளர்ச்சியைத் தூண்டுகிறது. சிறந்த ஆக்ஸிஜனேற்றியாகவும் செயல்படுகிறது. சீரற்ற உணவினை எடுத்துக்கொள்ளும்போது உடலில் கொழுப்பு அளவும் சீரற்றதாக மாறும். உடலில் இருக்கும் நல்ல கொழுப்பு சீரான கொழுப்பை தக்கவைக்கும்.

இயற்கை மலம் இளக்கி:

கத்தரிக்காயில் அதிகம் உள்ள ஃபைபர் , ஜீரண சக்தியைத் தூண்டி எளிதில் உணவினை செரிக்கவைக்கும். இதனால் கத்தரிக்காய் உடலில் சிறந்த மலமிளக்கியாகவும் செயல்படுகிறது. நீர் மற்றும் ஆன்டிஆக்ஸிடன்களுடன் சேரும்போது செரிமான அமைப்பிலுள்ள அழற்சிகளை நீக்கி மலச்சிக்கலை போக்குகிறது.

எடையை குறைக்கும்:

கத்தரிக்காயிலுள்ள சபோனின் எனப்படும் கிளைக்கோசைடுகள் உடலில் கெட்ட கொழுப்பு சேர்வதைத் தடுத்து உடலில் ஏற்கெனவே உள்ள கெட்ட கொழுப்புகளை உறிஞ்சுகிறது. இதனால் உடல் எடையைக் குறைக்கும் சுழற்சியில் கத்தரிக்காய் பெரிதும் உதவுகிறது. கத்தரிக்காயிலுள்ள குறைந்த கார்போஹைட்ரேடுகளும், கலோரிகளும் எடை குறைக்கும் செயல்முறைக்கு உதவுகின்றன.

உயர்ந்த ஆக்ஸிஜனேற்றி:

அந்தோசையின் எனும் ஆக்ஸிஜனேற்றியே கத்தரிக்காயின் ஊதா நிறத்திற்கு காரணம். இவை நமது உடலை புற்றுநோய் செல்கள் மற்றும் நோய் ஏற்படுத்தும் பாக்டீரியாக்களிலிருந்து பாதுகாக்கிறது.

அனிமியாவிலிருந்து பாதுகாக்கிறது:

கத்தரிக்காய் சிவப்பு ரத்த செல்களின் உற்பத்தியை ரத்தத்தில் அதிகரிக்கிறது. பெண்கள் அதிகளவில் பாதிக்கப்படும் அனிமியா அல்லது இரும்புச்சத்து குறைபாடு போன்றவற்றைத் தடுக்க உதவுகிறது. மேலும் கத்தரிக்காயிலுள்ள காப்பர் அதிக அளவிலான சிவப்பு ரத்த செல்களை உற்பத்தி செய்ய உதவுகிறது. இதனால் ரத்தத்தில் ஹீமோகுளோபின் அளவு அதிகரிப்பதையும் காண இயலும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”

Get the latest Tamil news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Important health benefits of brinjal in tamil

Next Story
தினமும் கேரட் ஜூஸ் வேண்டாம்.. மைனா நந்தினி பியூட்டி டிப்ஸ்!Myna Nandhini Skincare Beauty Tips Tamil News
The moderation of comments is automated and not cleared manually by tamil.indianexpress.com