இரத்த ஓட்டத்தை அதிகரிக்கும் சுவரொட்டி வறுவல் செய்வது எப்படி?

Mutton Suvarotti Varuval: சிறப்பான மருத்துவக்‌ குணங்களைக்‌ கொண்ட சுவரொட்டி வாய்ப்புண்‌, வயிற்றுப்புண்‌ உள்ளவர்களுக்கு ஒரு சிறந்த மருந்து ஆக செயல்படுகிறது. உப்பு சேர்க்காமல்‌ இதில் சூப் தயாரித்து உண்டு வந்தால்‌ மிகுந்த பலன்‌ உண்டு.

Suvarotti Varuval recipe in tamil: How to prepare Goat Spleen Roast in tamil

Mutton Suvarotti Varuval: இறைச்சியில் ஆட்டு இறைச்சி, கோழி இறைச்சி, மாட்டு இறைச்சி, பன்றி இறைச்சி என பல வகைகள் உள்ளன. இவற்றில் ஆட்டு இறைச்சி மிகவும் சத்துள்ள ஒன்றாக உள்ளது. அதிலும் நமது ஊர்களில் கிடைக்கும் வெள்ளை ஆட்டு இறைச்சியில் ஏராளமான சத்துக்கள் உள்ளன. தற்போது, இந்த ஆட்டு இறைச்சியில் உள்ள பாகங்களை சாப்பிடுவதை பலர் தவிர்த்து விட்டனர் என்றே கூறலாம். ஏனென்றால் இவற்றில் கிடைக்கும் பாகங்களை விதவிதமாகவும், நல்ல டேஸ்ட்டியிலும் சமைக்க பலர் கற்றுக் கொண்டு வருகின்றனர்.

அந்த வகையில், ஆட்டு இறைச்சியில் கிடைக்கும் முக்கிய பாகமாக உள்ள மண்ணீரல்‌ என்கிற சுவரொட்டியில் எப்படி டேஸ்டியான வறுவல் தயார் செய்யலாம் என்று இங்கு காணலாம். சுவரொட்டியை நாம் இங்கு முக்கிய பாகம் என குறிப்பிட சில முக்கிய காரணங்கள் உள்ளன. சிறப்பான மருத்துவக்‌ குணங்களைக்‌ கொண்ட சுவரொட்டி வாய்ப்புண்‌, வயிற்றுப்புண்‌ உள்ளவர்களுக்கு ஒரு சிறந்த மருந்து ஆக செயல்படுகிறது. உப்பு சேர்க்காமல்‌ இதில் சூப் தயாரித்து உண்டு வந்தால்‌ மிகுந்த பலன்‌ உண்டு என்கிறார்கள் ஊட்டச்சத்து மருத்துவர்கள்.

சுவரொட்டி வறுவல் செய்யத் தேவையான பொருட்கள்

நல்லெண்ணெய்
மிளகாய் தூள் – 2 தேக்கரண்டி
சீரகம் தூள் – 1 தேக்கரண்டி
மிளகு – 1 தேக்கரண்டி,
மல்லி தூள் – 1தேக்கரண்டி
உப்பு – 1 தேக்கரண்டி
மஞ்சள் தூள் – 1/2 தேக்கரண்டி
நறுக்கிய வெங்காயம் – 1
சுவரொட்டி – 3
பச்சை மிளகாய் – 5
இஞ்சி பூண்டு விழுது – 1 தேக்கரண்டி

செய்முறை

சுவரொட்டி வறுவல் தயார் செய்ய முதலில் அவற்றை நன்கு வேக வைக்க வேண்டும். எனவே உங்களிடம் குக்கர் இருந்தால் அவற்றில் சிறிதளவு மஞ்சள் தூள் மற்றும் உப்பு கலந்து நன்கு வேக வைக்கவும். அல்லது சாதாரண அடுப்பில் கூட நன்கு வேக வைத்து கீழே இறக்கவும்

இப்போது ஒரு பாத்திரத்தை எடுத்து அதில் எண்ணெய் விட்டு சூடானதும், கடுகு, கருவேப்பிலை, வெங்காயம் சேர்த்து பென்னிறமாகும் வரை வதக்கி கொள்ளவும். இவற்றோடு சிறிதளவு உப்பு சேர்த்துக்கொள்ளவும். பின்னர் மிளகாய், இஞ்சி பூண்டு விழுது சேர்த்து வதக்கிக் கொள்ளவும்.

தொடர்ந்து மிளகாய் தூள் மற்றும் மல்லி தூள் சேர்த்து சில நிமிடங்களுக்கு வதக்கவும். பின்னர் மிதமான சூட்டில் சுவரொட்டியை சேர்த்து வதக்கவும். கொஞ்சம் கரு நிறம் தோன்றும் வரை வதக்கி கீழே இறக்கவும்.

இப்போது நீங்கள் விரும்பிய சுவரொட்டி வறுவல் தயாராக இருக்கும். இந்த அருமையான சைடிஷை பரிமாறி உண்ணவும்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறt.me/ietamil

Get the latest Tamil news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Suvarotti varuval recipe in tamil how to prepare goat spleen roast in tamil

Next Story
மூன்று பொருட்கள் இருந்தால் சத்தான இனிப்பு அவல் ரெடி; காலை நேரத்திற்கு ஏற்ற உணவு
The moderation of comments is automated and not cleared manually by tamil.indianexpress.com