Tamil Health Update Coconut Health Benefits : கோடை காலத்தில் நமக்கு குளிச்சியையும் ஆரோக்கியத்தை தரும் குளிர்பானங்களில் இளநீருக்கு முதல் இடம் உண்டு. உடலை குளிர்ச்சியுடனும், புத்துணர்ச்சியுடனும் வைத்திருக்கும் பண்பு இளநீருக்கு உண்டு. பொதுவாக இளநீர் குடித்து முடித்தவுடன் அதை இரண்டாக பிளக்கும்பொது அதில் இளம் தேங்காய் இருக்கும். வெள்ளை நிறத்தில் மென்மையாகவும், கிரீமியாகவும் இருக்கும் இந்த சதைப்பற்றை தேங்காய் இறைச்சி என்று கூறுவது உண்டு.
ஆனால் இந்தியாவில் இதை ‘தேங்காய் மாலை’ என்று அழைக்கின்றனர். நாம் பொதுவாக இதை வழுக்கை என்று கூறுவது உண்டு. தேங்காய் கடைக்கு சென்றவுடன் வழுக்கையாக ஒரு இளநீ கொடுப்பா என்று நம்மில் பலரும் கேட்ட அனுபவம் இருக்கும். தேங்காயில் இருந்து கிடைக்கும் தண்ணீர், தேங்காய் பால், தேங்காய் எண்ணெய் ஆஎன அனைத்துமே நமக்கு இன்றியமையாத பயனை தருகிறது. இதனால், பெரும்பாலான மக்கள் தேங்காய் சாப்பிடுவதை வழக்கமாக வைத்துள்ளனர்.
இந்த தேங்காய் வழுக்கையில், நார்ச்சத்து, மாங்கனீஸ், இரும்பு, துத்தநாகம், பாஸ்பரஸ் மற்றும் பொட்டாசியம் போன்ற சத்துக்கள் நிறைந்துள்ளன. இதனை சாப்பிடுவதால் உடலுக்கு பல நன்மைகள் ஏற்படுகிறது.
உடல் எடையை குறைக்க உதவும் :
தேங்காய் வழுக்கை சாப்பிடும்போது நாம் முழுமையாக நிரம்பியுள்ளோம் என்ற உணர்வைத் தருகிறது, கொழுப்பு மற்றும் கலோரிகளை எரிக்க உதவுகிறது. இதில் உள்ள நார்ச்சத்து அதிகமாக சாப்பிடுவதைத் தடுக்கிறது, நீங்கள் 1 கப் தேங்காய் துருவல் சாப்பிட்டால், 3 கிராம் புரதத்தை எடுத்துக் கொள்வீர்கள், இது கொழுப்பைக் குறைக்கவும் தசைகளைப் பெறவும் மிகவும் நல்லது. ஒரு குறிப்பிட்ட அளவு தேங்காய் வழுக்கை சாப்பிடுவது உடல் எடையை குறைக்க உதவுகிறது என்றாலும், அதை அதிகமாக சாப்பிட்டால், அதிக கொழுப்பு அளவுகள் இருப்பதால் எடை கூடும்.
செரிமானம் செயல்பாட்டை அதிகரிக்கிறது
தேங்காய் வழுக்கையில், உள்ள அதிக நார்ச்சத்து, சரியான நேரத்தில் மலத்தை வெளியேற்றி, குடலில் செரிமான செயல்பாட்டை பராமரிக்க உதவுவதன் மூலம் நமது செரிமான அமைப்பை சீராக்க உதவுகிறது. தேங்காய் வழுக்கை குடல் பாக்டீரியாவை வலிமையாக்க உதவுகிறது, குடல் பாக்டீரியாவை வலுப்படுத்துவது வீக்கம் போன்ற பிரச்சனைகளை எதிர்த்துப் போராட உதவும். இந்த சதையில் அதிக கொழுப்பு இருப்பதால், அவை வைட்டமின் ஏ, வைட்டமின் கே, வைட்டமின் டி மற்றும் வைட்டமின் ஈ போன்ற முக்கிய கரையக்கூடிய ஊட்டச்சத்துக்களை உறிஞ்சிவிடும்.
இதய ஆரோக்கியத்தை மேம்படுத்துகிறது
தேங்காய் வழுக்கை தேங்காய் எண்ணெயைக் கொண்டுள்ளது. இந்த தேங்காய் எண்ணெய் குறைந்த அடர்த்தி கொழுப்புப்புரதங்களைக் குறைக்க உதவுகிறது, இது பெரும்பாலும் ‘கெட்ட கொழுப்பு’ என்று குறிப்பிடப்படுகிறது மற்றும் ‘நல்ல கொலஸ்ட்ரால்’ என்று குறிப்பிடப்படும் அதிக அடர்த்தி கொழுப்புப்புரதங்களை அதிகரிக்க உதவுகிறது. நல்ல கொலஸ்ட்ரால் உற்பத்தி இதயத்தின் செயல்பாட்டை சீராக்க உதவுகிறது. இதயத்தை ஆரோக்கியமாக வைத்திருக்கவும், இதயம் சிறந்த முறையில் செயல்பட உதவுகிறது.
நம்மை குளிர்ச்சியாக வைத்திருக்கும்
கோடைக்காலத்தில், பல இடங்களில் தேங்காய் விற்பனையை நாம் பார்க்க முடியும். தேங்காய் இளநீர் நம் உடலை குளிர்ச்சியாகவும், புத்துணர்ச்சியுடனும் வைத்திருக்க உதவும். இந்த கோடையில் நமது உடல் வெப்பநிலையை குறைக்க இது சிறந்த இயற்கை மற்றும் ஆரோக்கியமான வழிகளில் ஒன்றாகும். இது கொளுத்தும் வெப்பத்தை எதிர்த்துப் போராட உதவுகிறது மற்றும் தேங்காய் பால் அல்லது தேங்காய் தண்ணீரைப் போலவே நம் உடலையும் நீரேற்றமாக வைத்திருக்க உதவுகிறது.
மற்ற ஆரோக்கிய நன்மைகள்
தேங்காய் துருவலில் உள்ள மாங்கனீஸ் போன்ற சத்துக்கள் நமது நோய் எதிர்ப்பு சக்தியை அதிகரிக்க உதவுகிறது. இது வீக்கம், வைரஸ் மற்றும் பூஞ்சை தொற்றுகளை தடுக்கிறது. இது நமது இரத்தத்தில் உள்ள சர்க்கரையின் அளவை சீராக்க உதவுகிறது மற்றும் உயர் இரத்த சர்க்கரையை கட்டுப்படுத்துகிறது. தேங்காய் வழுக்கையில் இருக்கும் கொழுப்பு நடுத்தர சங்கிலி ட்ரைகிளிசரைடுகள் எதிர்கால பயன்பாட்டிற்காக ஆற்றலாக மாற்றப்படுகிறது. சருமத்தில் தடவும்போது மென்மையாக வைத்திருக்கவும், வெயில் அல்லது வீக்கத்தை குறைக்கவும் உதவுகிறது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
