ஜப்பானிய நடைப்பயிற்சி vs 10,000 அடிகள் நடப்பது: இதுல ஒண்ணுக்கு ஒண்ணு சளைச்சது இல்ல; ஆனா இதுதான் பெஸ்ட்!

ஒரு மனிதன் தன் வாழ்நாளில் முக்கியமாக செய்ய வேண்டிய கடமை தனது உடலை ஆரோக்கியமாக பார்த்துக்கொள்ள வேண்டியது தான். ஆரோக்கியம் இருந்தால் எதையும் சாதிக்கலாம் என்பது அனைவருக்கு தெரிந்த ஒரு ரகசியம் தான் என்றாலும், இதை பற்றி யாரும் அதிகம் கண்டுகொள்வதில்லை என்றே சொல்லாம். அதே சமயம், தங்கள் உடலை ஆரோக்கியமாக வைத்துக்கொள்ள தவறாமல் உடற்பயிற்சி, நடைப்பயிற்சி செல்பவர்களும் இருக்கிறார்கள்.

நடைப்பயிற்சியின் மூலம் உடலை கட்டுக்கோப்பாகவும் ஆரோக்கியமாகவும் வைத்துக்கொள்ள நினைப்பவர்கள், தினமும் 10 ஆயிரம் அடி நடப்பது ஊடலுக்கு நல்லது என்று நினைக்கிறார்கள். ஆனால், இந்த முறைக்கு மாற்றாக ஜப்பானில் புதிய நடைமுறை ஒன்று உள்ளது. இதில் குறைந்த நேரத்தில், அதிகளவு நன்மைகளை பெறலாம் என்றும் சொல்லப்படுகிறது. ஆனால் இரண்டில் எது சிறந்தது என்பதை பார்ப்போமா? தினமும் 10 ஆயிரம் அடி நடக்க வேண்டும் என்றால் அதற்கு 5 மைல் தூரம் செல்ல வேண்டும். ஆனால் இதற்கு எவ்வித உபகரணங்களும் தேவை இல்லை.

அதே சமயம் தினமும் நடை பயிற்சி செய்வது நீரிழிவு நோயாளிகளுக்கு நன்மை தருவதாக இருக்கும். அதேபோல், டிமென்சியா என்ற நோயில் இருந்தும் தப்பிக்கலாம். ஆனாலும் இந்த நடைமுறை பயிற்சி மேற்கொள்வது சிலருக்கு சிக்கலையும் ஏற்படுத்தலாம். இந்த சூழலை சந்திப்பவர்கள் ஜப்பானிய முறையில் பயிற்சி செய்யலாம். அதன்படி ஒருவர் முதலில் 3 நிமிடங்கள் மெதுவாகவும், அடுத்த 3 நிமிடங்கள் அவசரமாகவும், அடுத்த 3 நிமிடங்கள் மெதுவாகவும் என 30 நிமிடங்களுக்கு மாறி மாறி நடக்க வேண்டும். இப்படி செய்யும்போது நேரம் வீணாகாது, மூட்டுவலியும் இருக்காது.

இதன் மூலம், பக்கவாதம் ஏற்படும் அபாயம் குறைந்து இதய ஆரோக்கியம், மன ஆரோக்கியம், மேம்பட்டு, நோய் எதிர்ப்பு சக்தியும் அதிகரிக்கும். இந்த 2 பயிற்சிகளுமே உடல் ஆரோக்கியத்திற்கு நல்லது தான். சாப்பிட்டு முடித்தபின் 15 நிமிடங்கள் நடைபயிற்சி மேற்கொள்வது, உடலுக்கு ஆரோக்கியமானது மட்டும் இல்லாமல், செரிமானத்திற்கும் உதவும். 10 ஆயிரம அடி நடப்பவர்களுக்கு, சகிப்புத்தன்மை, அறிவாற்றல், மற்றும் உடல் ஆரோக்கியம் மேம்படும். உங்கள் உடலின் தேவை, மற்றும் வாழ்க்கை முறையை வைத்து இதில் நீங்கள் எந்த பயிற்சியையும் தேர்வு செய்யலாம்.