சொந்த சிறுநீரை குடிக்கலாமா? கால் வலி சரியாகுமா?அறிவியல் உண்மையை விளக்கும் டாக்டர் கார்த்திகேயன்

சிறுநீர் குடிப்பது உடலுக்கு நல்லதா? இவ்வாறு சிறுநீரை குடிக்கலாமா என்றெல்லாம் பலருக்கும் கேள்விகள் இருக்கும் இதற்கு டாக்டர் கார்த்திகேயன் தனது யூடியூப் பக்கத்தில் விளக்கம் அளிக்கிறார். 

பிரபல ஹிந்தி நடிகர் பரேஷ் ராவல் தனது கணுக்கால் காயத்திற்கு சிறுநீர் குடித்ததால் விரைவில் குணமடைந்ததாக கூறியதாக டாக்டர் கூறுகிறார். நடிகை அனு அகர்வால் 1945 ஆம் ஆண்டு புத்தகத்தில் சிறுநீர் பல நோய்களை குணப்படுத்தும் என்று குறிப்பிடப்பட்டதை சுட்டிக்காட்டியதுடன், யோக பயிற்சியின் ஒரு பகுதியாக தானும் சிறுநீர் குடித்ததாக தெரிவித்தார்.

தொடர்ந்து, சிறுநீரின் உட்பொருட்கள் - 95% நீர் மற்றும் உப்பு, நச்சுக்கள், யூரியா மற்றும் கிரியேட்டினின் ஆகியவை விளக்கப்படுகின்றன. இது மாதிரி சிறுநீர் குடிப்பதால் நமது சிறுநீரகங்கள் ஏற்கனவே உடலில் இருந்து வெளியேற்றும் கழிவுப் பொருட்களை மீண்டும் வடிகட்ட வேண்டியிருப்பதால் அதிக சிரமத்திற்கு ஆளாக நேரிடும் என்று குறிப்பிடப்பட்டுள்ளது.

மேலும், சிறுநீரின் நடுப்பகுதியை மட்டும் குடிக்கலாம் என்று சிலர் கூறினாலும், பாக்டீரியா மற்றும் பிற தொற்றுநோய்கள் ஏற்படும் அபாயம் இருப்பதாக எச்சரிக்கிறார். இறுதியாக, சிறுநீர் குடிப்பதால் எந்தவிதமான ஆரோக்கிய நன்மையும் இல்லை என்பதற்கு எந்த அறிவியல் ஆதாரமும் இல்லை என்றும் கூறினார். 

சிறுநீர் குடிப்பதால் எந்த மருத்துவ நன்மையும் இல்லை என்றும் சிறுநீரில் உள்ள கழிவுப் பொருட்களை மீண்டும் உட்கொள்வது சிறுநீரகங்களுக்கு கூடுதல் சுமையை அளிக்கும் என்றும், பாக்டீரியா தொற்று ஏற்படும் அபாயம் இருப்பதாகவும் டாக்டர் எச்சரிக்கிறார்.  

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.