நாட்டுக் கோழி மிளகு ரசம்; ஒரு தடவை சாப்பிட்டா வேணாம்னே சொல்லமாட்டீங்க

Chicken pepper soup making in tamil: பல்வேறு மருத்துவ குணங்களை உள்ளடக்கியுள்ள நாட்டுக் கோழி மிளகு ரசத்திற்கான செய்முறையை இங்கு பார்ப்போம்

village style Naatu kozhi Rasam in tamil: how to prepare Chicken pepper soup in Tamil

village style Naatu kozhi Rasam in tamil: ரசம் என்றாலே தனி சுவை தான். அதிலும் நாட்டுக் கோழி மிளகு ரசம் பற்றி சொல்லவே தேவையில்லை. இந்த நாட்டுக் கோழி மிளகு ரசம் நமது உடலுக்கு ஏராளமான நன்மைகளை தருகின்றது. தவிர, உடலில் ஏற்படும் ஜலதோஷம், இருமல், சளி போன்ற பிரச்சனைகளுக்கு இவை ஒரு அருமருந்து உள்ளன.

இப்படி பல்வேறு மருத்துவ குணங்களை உள்ளடக்கியுள்ள நாட்டுக் கோழி மிளகு ரசத்திற்கான செய்முறையை இங்கு பார்ப்போம்.

தேவையான பொருட்கள்

கொத்தமல்லி விதைகள்- 2 கைப்பிடி
சீரகம்- 1 கைப்பிடி
பெருஞ்சீரகம் (அ) சோம்பு – 3/4 கைப்பிடி
மிளகுத்தூள்- 1/2 ஒரு கைப்பிடி
வெங்காயம் -1
தக்காளி- 3
பூண்டு- 2
இஞ்சி- 1 துண்டு (2 அங்குல அளவு)
நல்லெண்ணெய்- 40 மில்லி
நாட்டு கோழி கறியுடன் கூடிய எலும்புகள்- 500 கிராம்
கறிவேப்பிலை
கொத்தமல்லி இலைகள்- 1 கொத்து
உப்பு- சுவைக்கேற்ப
மஞ்சள்- 2 டீ ஸ்பூன்
மிளகாய் தூள்- 3/4 டீஸ்பூன்
அண்ணாச்சி பூ, பட்டை, கிராம்பு – சிறிதளவு

செய்முறை

நாட்டுக் கோழி மிளகு ரசம் நாம் தயார் செய்ய நமக்கு முதலில் தேவையானது அதற்கான மசாலா. எனவே கொத்தமல்லி, சீரகம், சோம்பு மற்றும் மிளகு ஆகிய அனைத்தையும் ஒன்றாக ஒரு உரலில் வைத்து நன்றாக இடித்துக்கொள்ளவும். பிறகு பூண்டு மற்றும் இஞ்சியை அதே உரலில் வைத்து நன்றாக இடித்துக்கொள்ளவும்.

இப்போது ஒரு கடாய் அல்லது மண்சட்டி எடுத்து நல்லெண்ணெய் ஊற்றி சூடேற்றவும். பிறகு அதில் அண்ணாச்சி பூ, பட்டை, கிராம்பு ஆகியவற்றை சேர்த்து கிளறவும்.

அதன் பிறகு முன்பு தாயார் செய்து வைத்துள்ள மசாலாவை சேர்க்கவும். தொடர்ந்து கருவேப்பிலை மற்றும் வெங்காயம் சேர்த்து 2 நிமிடங்களுக்கு வதக்கவும். பின்னர் தக்காளி சேர்த்து சில வினாடிகளுக்கு வதக்கி கோழி கறியுடன் கூடிய எலும்புகளை சேர்த்து கிளறவும்.

அதனைத் தொடர்ந்து மஞ்சள் – மிளகாய் பொடி மற்றும் உப்பு சேர்த்து கிளறவும். பிறகு கொத்தமல்லி தழைகள் மற்றும் தேவையான அளவு தண்ணீர் சேர்த்து ஒரு மூடியால் மூடி சுமார் 30 நிமிடங்களுக்கு கொதிக்கவிடவும். அவை நன்கு கொதித்த பிறகு சிறிதளவு கொத்தமல்லி சேர்த்து கீழே இறக்கவும்.

இப்போது நீங்கள் ஆவலோடு எதிர்பார்த்த நாட்டுக் கோழி மிளகு ரசம் தயராக இருக்கும். இதை நீங்கள் பரிமாறி சுவைக்கலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil

Get the latest Tamil news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Village style naatu kozhi rasam in tamil how to prepare chicken pepper soup in tamil

Next Story
நோய் எதிர்ப்பு சக்தியை அதிகரிக்கும் இஞ்சி துவையல்; இப்படி செஞ்சு அசத்துங்க!Ginger recipe in tamil: easy steps to make inji thuvaiyal recipe in tamil
The moderation of comments is automated and not cleared manually by tamil.indianexpress.com
Best of Express