உடல் எடை குறைய, தொப்பை கரைய… தினமும் அரை மூடி தேங்காய் சாப்பிடுங்க; டாக்டர் கௌதமன்

இன்றைய காலகட்டத்தில் உடல் எடை அதிகரிப்பு முக்கிய பிரச்னையாக மாறியுள்ளது. இந்தியா மட்டுமின்றி, உலகெங்கிலும் உள்ள பலர் இந்த சிக்கலை எதிர்கொள்கின்றனர். இதன் காரணமாக அதிக கொலஸ்ட்ரால், அதிக இரத்த அழுத்தம், சர்க்கரை நோய், மாரடைப்பு போன்ற பிரச்னைகள் ஏற்படுகின்றன. இதை கட்டுப்படுத்த கட்டாயமாக உணவில் மாற்றங்களைச் செய்ய வேண்டும், இல்லையெனில் பிரச்சனை அதிகரிக்கலாம்

உடல் எடையை குறைக்குமா தேங்காய்?

நம் இந்திய சமையலில் தேங்காய் பரவலாக பயன்படுத்தப்படுகின்றது. தேங்காய் பல வழிகளில் உட்கொள்ளப்படுகிறது. சிலர் இளநீரை விரும்பி குடிக்கிறார்கள். சமையலுக்கு தேங்காய் எண்ணெயைப் பயன்படுத்துகிறார்கள். இது தவிர, தேங்காய் துருவலை அப்படியே சாப்பிடுபவர்களும் உள்ளனர். தேங்காய் காய்கறி கூட்டு, சாம்பார், இனிப்பு வகைகள் என பல வித உணவுகளை சமைக்க பயன்படுகின்றது. 

தேங்காயை எந்த வகையில் சாப்பிட்டாலும் அது நன்மை தரும் என்பது இதன் சிறப்பு. தேங்காயில் வைட்டமின்கள் மற்றும் தாதுக்களின் அளவு மிக அதிகம். தொடர்ந்து தேங்காய் சாப்பிடுவது வளர்சிதை மாற்றத்தை அதிகரிக்கிறது. இதனுடன், ஆரோக்கியமற்ற பிற உணவுகளை உண்ணும் ஆசையையும் இது கட்டுப்படுத்துகிறது. ஆகையால்தான் தேங்காய் எடை இழப்புக்கு பயனுள்ளதாக கருதப்படுகிறது. 

எடை இழப்புக்கு தேங்காய் துருவல்:

தேங்காய் துருவலை ஸ்நாக்ஸாக உட்கொள்ளலாம். இது தவிர, விரும்பினால், காலை உணவாக அரைமூடி தேங்காயை பூப்போல துருவி மிருதுவாக்கி அல்லது தேங்காய்த் தண்ணீரில் சேர்த்தும் எடுத்துக் கொள்ளலாம். உடல் எடையை குறைக்க விரும்பினால், தேங்காய் துருவல் சாப்பிடுவது பசியை கட்டுப்படுத்துகிறது மற்றும் சாப்பிடும் விருப்பத்தை குறைக்கிறது. தேங்காய் துருவலில் நார்ச்சத்தும் அதிகமாக உள்ளது. தேங்காய் துருவலை தொடர்ந்து சாப்பிடுவது உடல் எடையை குறைக்க பெரிதும் உதவும். சர்க்கரை நோய் இருந்தாலும் தேங்காய் சாப்பிடலாம். தேங்காய் ஜீரண மண்டலத்தை சீராக்கி மாற்றத்தை ஏற்படுத்துகிறது என்கிறார் மருத்துவர் கௌதமன்.