இடுப்பு, தொடையில் எக்ஸ்ட்ரா கொழுப்பு... குனிந்த படி இந்தப் பயிற்சி; நீங்களும் செய்து பாருங்க!

இடுப்பு மற்றும் தொடைப் பகுதியில் இருக்கக் கூடிய தேவையற்ற கொழுப்புகளை எவ்வாறு குறைக்கலாம் என்று இந்த தொகுப்பில் பார்க்கலாம். இதற்காக சில உடற்பயிற்சிகளை மேற்கொள்ள வேண்டும். இதனை முதியவர்கள் கூட எளிதாக செய்ய முடியும்.

முதலில் முன்புறம் நோக்கி நன்றாக குனிந்து நிற்க வேண்டும். இப்போது, வலது கையை தரையில் வைத்து, இடது கையை மேல் நோக்கி உயர்த்தி அசைக்க வேண்டும். இவ்வாறு 10 முதல் 15 முறை செய்ய வேண்டும்.

இனி, அதே போன்று முன்னோக்கு குனிந்து நின்று, இடது கையை தரையில் ஊன்ற வேண்டும். இந்த முறை, வலது கையை மேல் நோக்கி உயர்த்தி அசைக்க வேண்டும். இப்படி 10 முதல் 15 முறை செய்ய வேண்டும்.

அடுத்த பயற்சியில் கால் முட்டுகளை சற்று வளைத்து, இரண்டு கைகளையும் கால் விரல்களை தொடும் படி வைக்க வேண்டும். இனி கால் முட்டியை மட்டும் 10 முதல் 15 முறை அசைக்க வேண்டும். இந்த இரண்டு பயிற்சிகளையும் மூன்று செட்கள் செய்ய வேண்டும்.

இந்த பயிற்சிகளை தொடர்ச்சியாக செய்யும் இடுப்பு மற்றும் தொடை பகுதிகளில் இருக்கும் கொழுப்பை எளிதாக குறைக்க முடியும் என்று வல்லுநர்கள் பரிந்துரைக்கின்றனர்.