முட்டி வலி இருக்கா? சேரில் உட்கார்ந்து கொண்டே இந்தப் பயிற்சி ட்ரை பண்ணுங்க; நல்ல ரிசல்ட் இருக்கு!

வயதின் காரணமாக சிலருக்கு முட்டி வலி அதிகமாக இருக்கும். குறிப்பாக, காலை தூங்கி எழும் போது, படிக்கட்டுகளில் ஏறும் போது முட்டி கடுமையாக வலிக்கும். இது போன்ற வலியை சிறிய பயிற்சிகள் மேற்கொள்வதன் எளிதாக மாற்ற முடியும்.

இதற்காக ஒரு சேர் இருந்தால் போதுமானது. அந்த வகையில், சேரில் நேராக அமர்ந்து, அணிவகுப்பில் நடப்பதை போன்று கால்களை முட்டியுடன் சேர்த்து மேல் நோக்கி தூக்க வேண்டும். இவ்வாறு செய்யும் போது முட்டிக்கு இரத்த ஓட்டம் அதிகமாக இருக்கும். இந்தப் பயிற்சியை 10 - 15 முறை மூன்று செட்களாக செய்ய வேண்டும்.

அடுத்தபடியாக, சேரில் நேராக அமர்ந்தபடி ஒரு காலை மட்டும் தூக்கி அதன் பாதத்தை மேலும், கீழுமாக அசைக்க வேண்டும். இப்படி செய்யும் போதும் கால்களுக்கு இரத்த ஓட்டம் சரியாக கிடைக்கும்.

இப்போது, மற்றொரு காலையும் இதே போன்று உயர்த்தி பாதங்களை மேலும், கீழுமாக அசைக்க வேண்டும். இந்தப் பயிற்சியையும் 10 - 15 முறை மூன்று செட்களாக செய்ய வேண்டும்.

இது போன்ற எளிய பயிற்சிகளை வீட்டில் இருந்தபடியே செய்யும் போது முட்டி வலி குறையத் தொடங்கும் என்று வல்லுநர்கள் கூறுகின்றனர்.