தலைக்கு பின்னால இப்படி கை ரெண்டையும் வச்சு... இடுப்பு கொழுப்பை கரைக்க இந்தப் பயிற்சியை ட்ரை பண்ணுங்க!

இன்றைய சூழலில் பெரும்பாலனவர்கள் உடல் எடை அதிகரிப்பால் அவதிக்குள்ளாகியுள்ளனர். குறிப்பாக, இடுப்பு பகுதியில் நிறைய பேருக்கு கொழுப்பு அதிகரித்துக் காணப்படுகிறது. இதனால், அன்றாட வேலையை செய்வதற்கே சிரமப்படுகின்றனர்.

எனினும், சில எளிமையான பயிற்சிகளை தொடர்ச்சியாக மேற்கொள்வதன் மூலம், இந்தப் பிரச்சனைக்கு தீர்வு காண முடியும். அதன்படி, தங்கள் கைகளை தலையின் பின்பக்கமாக உயர்த்திக் கொள்ள வேண்டும். இவ்வாறு செய்து இடுப்பை வலதுபுறமாக திருப்ப வேண்டும். இவ்வாறு இரண்டு வினாடிகள் நிற்க வேண்டும்.

இதே போன்று இடது புறமும் திரும்பி இரண்டு வினாடிகள் நிற்க வேண்டும். இந்தப் பயிற்சியை வலப்புறம் மற்றும் இடப்புறம் என தொடர்ந்து 15 முதல் 20 முறை என மூன்று செட்களாக பிரித்து செய்ய வேண்டும்.

இந்தப் பயிற்சியை தொடர்ச்சியாக மேற்கொள்ளும் போது இடுப்பு பகுதியில் இருக்கும் கொழுப்பு குறையத் தொடங்கும். எனவே, உடல் எடையை குறைக்க வேண்டும் என்று நினைப்பாவர்கள் இந்த பயிற்சியை பின்பற்றலாம்.