நாளை, (ஏப்ரல் 20) உலகின் சில பகுதிகளில் மிகவும் அரிதான “ஹைபிரிட்” சூரிய கிரகணத்தைக் கண்டுக்களிக்கலாம், கிரகணத்தின்போது சந்திரனால் சூரியன் முழுமையாக மறைக்கப்பட்டு முழு கிரகணத்திற்குச் செல்லும், பின்னர் மீண்டும் வளையத்திற்குத் திரும்பும். இந்த அரிய கிரகண நிகழ்வை நீங்கள் எங்கிருந்தாலும் நேரலையில் பார்ப்பது எப்படி என்பதை இப்போது பார்ப்போம்.
இதையும் படியுங்கள்: முழு இருள், நெருப்பு வளையம்: ஏப்ரல் 20 நிகழும் அரிய ஹைபிரிட் சூரிய கிரகணம்
சூரிய கிரகணம் நிகழும் நேரம் என்ன?
இந்த கிரகணம் இந்திய நேரப்படி காலை 7.06 மணிக்கு தொடங்கி மதியம் 12.29 மணி வரை நீடிக்கும் என்று வானியல் இணையதளம் இன் தி ஸ்கை தெரிவித்துள்ளது. துரதிர்ஷ்டவசமாக, இது இந்தியாவில் உள்ள பார்வையாளர்களால் பார்க்க முடியாது மற்றும் மேற்கு ஆஸ்திரேலியா, கிழக்கு திமோர் மற்றும் கிழக்கு இந்தோனேசியாவில் இருந்து மட்டுமே பார்க்க முடியும்.
கிரகணத்தின் போது என்ன நடக்கும்?
கிரகணத்தின் போது, சூரியனுக்கும் பூமிக்கும் இடையே சந்திரன் செல்லும். மேலும் சந்திரனின் நிழலின் இருண்ட பகுதியில் உள்ள பூமியின் பகுதிகளில் முழு சூரிய கிரகணம் ஏற்படும். ஆனால் சில சமயங்களில், சந்திரன் சூரியனிடமிருந்து வெகு தொலைவில் உள்ளது, எனவே சூரியனை முழுமையாக மறைக்க முடியாது. இது நிகழும்போது, அது வளைய கிரகணம் என்று அழைக்கப்படுகிறது.
பூமியின் மேற்பரப்பு வளைந்திருப்பதால், கிரகணங்கள் வளையத்திலிருந்து மொத்தமாகவும் மற்றும் நேர்மாறாகவும் செல்லலாம். இது ஒரு கலப்பின (ஹைபிரிட்) கிரகணம் என்று அழைக்கப்படுகிறது மற்றும் நாளை அதற்கு ஒரு உதாரணம்.
சூரிய கிரகணத்தை எப்படி நேரலையில் பார்ப்பது
கிரகணம், முழுமையாகவோ, பகுதியாகவோ அல்லது வளையமாகவோ தெரியும் உலகின் ஒரு பகுதியில் நீங்கள் இல்லை என்றால், கீழே உள்ள நேரடி ஒளிப்பரப்பு தளங்கள் மூலம் அதைப் பார்க்கலாம்.
நாசாவின் சூரிய கிரகணத்தின் நேரடி ஒளிபரப்பு
இந்திய நேரப்படி ஏப்ரல் 20 ஆம் தேதி காலை 8 மணிக்கு தொடங்கி, நிபுணர்களின் வர்ணனையுடன் கிரகணத்தின் தொலைநோக்கி காட்சிகளை நாசா பகிர்ந்து கொள்ளும். கீழே உள்ள இணைப்பில் நீங்கள் அதைக் காணலாம்.
சூரிய கிரகணத்தின் டைம் அண்ட் டேட் நிறுவனத்தின் நேரலை
“நிங்கலூ” கிரகணத்தை நேரலையில் ஒளிபரப்ப பெர்த் ஆய்வகத்துடன் டைம் அண்ட் டேட் நிறுவனம் கூட்டு சேர்ந்துள்ளது. ஏப்ரல் 20 அன்று காலை 7 மணிக்கு இந்திய நேரலை ஒளிப்பரப்பு தொடங்கும், அதை நீங்கள் கீழே பார்க்கலாம்.
Indianexpress.com சூரிய கிரகணம் நிகழும்போது அதை நேரலையில் ஒளிபரப்பும். எங்களின் நேரடி ஒளிபரப்பு காலை 6.30 மணிக்கு இந்திய நேரப்படி தொடங்கும் மற்றும் நீங்கள் அதை அறிவியல் பிரிவில் காணலாம்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
