2வது ஒருநாள் போட்டி: 22 ரன்களில் வெற்றி, ஒருநாள் தொடரை வென்றது நியூசிலாந்து

தடுமாறிய இந்திய அணிக்கு கடைசி கட்டத்தில் ரவீந்திர ஜடேஜாவுடன் இணைந்து ஷைனி நம்பிக்கை அளித்தார். பவுலரான ஷைனி தேர்ந்த பேட்ஸ்மேன் போல ஆடி, 49 பந்துகளில் 45 ரன்கள் குவித்தார். இதில் 5 பவுண்டரிகளும், 2 சிக்சர்களும் அடங்கும். அவர் அவுட் ஆனபோது இந்திய அணி 44.3 ஓவர்களில் 8 விக்கெட் இழப்புக்கு 229 ரன்கள் சேர்த்தது.

பின்னர் சாஹல் உள்ளே வந்தார். 47 ஓவர்கள் முடிவில் இந்தியா 246 ரன்கள் சேர்த்தது. வெற்றிக்கு 18 பந்துகளில் 28 ரன்கள் தேவைப்பட்டன. ஒரே நம்பிக்கை ஜடேஜா.

37 ஓவர்களில் இந்திய அணி 7 விக்கெட்டுகளை இழந்து 172 ரன்களை சேர்த்தது. ரவிந்திர ஜடேஜா 23 ரன்களுடனும், ஷைனி 12 ரன்களுடனும் களத்தில் இருக்கிறார்கள். தோல்வியின் பிடியில் இந்திய அணி சிக்கியிருக்கிறது.

29 ஓவர்களில் 136 ரன்களுக்கு இந்தியா 6 விக்கெட்டுகளை இழந்தது. ஓரளவு தாக்குப்பிடித்த ஸ்ரேயாஸ் அய்யர் அரை சதம் அடித்து அவுட் ஆனார். ரவீந்திர ஜடேஜாவும், ஷர்துல் தாகூரும் களத்தில் நிற்கிறார்கள். ஏற்கனவே முதல் ஒருநாள் போட்டியை இழந்த இந்தியா, 3 போட்டிகள் கொண்ட தொடரில் 2-வது போட்டியிலும் தடுமாற்றமான நிலையில் இருக்கிறது.

அடுத்து கே.எல்.ராகுலும் 4 ரன்களில் கிராண்ட்ஹோம் பந்தில் க்ளீன் போல்ட் ஆனார். 14 ஓவர்களில் 71 ரன்களுக்கு இந்தியா 4 விக்கெட்டுகளை இழந்தது. இதனால் ஆட்டத்தில் நியூசிலாந்தின் கை ஓங்கியது.

9.4 ஓவர்களில் இந்தியா 57 ரன்கள் எடுத்தபோது டிம் சவுதி பந்தில் விராட் கோலி க்ளீன் போல்ட் ஆனார். கோலி சேர்த்த ரன்கள் 25 பந்துகளில் 15 ரன்கள்.

அடுத்து ஷ்ரேயாஸ் அய்யரும், லோகேஷ் ராகுலும் இணைந்து விளையாடி வருகிறார்கள்.

5 ஓவர்களில் இந்தியா 34 ரன்களுக்கு 2 விக்கெட்டுகளை இழந்தது. இரு தொடக்க ஆட்டக்காரர்களும் வீழ்ந்தனர். மயங்க அகர்வால் 3 ரன்களுக்கு பென்னட் பந்தில் ராஸ் டெய்லரிடம் கேட்ச் கொடுத்தார். அடுத்து பிரித்வி ஷா 24 ரன்களில் (19 பந்து, 6 பவுண்டரி) ஜேமியசன் பந்தில் க்ளீன் போல்டு ஆனார். ஜேமியசனுக்கு ஒருநாள் போட்டியில் இது முதல் விக்கெட்.

நியூஸிலாந்து அணி முதல் இன்னிங்ஸில் 273 ரன்கள் எடுத்ததையடுத்து, 274 என்ற இலக்குடன் களம் இறங்கியது இந்திய அணி. முதலாவதாக ப்ரித்வி ஷாவும், மாயங்க் அகர்வாலும் களம் இறங்கினர். இதில் 3 ரன்கள் மட்டுமே எடுத்த அகர்வால் பென்னெட்டின் பவுலிங்கில், டெய்லரிடம் கேட்ச் கொடுத்து அவுட் ஆனார். பின்னர் 24 ரன்களில் ப்ரித்வி ஷாவும் அவுட் ஆனார். அதன் படி 4-வது ஓவரின் முடிவில் 2 விக்கெட் இழப்புக்கு 34 ரன்கள் எடுத்துள்ளது இந்திய அணி

இந்தியாவுக்கு ஆரம்பமே அதிர்ச்சி

50 ஓவர்களில் நியூசிலாந்து 8 விக்கெட் இழப்புக்கு 273 ரன்கள் குவித்தது. ராஸ் டெய்லர் இறுதி வரை அவுட் ஆகாமல் 73 ரன்கள் சேர்த்தார். 9-வது விக்கெட்டுக்கு ஜோடி சேர்ந்த கைல் ஜேம்சன் 25 ரன்கள் சேர்த்து கடைசி கட்டத்தில் நியூசிலாந்து சவாலான இலக்கை நிர்ணயிக்க உதவி செய்தார்.

பின்னர் பேட் செய்த இந்தியாவுக்கு ஆரம்பமே அதிர்ச்சி காத்திருந்தது. மயங்க் அகர்வால் 3 ரன்களில் பென்னட் பந்தில் ராஸ் டெய்லரிடம் கேட்ச் ஆனார்.

நியூசிலாந்துக்கு எதிரான 2வது ஒருநாள் கிரிக்கெட் போட்டியில் இந்திய அணிக்கு 274 ரன்கள் இலக்காக நிர்ணயித்துள்ளது நியூஸிலாந்து அணி. 

49-வது ஓவரில் 260 ரன்களை எடுத்துள்ள நியூஸிலாந்து அணி, இறுதி ஓவரை ஆடிக் கொண்டிருக்கிறது. 

46-வது ஓவரின் முடிவில் 8 விக்கெட் இழப்பிற்கு 240 ரன்களை எடுத்துள்ளது நியூஸிலாந்து அணி. 

42.2 ஓவரில் 8 விக்கெட் இழப்பிற்கு 203 ரன்களை எடுத்துள்ளது நியூஸிலாந்து அணி. களத்தில் ஜிம்சனும், டெய்லரும் இருக்க இந்திய அணியின் ஷர்துல் தாகூர் பந்து வீசுகிறார். 

நியூசிலாந்து தொடக்க ஆட்டக்காரர் ஹென்றி நிக்கோலஸ் 41 ரன்களில் வீழ்ந்தாலும், அனுபவ வீரர் மார்டின் குப்தில் நங்கூரம் பாய்ச்சி நின்று இந்திய பவுலர்களை திணறடித்தார். 26 ஓவர்களில் ஒரு விக்கெட் இழப்புக்கு 140 ரன்கள் என வலுவாக இருந்த நியூசிலாந்து, அதன்பிறகு மளமளவென சரிந்தது. டாம் ப்ளண்டல் 22 ரன்களில் ஷர்துல் தாகூர் பந்தில் ஷைனியிடம் கேட்ச் ஆனார். குப்தில் 79 ரன்களில் ரன் அவுட் செய்யப்பட்டார்.நியூசிலாந்து 41 ஓவர்களில் 7 விக்கெட் இழப்புக்கு 197 ரன்கள் எடுத்தது. ராஸ் டெய்லர் 29 ரன்களுடனும், டிம் சவுதி 3 ரன்களுடனும் களத்தில் இருந்தனர். இந்தியா தரப்பில் சாஹல் 3, ஷர்துல் 2, ஜடேஜா 1 விக்கெட் என சாய்த்தனர். டிம் சவுதி 3 ரன்களில் சாஹல் பந்தில் ஷைனியிடம் கேட்ச் ஆகிவிட, நியூசிலாந்து 8 விக்கெட்டுகளை இழந்தது.

இந்தியா - நியூசிலாந்து அணிகளுக்கு இடையேயான 2வது ஒரு நாள் போட்டியில் நியூசிலாந்து அணி 191 ரன்களுக்கு 7 விக்கெட்டுகளை இழந்து தடுமாற்றத்துடன் விளையாடி வருகிறது. 

இந்தியா - நியூசிலாந்து அணிகள் இடையே ஆன மூன்று போட்டிகள் கொண்ட ஒருநாள் தொடரில் இந்திய அணி முதல் போட்டியில் தோல்வி அடைந்தது. அந்தப் போட்டியில் இந்திய அணி பெரிய ஸ்கோர் எடுத்தும், அதை தடுக்க முடியாமல், தோல்வி அடைந்தது. ஆகையால் இரு அணிகளுக்குமே இன்றையப் போட்டி முக்கியமானதாக இருக்கும் எனக் கருதப்படுகிறது. 

மார்ட்டின் கப்தில், ஹென்றி நிகோல்ஸ், டாம் பிளன்டெல், ராஸ் டெய்லர், சாப்மன், டாம் லாதம் (கேப்டன்), காலின் டி கிரான்ட்ஹோம், ஜேம்ஸ் நீஷம், கைல் ஜாமிசன், ஹாமிஷ் பென்னட், டிம் சவுதி ஆகியோர் நியூஸிலாந்து அணியில் விளையாடுகிறார்கள். 

மயங்க் அகர்வால், பிரித்வி ஷா, விராட் கோலி (கேப்டன்), ஸ்ரேயாஸ் அய்யர், லோகேஷ் ராகுல், ரவீந்திர ஜடேஜா, நவ்தீப் சைனி, ஷர்துல் தாகூர், யுஸ்வேந்திர சாஹல், ஜஸ்பிரித் பும்ரா ஆகியோர் இந்திய அணியில் இடம் பெற்றிருக்கிறார்கள். 

நியூசிலாந்துக்கு சென்றுள்ள இந்திய கிரிக்கெட் அணி 20 ஓவர் தொடரை 5-0 என்ற கணக்கில் முழுமையாக கைப்பற்றி அசத்தியது. அடுத்து 3 போட்டிகள் கொண்ட ஒரு நாள் கிரிக்கெட் தொடரில் ஆடுகிறது. இதில் ஹாமில்டனில் நடந்த முதலாவது ஒரு நாள் போட்டியில் இந்திய அணி 4 விக்கெட் வித்தியாசத்தில் தோல்வி அடைந்து தொடரில் 0-1 என்ற கணக்கில் பின்தங்கி இருக்கிறது.

இந்தியா, நியூசிலாந்து அணிகள் இடையேயான இரண்டாவது ஒருநாள் கிரிக்கெட் போட்டி இன்று (பிப்.8) ஆக்லாந்தில் தொடங்கியது. இதில் டாஸ் வென்ற இந்திய அணி, பவுலிங்கை தேர்வு செய்துள்ளது.