தலைவனால் வென்ற தலைநகர்! கடைசி ஓவரில் டெல்லி த்ரில் வெற்றி!

கடைசிக் கட்டத்தில் டெல்லியின் வெற்றிக்கு எந்தவித பரபரப்புக்கும் இடம் தராமல் ஆடிய கோலின் இங்ரம், 19 ரன்களில் ஷமி ஓவரில் மிடில் ஸ்டெம்ப் சிதற வெளியேறினார். ஆனால், அதற்கு பந்திலேயே அக்ஷர் படேல் ரன் அவுட் ஆனார்.

இந்த சீசனில் முதல் போட்டியில் மும்பைக்கு எதிராக 78 ரன்கள் விளாசிய ரிஷப் பண்ட், அதன்பிறகு ஒரு ஆட்டத்தில் கூட சிறப்பாக ஆடவில்லை. இன்றும் அதே கதை தொடர்கிறது. வில்ஜோன் பந்தில் 6 ரன்களில் ரிஷப் கேட்ச் கொடுத்து வெளியேறினார்.

சிறப்பாக ஆடி வந்த ஷிகர் தவான், 41 பந்துகளில் 56 ரன்கள் எடுத்து வில்ஜோன் பந்துவீச்சில் அஷ்வினிடம் கேட்ச் கொடுத்து வெளியேறினார்.. வெற்றியை நோக்கி டெல்லி...

நடப்பு சீசனின் முதல் பாதியில் படு மோசமாக சொதப்பிய ஷிகர் தவான், இரண்டாம் பாதியில் ஃபார்முக்கு வந்திருக்கிறார். அதன் பலன், இன்றைய போட்டியிலும் அரைசதம். 13 ஓவர்கள் முடிவில், டெல்லி 1 விக்கெட் இழப்பிற்கு 111 ரன்கள் எடுத்துள்ளது.

164 என்ற இலக்கை நோக்கி ஆடி வரும் டெல்லி அணி, 10 ஓவர்கள் முடிவில் 1 விக்கெட் இழப்பிற்கு 90 ரன்கள் எடுத்துள்ளது.

ஷ்ரேயாஸ் ஐயர், ஷிகர் தவான் களத்தில்...

பஞ்சாப் அணிக்கு விழுந்த மெகா அடி! க்ரிஸ் கெயில் அவுட்! லமிச்சனே சிக்ஸர் அடித்த பிறகு, அடுத்த பந்தையும் சிக்ஸருக்கு விளாச எண்ணிய கெயில், சிக்ஸ் லைனில் கோலின் இங்ரமின் ப்ரில்லியன்ட்டான பீல்டிங்கால் கேட்சாகி வெளியேறினார். 

37 பந்துகளில் 67 ரன்களில் அவுட்

க்ரிஸ் கெயில் அசால்ட்டாக பவுலர்களை டீலிங் செய்து வருகிறார். அதுமட்டுமின்றி, க்ரிஸ் கெயில் அரைசதமும் அடித்து களத்தில் நிற்கிறார். நின்னா சாத்து... இல்லாட்டி பூட்டப்படும் பூத்து!

க்ரிஸ் கெயில் இப்போது தான் அடிக்க ஆரம்பித்து இருக்கிறார். டேவிட் மில்லர் ஸ்டிரைக் ரொடேட் செய்து கெயிலுக்கு கொடுக்கும் பணியை செய்திருக்கலாம். ஆனால், அக்ஷர் படேல் ஓவரில் சிக்ஸ் அடிக்க ஆசைப்பட்ட மில்லர், 7 ரன்களில் ப்ரித்வி ஷாவிடம் கேட்ச் கொடுத்து வெளியேறினார்.

நீங்க அடிக்கணும் நினைச்சது தப்பு இல்லை மாயங்... ஆனா, 147, 148 என்ற ஸ்பீடில் போடும் ரபாடாவின் பவுன்ஸ் பந்தில் சிக்ஸ் அடிக்க நினைத்தது ரெம்ப தப்பு. 

மாயங்க் 2 ரன்கள் அவுட்!

டாஸ் வென்ற டெல்லி கேப்டன் ஷ்ரேயாஸ் ஐயர் ஃபீல்டிங் தேர்வு செய்ய, பஞ்சாப் பேட்டிங் செய்து வருகிறது. இன்ஃபார்ம் பேட்ஸ்மேன் லோகேஷ் ராகுல் 12 ரன்களில் லமிச்சனே பந்துவீச்சில் ஸ்டெம்பிங் செய்யப்பட, கெயில், மாயங்க் அகர்வால் களத்தில்...