தல தோனி பெட்ஸ், பைக், கார்கள் மீது அதிக ஆர்வம் கொண்டவர். குறிப்பாக பைக்குகள் மீது வெறித்தனம் கொண்டவர் தோனி. அவரது பைக் வெரைட்டிகளை அடுக்கவே தனி கேரேஜ் வைத்திருக்கிறார்.
Advertisment
அதேபோல், கேப்டன் விராட் கோலியும் இதற்கு சற்றும் குறைந்தவர் அல்ல. ஆனால், இவரது காதல் பைக்குகளை தாண்டி கார்கள் மீது தான். அதிலும், ஆடி கார்கள் கோலியின் பெஸ்ட்டி எனலாம்.
கோலியிடம், ஆடி Q7, ஆடி RS5, ஆடி RS6, ஆடி A8 L, ஆடி R8 V10 LMX, பெண்ட்லே காண்டினண்டல் ஜிடி மற்றும் ரேஞ் ரோவர் வோக் என்று எண்ணற்ற சொகுசு கார்களை வரிசைக்கட்டி அடுக்கி வைத்திருக்கிறார்.
தற்போது, புதியதாக ஒரு ஆடி காரை வாங்கியுள்ளார் விராட் கோலி. அந்த கார், அண்மையில் தான் இந்தியாவில் விற்பனைக்கு அறிமுகம் செய்து வைக்கப்பட்டது. கடந்த 15ம் தேதி பொங்கல் அன்று விற்பனைக்கு வந்த ஆடி கியூ8 ஆடம்பர எஸ்யூவி கார் தான் அது.
இந்த காரை இந்தியாவிலேயே முதன்முதலாக வாங்கியிருப்பவர் விராட் கோலி தானாம். ஆடம்பரமான எஸ்யூவி ரக காரான கியூ8, இதுவரை ஆடி நிறுவனம் இந்தியாவில் விற்பனை செய்து வரும் கார்களில் மிகவும் விலை உயர்ந்த மாடலாகும்.
இதில் 3.0 லிட்டர் டர்போ ஃப்யூவெல் ஸ்டார்ட்டிஃபைடு இஞ்ஜெக்ஷன் கொண்ட எஞ்சின் உள்ளது. துவக்க நிலையில் இருந்து 100 கி.மீ வேகத்தை வெறும் 6 விநாடிகளில் எட்டிப்பிடித்து விடும் இந்த கார், 340 பிஎச்பி பவர் மற்றும் 500 என்.எம் டார்க் திறனை அதிகப்பட்சமாக வழங்கும்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/01/a1047.jpg)