தகுதிச் சுற்றில் ஸ்காட்லாந்திடம் தோல்வி; உலகக் கோப்பை தொடரில் இருந்து வெளியேறியது வெஸ்ட் இண்டீஸ்

சனிக்கிழமை நடைபெற்ற தகுதிச் சுற்றின் சூப்பர் சிக்ஸ் சுற்றில் ஸ்காட்லாந்திடம் 7 விக்கெட் வித்தியாசத்தில் தோற்கடிக்கப்பட்ட வெஸ்ட் இண்டீஸ் 2023 ஒருநாள் உலகக் கோப்பை தொடரில் இருந்து வெளியேறியது.

1975 மற்றும் 1979 ஆண்டு உலக் கோப்பை சாம்பியன்களான வெஸ் இண்டீஸ் அணி, 48 ஆண்டுகால உலக் கோப்பை வரலாற்றில் ஒருநாள் கிரிக்கெட் உலகக் கோப்பைத் தொடரில் முதல் 10 அணிகளில் இடம்பெறாதது இதுவே முதல் முறை.

இதையும் படியுங்கள்: உலகக் கோப்பை; மொகாலி மைதானத்தை புறக்கணித்தது ஏன்? பஞ்சாபில் எழும் எதிர்ப்பு

முதலில் பேட் செய்த மேற்கிந்திய தீவுகள் அணி 43.5 ஓவர்களில் 181 ரன்களுக்கு ஆட்டமிழந்தது, ஜேசன் ஹோல்டர் அதிகபட்சமாக 45 ரன்களும், ரோமரியோ ஷெப்பர்ட் 36 ரன்களும் எடுத்தனர்.

மேத்யூ கிராஸ் (74), பிராண்டன் மெக்முல்லன் (69) ஆகியோரின் உதவியுடன் 43.3 ஓவர்களில் ஸ்காட்லாந்து வெற்றி இலக்கை எளிதாக அடைந்தது.

மேற்கிந்தியத் தீவுகளுக்கு எதிராக ஸ்காட்லாந்து பெற்ற முதல் வெற்றி இதுவாகும்.

ஜிம்பாப்வேயிடம் தோல்வியைத் தொடர்ந்து, சூப்பர் ஓவர் எலிமினேட்டரில் நெதர்லாந்திடம் ஒரு முக்கியமான மோதலில் தோல்வியடைந்த மேற்கிந்தியத் தீவுகள், மற்ற அணிகளை விடக் குறைவான புள்ளிகள் மற்றும் நிகர ரன் ரேட் இல்லாமல் சூப்பர் சிக்ஸ் சுற்றில் நுழைந்தது.

மேற்கிந்தியத் தீவுகள் எப்போதும் மற்ற போட்டிகளின் முடிவைச் சார்ந்தே இருந்தது.

மேற்கிந்திய தீவுகள் இதற்கு முன்னர் அமெரிக்கா (35 ரன்கள் வித்தியாசத்தில்) மற்றும் நேபாளத்தை (101 ரன்கள் வித்தியாசத்தில்) தோற்கடித்து நான்கு புள்ளிகளைப் பெற்றிருந்தது, ஆனால் பேட்டிங், பவுலிங் என அனைத்து தரப்பிலும் மோசமான கிரிக்கெட் காரணமாக தொடரில் இருந்து வெளியேறியது.

A குழுவில் இருந்து சூப்பர் சிக்ஸுக்கு தகுதி பெற்ற ஜிம்பாப்வே மற்றும் நெதர்லாந்து ஆகிய இரு அணிகளிடமும் தோற்றதால், மேற்கிந்திய தீவுகள் மேற்கொண்டு எந்த புள்ளிகளையும் பெறவில்லை.

கடந்த இரண்டு தசாப்தங்களாக கிரிக்கெட்டில் வீழ்ச்சியடைந்து வரும் வெஸ்ட் இண்டீஸ் அணிக்கு இறுதி ஆணியாகத் தோன்றுகிறது.

வெஸ்ட் இண்டீஸ் அணி 2012 மற்றும் 2016 இல் இரண்டு டி20 உலகக் கோப்பை பட்டங்களை வென்றிருந்தாலும், டெஸ்ட் மற்றும் ஒருநாள் போட்டிகள் என இரண்டு பாரம்பரிய வடிவங்களில் அணியின் செயல்திறன் மோசமாக உள்ளது.

முரண்பாடாக, மேற்கிந்தியத் தீவுகள் 2019 உலகக் கோப்பைக்கு முன் தகுதிச் சுற்றில் விளையாட வேண்டிய கட்டாயம் ஏற்பட்டது, ஆனால் இறுதியில் சங்கடத்திலிருந்து தங்களைக் காப்பாற்றிக் கொள்ள ஆப்கானிஸ்தானுடன் இணைந்து முதல் இரண்டு இடங்களைப் பெற முடிந்தது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil