கருணாநிதி நினைவேந்தல் கூட்டத்தில் அமித் ஷா பங்கேற்கவில்லை! – தமிழிசை

நினைவேந்தல் கூட்டத்தில் பாஜக தேசிய தலைவர் அமித் ஷா பங்கேற்க மாட்டார்

By: Updated: August 27, 2018, 07:11:48 PM

திமுக தலைவர் கருணாநிதிக்கு நடத்தப்பட உள்ள நினைவேந்தல் கூட்டத்தில் பாஜக தேசிய தலைவர் அமித் ஷா பங்கேற்க மாட்டார் என்று தமிழ்நாடு பாஜக தலைவர் தமிழிசை சௌந்திரராஜன் தெரிவித்துள்ளார்.

திமுக தலைவர் கருணாநிதி கடந்த ஆகஸ்ட் 7ம் தேதி இயற்கை எய்தினார். இந்த நிலையில், வரும் 30ம் தேதி அவருக்கு நினைவேந்தல் கூட்டம் நடத்தப்பட உள்ளது. இதில், பல முக்கிய தலைவர்கள் கலந்து கொள்ள  உள்ளனர். இதுகுறித்த பட்டியல் சமீபத்தில் வெளியானது. அதில், பாஜக தேசிய தலைவர் அமித் ஷா பெயர் குறிப்பிடப்பட்டு இருந்தது.

ஆனால், அமித் ஷாவிற்கு அழைப்பு விடுக்கப்பட்ட பின்பும் அவர் வருவது சந்தேகம் என்றுதான் கூறப்பட்டது. அமித் ஷா வருவது குறித்து உறுதியாக தெரிவிக்க முடியாது என்று தமிழ்நாடு பாஜக தலைவர் தமிழிசை சவுந்தரராஜன் தகவல் தெரிவித்து இருந்தார்.

இந்த நிலையில், திமுக தலைவர் கருணாநிதி நினைவேந்தலில் அமித் ஷா பங்கேற்கவில்லை என்று தமிழிசை சவுந்தரராஜன் தெரிவித்துள்ளார். அமித் ஷாவிற்கு பதிலாக பாஜக பிரதிநிதிகளாக கருணாநிதி நினைவேந்தலில் நிதின் கட்கரி, முரளிதரராவ் பங்கேற்கின்றனர் என்று தமிழிசை தெரிவித்துள்ளார்.

மேலும் படிக்க – கருணாநிதி இரங்கல் நிகழ்ச்சியில் அமித் ஷா: ஆதரவும், எதிர்ப்பும்!

Get all the Latest Tamil News and Tamil Nadu News at Indian Express Tamil. You can also catch all the Tamilnadu News by following us on Twitter and Facebook

Web Title:Amit shah not participates in karunanidhi function

The moderation of comments is automated and not cleared manually by tamil.indianexpress.com.
Advertisement

இதைப் பாருங்க!
X