Northeast Monsoon 2019 Forcast Updates : தமிழகத்தை எச்சரிக்கும் கனமழை - வானிலை மையம்

கொட்டாரம் பகுதியில் 127 மி.மீ மழை பதிவாகியுள்ளது. கன்னியாகுமரி 46 மி.மீ, சித்தாறு - 43 மில்லிமீட்டர், பேச்சிப்பாறை - 30 மி.மீ மழை பெய்துள்ளது.

மேட்டூர் அணைக்கு நேற்று வரை 8,347 கன அடி நீர் மட்டுமே வந்து கொண்டிருந்தது. ஒரே நாளில் 26 ஆயிரம் கனஅடி நீர் அதிகமாகி தற்போது 34,722 கனஅடி வந்துகொண்டிருக்கிறது.

நீலகிரி மாவட்டம் குந்தா பகுதியில் தொடர்மழை காரணமாக பள்ளிகளுக்கு விடுமுறை அளிக்கப்பட்டுள்ளது. மஞ்சூர் பகுதியில் பலத்த காற்றுடன் கூடிய கனமழை பெய்ததால் மின் கம்பங்கள் கீழே சாய்ந்தன. நேற்று நள்ளிரவு முதல் மக்கள் மின்சாரம் இன்றி அவதிப்பட்டு வருகின்றனர். நிலச்சரிவு பல்வேறு இடங்களில் ஏற்பட்டுள்ளதால் மலைவாழ் மக்கள் கடும் சிரமத்திற்கு ஆளாகியுள்ளனர். 

தூத்துக்குடி மாவட்டத்திலும் பலத்த கனமழை தொடர்ந்து பெய்து வருகிறது.  எட்டயபுரம் - 137, விளாத்திகுளம் - 74,  தூத்துக்குடி துறைமுகம் - 57, காயல்பட்டினம் - 55, தூத்துக்குடி - 50,  கோவில்பட்டி - 49,  கயத்தாறு - 49,  திருச்செந்தூர் - 46,  ஒட்டப்பிடாரம் - 46,  மணியாச்சி - 41, சுரங்குடி - 41, கடம்பூர் - 40,  சாத்தான்குளம் - 38,  வைப்பாறு - 36,  ஸ்ரீவைகுண்டம் - 35,  கழுகுமலை - 33, கடல்குடி - 32,

தமிழகத்தின் மிகவும் வறட்சியான மழைப்பொழிவை குறைவாக பெரும் மாவட்டங்களில் ஒன்று ராமநாதபுரம். தற்போது பெய்த கனமழையால் மக்கள் நிச்சயம் மகிழ்ச்சி அடைந்திருப்பார்கள். இரண்டு நாட்கள் ராமநாதபுரம் மாவட்டத்தில் பெய்த மழையின் அளவு (மில்லி மீட்டரில்) கடலாடி - 117, பரமக்குடி - 104, திருவாடனை - 85, தொண்டி - 83, ராமேஸ்வரம் - 47, தங்கச்சிமடம் - 35, முதுகுளத்தூர் - 34, ஆர்.எஸ். மங்களம் - 33, பாம்பன் - 30

சென்னையில் நேற்றிரவு 10 மணிக்கு பின்பு மழை பெய்யத்துவங்கி நள்ளிரவு வரை நீடித்தது. நுங்கம்பாக்கம், எழும்பூர், திருவல்லிக்கேணி, பட்டினப்பாக்கம், மந்தைவெளி, வியாசர்பாடி, ஓட்டேரி, மற்றும் புரசைவாக்கம் உள்ளிட்ட இடங்களில் பெய்த கனமழையால் சாலையில் வெள்ள நீர் பெருக்கெடுத்து ஓடியது. நள்ளிரவில் பயணம் செய்த பயணிகள் பெரும் அவதிக்கு ஆளாகினர்.

சென்னையில் இரண்டு நாட்களாக கனமழை பெய்து வருகிறது. இருப்பினும் பள்ளிகள் அனைத்தும் இயங்கும் என சென்னை மாவட்ட ஆட்சியர் சீதாலட்சுமி அறிவிப்பு

காஞ்சி - திருவள்ளூர் - சென்னை பெல்ட்டில் பதிவான மழையின் அளவு குறித்து பிரதீப் ஜான் தன்னுடைய முகநூல் பக்கத்தில் வெளியிடப்பட்டுள்ள தகவல்

(அளவீடுகள் மில்லிமீட்டரில்)

நுங்கம்பாக்கம் 102, எண்ணூர் 23, மாதவரம் 23, கிண்டி 18, கேளம்பாக்கம் 12, மீனம்பாக்கம் 10, செம்பரம்பாக்கம் - 3, சோழிங்கநல்லூர் 2. சென்னையில் 100 மி.மீ மழைப் பொழிவை பெற்றுள்ளது நுங்கம்பாக்கம். வருகின்ற நாட்களில் மழையின் அளவு சீராக அதிகரிக்கும் என்று எதிர்பார்க்கப்படுகிறது.

மேட்டுப்பாளையம் அருகே அமைந்திருக்கும் பில்லூர் அணையின் நீர்மட்டம் 97.5 அடியாக உயர்ந்துள்ளது. அணையில் இருந்து வெளியேற்றப்படும் நீரின் அளவு 14 ஆயிரம் கன அடியாக அதிகரிக்கப்பட்டுள்ளது. தொடர்மழை காரணமாக அணையின் நீர் வரத்தும், வெளியேற்றப்படும் நீரின் அளவும் அதிகரிக்கும் என்று எதிர்பார்க்கப்படுகிறது.

கனமழை தொடர்ந்து பெய்து வருவதால் உடுமலை அருகே இருக்கும் திருமூர்த்திமலை பஞ்சலிங்க அருவியில் வெள்ளப்பெருக்கு. சுற்றுலாப்பயணிகளுக்கு குளிக்க தடை விதிக்கப்பட்டுள்ளது. தேனியில் பெய்த கனமழையால் நேற்று சுருளி அருவியில் குளிக்க தடை விதிக்கப்பட்டது.