Cyclone Fani, Weather forecast: புயல் கடக்கும் நேரம் அறிவிப்பு! அனைத்து வித நிறுவனங்களும் மூடல்! உச்சக்கட்ட உஷாரில் ஒடிசா

ஃபனி புயல் நாளை(மே.3) ஓடிசாவில் கரையை கடக்கவிருக்கும் நிலையில், அங்கு எடுக்கப்பட்டுள்ள முன்னெச்சரிக்கை நடவடிக்கையின் ஒரு பகுதி.

#CycloneFani: As part of the emergency preparedness measures, the #OdishaGovernment is carrying out massive mobilisation of water Tankers with Gensets for Rural Water Supply. #OdishaPrepared4Fani @CMO_Odisha pic.twitter.com/BjnL90dtBT

— PANCHAYATI RAJ Dept (@PRDeptOdisha) 2 May 2019

ஒடிசாவில் நாளை பகல் 12 மணி முதல் 2 மணிக்குள் ஃபனி புயல் கரையை கடக்க உள்ளதாக அம்மாநில அரசு தகவல்

இதன் காரணமாக மாநிலத்தில் உள்ள அனைத்து கல்வி, தொழில் நிறுவனங்களுக்கு நாளை விடுமுறை அறிவிப்பு

ஃபனி புயல் எதிரொலி : கடலூர் சில்வர் பீச்சில் கடல் சீற்றம் அதிகமாக காணப்படுவதால், பொதுமக்கள் கடலில் இறங்க போலீசார் தடை விதிப்பு.

சென்னை மெரினா கடற்கரை உள்ளிட்ட இடங்களில் கடல் சீற்றத்துடன் காணப்படுகின்றது.

உயர் மட்டக் குழுவுடன் ஆலோசனை நடத்தும் பிரதமர் மோடி

Chaired a high level meeting to review the preparedness relating to Cyclone Fani. The Central Government is ready to provide all possible assistance that would be required.

Prayers for the safety and well-being of our citizens. pic.twitter.com/GLoCzmV1io

— Chowkidar Narendra Modi (@narendramodi) 2 May 2019

ஃபானி புயல் கரையை கடக்கவுள்ள மாநிலங்களில் மத்திய அரசு அதிகாரிகள் ஒத்துழைக்க வேண்டும்; நிவாரணம், மீட்பு பணிகளுக்கான முன்னெச்சரிக்கை நடவடிக்கையை துரிதப்படுத்த வேண்டும் - பிரதமர் மோடி 

ஒடிசாவில் கரையை கடக்க இருக்கும் ஃபனி புயலின் தாக்கம் இன்று மெரினாவில் இருந்தது. வழக்கத்தை விட கடல் அலைகள் சீற்றத்துடன் காணப்பட்டன. 

ஃபனி புயல் முன்னெச்சரிக்கை நடவடிக்கை தொடர்பாக பிரதமர் மோடி தலைமையில் இன்று உயர்மட்டக்குழு கூட்டம் நடைபெறுகிறது. கூட்டத்தில் அமைச்சரவை செயலாளர்,பிரதமரின் தலைமை செயலாளர், உள்துறை செயலாளர், வானிலை மைய நிர்வாகிகள் பங்கேற்கின்றனர்.

ஃபனி புயலானது கரையைக் கடக்கும் போது  ஆந்திரா கடலோர பகுதிகளான விசாகப்பட்டினம், விஜயநகரம், ஸ்ரீகாகுளம் ஆகிய மாவட்டங்களில் கன மழை பெய்யக்கூடும் என எச்சரிக்கப்பட்டுள்ளது. 

தஞ்சாவூர், திருவாரூர், புதுக்கோட்டை, விருதுநகர், சிவகங்கை, தூத்துக்குடி ஆகிய 6 மாவட்டங்களில் வெப்பச்சலனம் காரணமாக இடியுடன் கூடிய மழைக்கு வாய்ப்பு  என இந்திய  வானிலை மையம் தெரிவித்துள்ளது. 

ஃபனி புயல்  நாளை கரையை கடக்கவுள்ள நிலையில்   கடலோர விமான நிலையங்கள் தயார் நிலையில் இருக்க இந்திய விமான நிலைய ஆணையம் உத்தரவு. 

ஃபனி புயலானது ஒடிசாவின் பூரி நகரில் இருந்து 450 கி. மீ  தொலைவில் தென்கிழக்கு திசையில் மையம் கொண்டுள்ளது. இது நாளை மதியம் கரையை கடக்கும் என்று தெரிவிக்கப்பட்டுள்ளது. 

ஃபனி புயல் காரணமாக சென்னை சென்ட்ரல் ரயில் நிலையத்தில் இருந்து ஆந்திரா, ஒடிசா வழியாக செல்லும் 12  ரயில்கள் ரத்து செய்யப்பட்டுள்ளன. சென்னை சென்ட்ரல் ரயில் நிலையத்தில் இருந்து செல்லும் யஷ்வந்த்பூர் - முசாபர்பூர், சந்திரகாசி, ஹல்டியா, சாலிமர், ஹவுரா ஆகிய விரைவு ரயில்கள் இன்று ரத்து செய்யப்பட்டுள்ளன.

ஒடிசாவில் புயல் முன்னெச்சரிக்கை நடவடிக்கையாக 879 புயல் நிவாரண முகாம்கள் அமைக்கப்பட்டுள்ளன. 

ஒடிசாவில் மே 4 வரை அனைத்து பள்ளி, கல்லூரிகளும் மூடப்படுவதாக அரசு அறிவித்துள்ளது.  

ஃபனி புயல் ஒடிசாவை நெருங்கி வருவதால் இன்று (மே 02) மாலைக்குள் கடலோர பகுதிகளை ஒட்டிய கிராமங்களில் வசிக்கும் 8 லட்சம் மக்களை அங்கிருந்து வெளியேற்ற ஒடிசா அரசு திட்டமிட்டுள்ளது.

ஃபனி புயல் கரையை கடக்கும் நேரத்தில் ஆந்திர பிரதேசம், ஒடிசா,  மேற்கு வங்காளம்,  அருணாச்சலபிரதேசம், அசாம், மேகாலய போன்ற மாநிலங்களில் கனமழைக்கு வாய்ப்புள்ளதாக இந்திய வானிலை மையம் எச்சரித்துள்ளது. 

ஃபனி புயல் கரையை நெருங்க உள்ளதால், தமிழகத்தின் பெரும்பான்மையான பகுதிகளில் வெயில் அதிகமாக இருக்கும். பல இடங்களில் வெயில் 40 டிகிரி செல்சியஸைத் தாண்டும் என்று கூறியுள்ளார். 

ஃபனி புயல் காரணமாக கிழக்குக் கடலோரப் பகுதிகள் வழியாக இயக்கப்படும் 103 ரயில்கள் இன்று ரத்து செய்யப்பட்டுள்ளதாக ரயில்வே நிர்வாகம் அறிவித்துள்ளது.

கடலூரில் கடும் சூறாவளி வீசியதை அடுத்து இடி, மின்னலுடன் பலத்த மழை   பெய்து வருகிறது . மாவட்டம் முழுவதும் மின்சாரம் துண்டிப்பு

வடமேற்கு திசையில் மணிக்கு 22 கிலோ மீட்டர் வேகத்தில்  ஃபனி புயலானது நகர்ந்துக் கொண்டிருக்கிறது.