நிலுவையில் இடமாற்ற உத்தரவு; சென்னை ஐகோர்ட் பொறுப்பு தலைமை நீதிபதி ராஜா ஓய்வு

Apurva Vishwanath

அவரது இடமாற்ற உத்தரவு ஆறு மாதங்களுக்கும் மேலாக அரசாங்கத்திடம் நிலுவையில் உள்ள நிலையில், சென்னை உயர் நீதிமன்றத்தின் பொறுப்பு தலைமை நீதிபதியாக இருந்த நீதிபதி டி ராஜா புதன்கிழமை ஓய்வு பெற்றார்.

ஓய்வு பெறுவதைப் போலவே இடமாற்றமும் மற்றொரு சேவை நிபந்தனையாகும் என்று நீதிபதி ராஜா தனது பிரியாவிடை உரையில் கூறினார்.

இதையும் படியுங்கள்: டெலிகிராம் மூலம் மோசடி; மக்களே உஷார்: டி.ஜி.பி., எச்சரிக்கை

இரண்டு பரிந்துரைகள் இருந்தபோதிலும், நீதிபதி ராஜாவின் நிலுவையில் உள்ள இடமாற்றம் கொலீஜியத்திற்கும் அரசாங்கத்திற்கும் இடையே ஒரு ஃப்ளாஷ் புள்ளியாக உள்ளது.

மே 16 அன்று, உச்ச நீதிமன்ற கொலீஜியம், தற்காலிக தலைமை நீதிபதியைத் தவிர்த்து, சென்னை உயர் நீதிமன்றத்தின் இரண்டு மூத்த நீதிபதிகளிடம் மட்டுமே, உயர் நீதிமன்ற நீதிபதிகளாக நியமிக்கப் பரிந்துரைக்கப்பட்ட இரண்டு வழக்கறிஞர்கள் பற்றிய தகவல்களைக் கோரியது என்பது தெரிய வந்துள்ளது. உயர் நீதிமன்ற கொலீஜியம் உயர் நீதிமன்றத்தின் தலைமை நீதிபதி தலைமையில் மூன்று மூத்த நீதிபதிகளைக் கொண்டுள்ளது.

நீதிபதி ராஜா இன்னும் ஒரு வாரத்தில் ஓய்வு பெற உள்ளது தான், தலைமை நீதிபதியை புறக்கணிக்க காரணம் என இந்தியன் எக்ஸ்பிரஸ் வட்டாரங்கள் தெரிவித்தன. அவரது இடமாற்றக் கோப்பு நிலுவையில் இருப்பதும் ஒரு காரணம் என்று அறியப்பட்டது.

நீதிபதி ராஜாவைத் தவிர, சென்னை உயர் நீதிமன்றத்தின் கொலீஜியத்தில் நீதிபதிகள் எஸ் வைத்தியநாதன் மற்றும் ஆர் மகாதேவன் ஆகிய இரு மூத்த நீதிபதிகள் உள்ளனர்.

1961 ஆம் ஆண்டு பிறந்த நீதிபதி ராஜா, உச்சநீதிமன்றத்தில் பயிற்சி பெற்று 2008 ஆம் ஆண்டு சென்னை உயர் நீதிமன்றத்தின் கூடுதல் அட்வகேட் ஜெனரலாக இருந்தார். 2009 ஆம் ஆண்டு கூடுதல் நீதிபதியாக நியமிக்கப்பட்டார்.

நவம்பர் 24, 2022 அன்று, உச்ச நீதிமன்ற கொலீஜியம் நீதிபதி டி ராஜாவை சென்னை உயர் நீதிமன்றத்தில் இருந்து ராஜஸ்தான் உயர் நீதிமன்றத்திற்கு மாற்ற பரிந்துரைத்தது. காலதாமதத்தை அடிக்கோடிட்டு, இந்த ஆண்டு ஏப்ரல் 19 அன்று கொலீஜியம் மற்றொரு பரிந்துரையில் நீதிபதி ராஜாவின் இடமாற்றம் "விரைவில் செயல்படுத்தப்பட வேண்டும்" என்று கூறியது.

ஏப்ரல் 19 அன்று, கொலீஜியம், பம்பாய் உயர் நீதிமன்ற நீதிபதி எஸ்.வி.கங்கபூர்வாலாவை சென்னை உயர் நீதிமன்றத்தின் தலைமை நீதிபதியாக நியமிக்க பரிந்துரைத்தது, நீதிபதி ராஜாவின் நிலுவையில் உள்ள இடமாற்றம் புதிய தலைமை நீதிபதியை நியமிப்பதில் "தடையாக இருக்க முடியாது" என்பதை அடிக்கோடிட்டுக் காட்டியது.

“நீதிபதி டி ராஜாவை ராஜஸ்தான் உயர் நீதிமன்ற நீதிபதியாக மாற்றுவது விரைவில் நடைமுறைப்படுத்தப்பட வேண்டும் என்று கொலீஜியம் தீர்மானிக்கிறது. சென்னை உயர்நீதிமன்றத்தின் நீதிபதியாக அவர் தொடர்வது நீதிபதி எஸ்.வி கங்காபூர்வாலாவை சென்னை உயர் நீதிமன்றத்தின் தலைமை நீதிபதியாக நியமிக்க தடையாக இருக்க முடியாது” என்று கொலீஜியம் ஏப்ரல் 19 அன்று ஒரு அறிக்கையில் தெரிவித்துள்ளது.

நீதிபதி கங்காபூர்வாலாவை நியமிக்கும் பரிந்துரையும் அரசாங்கத்திடம் நிலுவையில் உள்ள நிலையில், சென்னை உயர் நீதிமன்றத்தின் தற்காலிக தலைமை நீதிபதியாக நீதிபதி வைத்தியநாதனை நியமித்து மத்திய அரசு அறிவித்தது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil