DMK New Chief MK Stalin: மு.க. கருணாநிதியின் மறைவுக்கு பின்னர் திமுக-வின் 2ம் தலைவராக மு.க. ஸ்டாலின் பொறுப்பார் என்ற அதிகாரப்பூர்வ அறிவிப்பு இன்று வெளியாகவுள்ளது. இதையடுத்து, அவர் கடந்து வந்த அரசியல் வாழ்க்கையின் தொகுப்பு இதோ.
DMK New Chief MK Stalin: மு.க. ஸ்டாலின் கடந்த வந்த பாதை:
பிறப்பு :
- 1953ம் ஆண்டு மார்ச் 1ம் தேதி கருணாநிதி – தயாளு அம்மாளுக்கு 3வது மகனாக பிறந்தார்.
- ரஷ்ய அதிபர் ‘ஜோசப் ஸ்டாலின்’ நினைவாக தனது மகனுக்கு ஸ்டாலின் என்று பெயர் வைத்தார் கருணாநிதி.
மு.க.ஸ்டாலின், திமுக புதிய தலைவர் குறித்த செய்திக்கு:
கல்விப் பருவம்:
- சென்னை சர்ச் பார்க் பள்ளியில் ஸ்டாலினை சேர்ப்பதற்கு விண்ணப்பித்தபோது, அவரின் பெயருக்காகவே விண்ணப்பம் மறுக்கப்பட்டது.
- இதனை தெரிவித்தபோது, மாற்ற வேண்டியது பள்ளியை தான் பெயரை அல்ல என்று கூறினார் கருணாநிதி.
- பின்னர் ஸ்டாலின் கிறிஸ்துவ மேனிலைப்பள்ளியில் சேர்க்கப்பட்டார்.
குடும்பம் :
- 1975ம் ஆண்டு துர்கா என்கிற சாந்தாவை திருமணம் செய்து கொண்டார் ஸ்டாலின்.
- இவர்களுக்கு உதயநிதி என்ற மகனும்,செந்தாமரை என்ற மகளும் உள்ளனர்.
- மகன் உதயநிதி ஸ்டாலின் திரைப்பட தயாரிப்பாளராகவும், நடிகராகவும் உள்ளார்.
அரசியல் பிரவேசம் :
- 1967ம் ஆண்டு, 14 வயதிலேயே அரசியலில் தந்தையுடன் இணைந்து கால் பதித்தார் ஸ்டாலின். அப்போது திமுக முதல் முறையாக ஆட்சி அமைத்திருந்தது.
- 1972ஆம் ஆண்டு ஏப்ரல் திங்களில் காஞ்சிபுரத்தில் நடைபெற்ற செங்கற்பட்டு மாவட்ட தி.முக.வின் சார்பாகத் தோழர்களை அழைத்துக்கொண்டு தொடர் ஓட்டமாக வந்து அண்ணா ஜோதியை தலைவர் கலைஞர் அவர்களிடம் வழங்கினார்.
- 1973ம் ஆண்டு திமுக-வின் பொதுக்குழு உறுப்பினரானார்.
- 1973இல் புதுக்கோட்டை மாவட்டக் கழகத் தேர்தலை மு.க.ஸ்டாலின் ஆணையாளராகச் சென்று முதன்முறையாக நடத்தினார். அதுபோன்றே செங்கை மாவட்டம் வாலாஜாபாத் ஒன்றியத் தேர்தலையும், ஆணையாளராக இருந்து நடத்தி வைத்தார்.
ட்விட்டரில் ட்ரெண்டாகும் ”DMKThalaivarStalin” – மகிழ்ச்சியில் தொண்டர்கள்
அவசரக் காலச் சட்டத்திற்கு பிறகு:
- 1975ம் ஆண்டு அவசரக் காலச் சட்டத்தின்போது உள்நாட்டு பாதுகாப்பு சட்டம் (மிசா) கீழ் சிறையில் அடைக்கப்பட்டார்.
- 1984ம் ஆண்டு திமுக இளைஞர் அணி செயலாளர் பொறுப்பை வகித்து வந்தார்.
- இளைஞர் அண்டி செயலாளராக இருந்தபோது, 1984ம் தேர்தலில் ஆயிரம் விளக்கு தொகுதியில் தோல்வியை தழுவினார்.
- பின்னர் அதே தொகுதியில், 1989ம் ஆண்டு தேர்தலில் வெற்றியடைந்து சட்டப்பேரவைக்குள் கால் பதித்தார்.
ராஜிவ் காந்தி கொலைக்கு பின் ஆட்சி கலைப்பு:
- 1991ம் ஆண்டு ராஜிவ் காந்தி கொலை செய்யப்பட்டார். அப்போது இருந்த திமுக ஆட்சி கலைக்கப்பட்டது.
- 5 ஆண்டுகளுக்கு பின்பு, 1996 தேர்தலில் ஆயிரம் விளக்கு தொகுதியில் மீண்டும் வெற்றியை தழுவினார் ஸ்டாலின்.
- பின்பு, உள்ளாட்சித் தேர்தலில் சென்னை மாநகராட்சிக்கு நேரடி மேயராகவும் தேர்ந்தெடுக்கப்பட்டார். சென்னை மாநகராட்சிக்கு நேரடியாக தேர்வான முதல் மேயர் என்ற பெருமை இவருக்கே உரியது.
மீண்டும் சட்டப்பேரவைக்குள் ஸ்டாலின்:
- 2001 தேர்தலில் ஆயிரம் விளக்கு தொகுதியிலேயே, மூன்றாவது முறையாக வெற்றிப்பெற்று சட்டப்பேரவைக்குத் தேர்வானார். அதே ஆண்டு மீண்டும் சென்னை மேயர் பதவி வகித்தார்.
- ஆனால், 2002ஆம் ஆண்டு அப்போதைய அதிமுக அரசு கொண்டுவந்த சட்டத்தால் மேயர் பதவியலிருந்து அவர் விலகும் நிலை ஏற்பட்டது. இருப்பினும், எம்எல்ஏவாகத் தொடர்ந்து இருந்தார்.
திமுக பொருளாளர் மற்றும் துணை முதல்வர் பதவி ஏற்பு:
- 2006 பேரவைத் தேர்தலில் அதே தொகுதியில் 4ஆவது முறையாக வெற்றியடைந்த ஸ்டாலின், உள்ளாட்சித் துறை அமைச்சராகவும் பதவி வகித்தார்.
- 2008ஆம் ஆண்டு திமுக பொருளாளராக பொறுப்பேற்றார்.
- 2009ஆம் ஆண்டு துணை முதலமைச்சராகவும் நியமிக்கப்பட்டார்.
- 2011 மற்றும் 2016 ஆம் ஆண்டுகளின் சட்டமன்ற தேர்தலில் கொளத்தூர் தொகுதியில் எம்எல்ஏவாக தேர்வு செய்யப்பட்டார் ஸ்டாலின்.
செயல் தலைவர் ஆனார் ஸ்டாலின் :
- 2017ம் ஆண்டு ஜனவரி முதல் திமுக தலைவராக இருந்த மு.க. கருணாநிதியின் உடல்நலம் பாதிப்படைந்தது. அப்போது கருணாநிதியால் கட்சி வேலைகளில் முழு வீச்சில் ஈடுபட முடியவில்லை.
- அப்போது திமுக – வின் செயல் தலைவராக நியமிக்கப்பட்டார் ஸ்டாலின்.
திமுக – வின் புதிய 2ம் தலைவர் ஸ்டாலின்:
- முன்னாள் முதல்வர் மற்றும் திமுக தலைவர் கருணாநிதி மறைவுக்கு பிறகு, கட்சியின் தலைவர் பதவிக்கு மு.க. ஸ்டாலின் மனு தாக்கல் செய்தால்.
- திமுக தலைவர் பதவிக்கு எவ்வித போட்டியுமின்றி நேரடியாக தேர்வானார்.
- இன்று திமுக பொதுக்குழு கூட்டம் சென்னையில் கூட்டப்பட்டு அங்கு கட்சியின் புதிய தலைவர் ஸ்டாலின் என்று அதிகாரப்பூர்வமாக அறிவிக்கப்படுகிறது.
