Tamil Nadu news today updates: தென்மேற்கு வங்கக்கடலில் புதிய காற்றழுத்தத் தாழ்வு பகுதி.. சென்னை வானிலை மையம்!

டெங்கு காய்ச்சலை கட்டுப்படுத்த தொடர்ந்து முயற்சிகள் மேற்கொள்ளப்படும் என்று சுகாதாரத்துறை செயலாளர் பீலா ராஜேஷ் தெரிவித்துள்ளார். போராட்டத்தில் ஈடுபட்டுள்ள மருத்துவர்கள் போராட்டத்தை கைவிட்டு பணிக்கு திரும்ப வேண்டும்  என்றும்  பீலா ராஜேஷ் கோரிக்கை வைத்துள்ளார்.  தீபாவளியை முன்னிட்டு சென்னை கீழ்ப்பாக்கம் பொது மருத்துவமனையில் தீக்காயங்களுக்கான சிறப்பு அறைகள் அமைக்கப்பட்டு, கூடுதல் மருத்துவர்கள் பணியமர்த்தப்பட்டுள்ளனர் என்றும் பீலா ராஜேஷ் தெரிவித்துள்ளார். 

தென்மேற்கு வங்கக்கடலில் புதிய காற்றழுத்தத் தாழ்வு பகுதி உருவாகி உள்ளது என்றும் இது வரும் நாட்களில் மேற்கு மற்றும் வடமேற்கு திசை நோக்கி நகரக் கூடும்  என்று சென்னை வானிலை ஆய்வு மையம் தெரிவித்துள்ளது. தென் தமிழகம், புதுச்சேரி மற்றும் கடலோர மாவட்டங்களில் மிதமான மழைக்கு வாய்ப்பு  எனவும்  வானிலை ஆய்வு மையம் கூறியுள்ளது. 

தீபாவளியை முன்னிட்டு தனியார் பேருந்து நிறுவனங்கள் மூன்று மடங்கு கட்டணத்தை உயர்த்தி கொள்ளை லாபம் பார்ப்பதாக பயணிகள் குற்றம்சாட்டியுள்ளனர். தங்களுக்கு சாதகமாக பயன்படுத்திக் கொள்ளும் தனியார் பேருந்து நிறுவனங்கள், மூன்று மடங்கு கட்டணத்தை உயர்த்தி கொள்ளை லாபம் பார்ப்பதாக பயணிகள் குற்றம்சாட்டியுள்ளனர்.

தமிழகம் மற்றும் புதுச்சேரியில் அடுத்த 24 மணிநேரத்தில் ஒரு சில இடங்களில் லேசான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மேற்கு வங்க கடலில் நிலை கொண்டிருந்த குறைந்த காற்றழுத்த தாழ்வு பகுதி வலுவிழந்து விட்டதாகவும் தெரிவிக்கப்பட்டுள்ளது.ஈரோடு, கிருஷ்ணகிரி, சேலம், தர்மபுரி உள்ளிட்ட மாவட்டங்களில் கனமழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

கோவா கடலில் தத்தளித்த எல்சடாய் சீதாப் சாரோன் படகில் இருந்த குமரி மீனவர்கள் 32 பேர் கோவாவில் கரை சேர்ந்தனர். தமிழக அரசு அளித்த தகவலின் பேரில் மீனவர்களை மீட்டு இந்திய கடற்படை கோவா அழைத்து சென்றனர். மீனவர்கள் அனைவரும் இந்திய கடற்படை துறையினருக்கு நன்றி தெரிவித்துள்ளனர். 

ராஜீவ் காந்தி கொலை வழக்கில் சிறைவாசம் அனுபவித்து வரும் நளினி உண்ணாவிரதம் இருப்பதாக தகவல் வெளியாகியுள்ளது. கணவர் முருகனை சந்திக்க அனுமதி மறுக்கப்பட்டதால் நளினி அதிருப்தியில் உண்ணாவிரதம் இருப்பதாக தெரிவிக்கப்பட்டுள்ளது. 

நடந்து முடிந்த விக்கிரவாண்டி இடைத்தேர்தலில் வெற்றி பெற்ற அதிமுக எம்எல்ஏ முத்தமிழ் செல்வன் தேமுதிக பொதுச்செயலாளர் விஜயகாந்தை சந்தித்து வாழ்த்து பெற்றார்.

சட்டத்துறை அமைச்சர் திரு சி. வி. சண்முகம், விக்கிரவாண்டி சட்டமன்ற இடைத்தேர்தலில் வெற்றி பெற்ற திரு.MR முத்தமிழ்ச் செல்வன், இன்று மாலை மரியாதை நிமித்தமாக சந்தித்தனர்.

விழுப்புரம் தேமுதிக மாவட்ட செயலாளர்

திரு L. வெங்கடேசன் மற்றும் துணை செயலாளர் திரு.ப.பார்த்தசாரதி உடனிருந்தனர். pic.twitter.com/bhUzq6MIhj

— Vijayakant (@iVijayakant) October 25, 2019

தீபாவளி திருநாளையொட்டி மக்களுக்கு முதலமைச்சர் பழனிசாமி வாழ்த்து  தெரிவித்துள்ளார். தீபாவளித் திருநாளில் அனைவரது வாழ்விலும் அமைதி தவழட்டும், இன்பம் நிறையட்டும், நலங்களும், வளங்களும் பெருகட்டும்  என்று  முதலமைச்சர் பழனிசாமி தனது வாழ்த்து செய்தியை பகிர்ந்துள்ளார். 

சதுரங்க வேட்டை படத்தை போன்று மக்களை ஏமாற்றுவதில் கைதேர்ந்தவர்கள் திமுகவினர் என்று  அமைச்சர் கடம்பூர் ராஜூ தெரிவித்துள்ளார். நாங்குநேரி மற்றும் விக்கிரவாண்டி இடைத்தேர்தல் வெற்றி திமுவுக்கு தகுந்த பாடமாக மாறி இருக்கிறதும் என்றும் அமைச்சர் தெரிவித்தார். 

வேலை நிறுத்தத்தில் ஈடுபட்டுள்ள அரசு மருத்துவர்களுடன் சுகாதாரத்துறை செயலாளர் நடத்திய பேச்சுவார்த்தை தோல்வி அடைந்ததை அடுத்து, போராட்டம் தொடரும் என அரசு மருத்துவர் சங்கத்தினர் தெரிவித்துள்ளனர்.

உலக நாகரீகத்தின் தொட்டில் என அழைக்கப்படும் ஆதிச்சநல்லூர் பகுதியில் அகழாய்வு செய்ய மத்திய அரசு அனுமதி வழங்கியுள்ளது.  கீழடி, ஆதிச்சநல்லூர், சிவகளை, கொடுமணல் ஆகிய இடங்களில ஆய்வு செய்ய மத்திய அரசிடம் மாநில அரசு அனுமதி கேட்டது. தற்போது, அதற்கான அனுமதியை, மத்திய அரசு அளித்துள்ளது சமூக ஆர்வலர்களிடையே மகிழ்ச்சியை ஏற்படுத்தி உள்ளது. 

மருத்துவக் கல்லூரிகளில் சேர்ந்துள்ள மாணவர்களின் கைரேகைப் பதிவை தேசிய தேர்வு முகமையிடம் வழங்க சென்னை உயர் நீதிமன்றம் உத்தரவிட்டுள்ளது.  நீட் தேர்வில் ஏற்கனவே ஆள்மாற்றாட்டம் தொடர்பான வழக்குக்கள் பரபரப்பை ஏற்படுத்தி இருக்கும் நிலையில் சென்னை உயர்நீதிமன்றம் இந்த அதிரடி உத்தரவை பிற்பித்துள்ளது. 

ஹரியானாவில் பாஜக தலைமையிலான ஆட்சியில் இன்று ஆளுநரை சந்தித்து ஆட்சி அமைக்க உரிமை கோருகிறது பாஜக.  ஜனநாயக ஜனதா கட்சி உள்துறை அமைச்சர் அமித்ஷாவை துஷ்யந்த் சவுதாலா சந்தித்த நிலையில் கூட்டணி உடன்படிக்கை ஏற்பட்டது என தகவல் வெளியாகியுள்ளது.