/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2017/09/ARIVALAYAM.jpg)
Tamil nadu news today updates : மகா சிவராத்திரியையொட்டி தமிழகம் மற்றும் புதுச்சேரியில் உள்ள சிவாலயங்களில் நடைபெற்ற சிறப்பு வழிபாடுகளில் திரளான பக்தர்கள் கலந்து கொண்டனர். பல்வேறு கோயில்களில் நடனக் கலைஞர்களின் நாட்டியாஞ்சலி நிகழ்ச்சியும் இடம்பெற்றன. சிறுபான்மையினரின் அரணாக அதிமுக இருக்கும் என முதல்வர், துணை முதல்வர் கூட்டறிக்கை. அதிமுக மக்களை ஏமாற்றி வருவதாக மு.க.ஸ்டாலின் குற்றச்சாட்டு.
’விஜய்யை காங்கிரஸுக்கு அழைத்து அவரை தற்கொலைக்கு தூண்டுகிறார்கள்’ – பொன்.ராதாகிருஷ்ணன்
இந்தியன் 2 படபிடிப்பு தளத்தில் ஏற்பட்ட விபத்துத் தொடர்பாக, தலைமறைவாக இருந்த கிரேன் ஆபரேட்டர் கைது செய்யப்பட்டுள்ளார். இதன் வழக்கு விசாரணையாக மத்திய குற்றப்பிரிவுக்கு மாற்றி சென்னை காவல்துறை ஆணையர் உத்தரவு. புதுச்சேரியில் குடும்ப அட்டைதாரர்களுக்கு பதிலாக, பணம் தரும் துணை நிலை ஆளுநரின் உத்தரவு செல்லும் உயர் நீதிமன்றம் உத்தரவிட்டுள்ளது.
Rasi Palan 22th February 2020: இன்றைய ராசிபலன்
நியூஸிலாந்துக்கு எதிரான முதல் டெஸ்ட் போட்டியில், முதல் இன்னிங்க்ஸில் 165 ரன்களுக்கு ஆல் அவுட் ஆனது இந்திய அணி. தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Live Blog
Tamil Nadu News Today Updates : தமிழகம் மற்றும் இந்தியாவின் அரசியல், பொழுதுபோக்கு, விளையாட்டு, வழக்கு, வணிகம் உள்ளிட்ட செய்திகளை இங்கே தெரிந்துக் கொள்ளுங்கள்
ஆசிய மல்யுத்த போட்டியின்ஆடவர் 57கி எடை பிரிவில் இந்திய வீரர் ரவி குமார் தங்கப்பதக்கம் வென்றுள்ளார்.
Ravi Kumar Dahiya bags gold medal in Asian Wrestling Championships
Read @ANI Story | https://t.co/BX3k4Z2Rty pic.twitter.com/QqCosWmK0u
— ANI Digital (@ani_digital) February 22, 2020
3350 டன் தங்க சுரங்கம் என்ற செய்தி பொய்.
உத்தர் பிரதேச மாநிலம் சோன்பத்ரா என்ற இடத்தில் 3350 டன் அளவுள்ள தங்க சுரங்கம் கண்டுபிடிக்கப்பட்டதாக வெளியான தகவல் உண்மையில்லை.
அந்த மொத்த பரப்பளவில் தோராயமாக 160 கிலோ தங்கம் மட்டுமே பிரித்தெடுக்க முடியும்.
மத்திய புவியியல் ஆய்வுத் துறை விளக்கம்...
சென்னை யானைக்கவுனி பகுதியைச் சேர்ந்த தன்ராஜ் என்பவரின் மாமனாரின் கடை வாடகைக்கு விடப்பட்டுள்ளது. அந்த இடத்தில் ஒருவர் மளிகை கடை வைத்துள்ளார். அந்த மளிகை கடையில் சுமன் என்பவர் குடிபோதையில் சிப்ஸ் பாக்கெட்டை வாங்கிவிட்டு, பணம் கொடுக்காமல் சென்றுள்ளார்.
அதனை கேட்ட கடைக்காரருக்கும், சுமனுக்கும் இடையே வாக்குவாதம் ஏற்பட்டுள்ளது. அப்போது அங்கு வந்த தன்ராஜ், வாங்கிய சிப்ஸ்-க்கு பணம் கொடுக்குமாறு சுமனிடம் கூறியதால் வாக்குவாதம் ஏற்பட்டது. அப்போது அங்கிருந்த சென்ற சுமன், தனது நண்பர்களை அழைத்துக்கொண்டு வந்து பயங்கர ஆயுதங்களை கொண்டு தன்ராஜை பலமாக தாக்கியுள்ளார். இதில் படுகாயம் அடைந்த தன்ராஜ் சம்பவ இடத்திலேயே உயிரிழந்தார்.
கொலை சம்பவம் அறிந்து வந்த போலீசார், சுமன் மற்றும் அவரது நண்பர்கள் 6 பேரை கைது செய்தனர்.
சென்னை வள்ளுவர்கோட்டத்தில் அனைவருக்குமான கல்வியை உறுதிப்படுத்த வேண்டும், கல்வியில் தனியார்மயத்தை அனுமதிக்கக்கூடாது, கல்வியை மாநிலப் பட்டியலுக்கு மாற்ற வேண்டும் உள்ளிட்ட கோரிக்கைகளை வலியுறுத்தி இந்திய மாணவர் சங்கத்தினர் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்தில் ஜே.என்.யூ, பல்கலைக்கழக மாணவர் பேரவையின் தலைவர் ஆய்ஷி கோஷ் கலந்து கொண்டார்.
அப்போது மாணவர்கள் தேவையற்ற போராட்டத்தில் மாணவர்கள் ஈடுபட வேண்டாம் என்று ரஜினிகாந்த் கூறியது பற்றி கேள்வி எழுப்பப்பட்டது. அதற்கு, அரசியலமைப்பையும் கல்வியையும் பகத்சிங், அம்பேத்கர் அவர்கள் வழி நின்று பாதுகாக்க வேண்டிய கடமை மாணவர்களாகிய தங்களுக்கு உண்டு என்பதை நடிகர் ரஜினிகாந்த் புரிந்து கொள்ள வேண்டும்“ என்றார்.
நிர்பயா குற்றவாளி வினய் சர்மாவுக்கு, உரிய மனநல சிகிச்சை அளிக்க கோரி தாக்கல் செய்யப்பட்ட மனுவை டெல்லி விசாரணை நீதிமன்றம் நிராகரித்துள்ளது. திகார் சிறையில் உள்ள வினய் சர்மா , கடந்த 16ம் தேதி சுவற்றில் மோதி காயம் ஏற்படுத்தி கொண்டார். மனநல பாதிப்பால் வினய் குமார் சுவற்றில் மோதி கொண்டதாகவும், அதனால் அவருக்கு உரிய மனநல சிகிச்சை அளிக்க வேண்டும் எனவும் விசாரணை நீதிமன்றத்தில் வழக்கு தொடரப்பட்டது. இந்த மனுவை விசாரித்த நீதிபதி தர்மேந்திர ராணா அதனை தள்ளுபடி செய்து உத்தரவிட்டார்.
இரண்டு நாள் பயணமாக இந்தியா வரும் அமெரிக்க அதிபர் டிரம்ப், உலக அதிசயங்களில் ஒன்றான தாஜ்மஹாலை பார்வையிட உள்ளார். இதனையொட்டி தாஜ்மஹாலை புனரமைக்கும் பணிகள் மூழுவீச்சில் நடைபெற்ற வந்தன. அந்த பணிகள் நிறைவுபெற்றதால் தாஜ்மஹால் தற்போது புதுப்பொலிவுடன் காணப்படுகிறது. மேலும் ஆக்ராவில் உள்ள சாலைகளை சீரமைக்கும் பணி நடைபெற்று வருகிறது.
முன்னாள் முதல்வர் ஜெயலலிதாவின் 72 ஆவது பிறந்த நாளை முன்னிட்டு, தூத்துக்குடி மாவட்டம், அடைக்கலாபுரம் புனித சூசை நிலையத்தில் உள்ள ஆதரவற்ற ஏழைக் குழந்தைகளுக்கு, முதலமைச்சர் எடப்பாடி பழனிசாமி நலத்திட்ட உதவிகளை வழங்கினார். அப்போது பேசிய அவர், அங்கு பிளஸ் ஒன் பயிலும் மாணவர்களுக்கு இலவச மடிக்கணினி வழங்கப்படும் என அறிவித்தார்.
பணியிடங்களில் வரம்புமீறி திட்டுவது பெண்களுக்கு எதிரான பாலியல் தொல்லைகள் தடைச் சட்டப்படி குற்றமாகாது - சென்னை உயர்நீதிமன்றம்
* பெண் பணியாளரின் பாலியல் புகாரை எதிர்த்து புவிசார் குறியீடு அலுவலகத்தில் துணை பதிவாளர் தொடர்ந்த வழக்கில் நீதிமன்றம் கருத்து
அரியலூர் மாவட்டம் சிங்கராயபுரத்தில் புனித அந்தோணியார் ஆலய விழாவை முன்னிட்டு ஜல்லிக்கட்டு போட்டி நடைபெற்றது.போட்டியில் 500 காளைகளும் 350 காளையர்களும் களமிறங்கினர். வாடிவாசல் வழியாக சீறி வந்த காளைகளை காளையர்கள் திறம்பட அடக்கி காண்போரை ஆச்சர்யத்தில் ஆழ்த்தினர்.
இந்தியாவில் இரண்டு நாட்கள் அரசு முறை சுற்றுபயணம் மேற்கொள்கிறார் அமெரிக்கா அதிபர் டொனால்டு டிரம்ப். டிரம்ப் அமெரிக்கா அதிபரான பின்பு இந்தியாவுக்கு முதல் முறையாக வருவதால் அவரை வரவேற்க குஜராத் அரசும், மத்திய அரசும் ஏராளமான ஏற்பாடுகளைச் செய்துள்ளன. முன்னதாக சர்வதேச மத சுதந்திரத்திற்கான ஐக்கிய அமெரிக்க ஆணையம் வெளியிட்டுள்ள அறிக்கையில், ' மதத்தை அளவுகோலாய் வைத்து குடியுரிமையை முடிவு செய்வதை நினைத்து, ஆழ்ந்த கவலை அடைந்திருப்பதாக தெரிவித்தது.
இந்நிலையில், வெள்ளை மாளிகை அதிகாரி ஒருவர் , ' இந்தியாவில் இருக்கும் மதச் சுதந்திரப் பிரச்சினை குறித்தும் அமெரிக்கா அதிபர் மோடியிடம் பேசுவார் " என்று தெரிவித்துள்ளார்.
சந்தனக் கடத்தல் வீரப்பனின் மகள் வித்யா ராணி இன்று தன்னை பாஜக வில் இணைத்துக் கொண்டார். தேசிய பொதுச்செயலாளர் முரளிதரராவ் தலைமயில் நடைபெற்ற விழாவில் வித்யா ராணி பாஜகவில் இணைந்தார். வீரப்பன்- முத்துலட்சுமி தம்பதிக்கு வித்யா ராணி, விஜயலட்சுமி என்ற இரண்டு மகள்கள் உண்டு. மக்களுக்கும் நாட்டிற்கும் சேவை செய்ய வேண்டும் என்பதால் பாஜகவில் நான் இணைந்திருக்கிறேன் என்று வித்யா ராணி செய்தியாளர்களிடம் தெரிவித்தார்.
கொரோனா வைரஸ் உலக நாடுகள் முழுவது பரவி வருகிறது. இந்நிலையில், மத்திய அரசு வெளியிட்டுள அறிக்கையில் இந்தியர்கள் சிங்கப்பூர் செல்வதை தவிர்க்க வேண்டும் என்று கேட்டுக் கொண்டுள்ளது.
மேலும், நேபாளம், இந்தோனேஷியா, மலேசியா, வியட்நாம் போன்றநாடுகளில் இருந்து இந்தியாவிற்குள் வரும் பயணிகள் முறையான சிகிச்சைக்குப் பின் தான் அனுமதிக்கப் படுவார்கள் என்றும் தெரிவித்துள்ளது.
குடியுரிமை திருத்த சட்டத்தில் இஸ்லாமிய சிறுபான்மை மக்களுக்கு எதிராக ஒரு வரி இருப்பதை நிரூபித்தால் தான் அரசியலில் இருந்து விலகத் தயார் என்று பாஜக தேசிய பொதுச்செயலாளர் முரளிதரராவ் சவால் விடுத்துள்ளார். மேலும், பாஜக இருக்கும் வரை தமிழகத்தில் ஸ்டாலினை முதல்வராக விடமாட்டோம் என்றும் தெரிவித்துள்ளார் .
கிருஷ்ணகிரி கிழக்கு மாவட்டம் பாஜக சார்பாக மாற்று கட்சியிலிருந்து சுமார் 5000 பேர் பாஜகவில் இணையும் விழாவில் கலந்து கொண்டு பேசிய முரளிதரராவ் இவ்வாறு கூறினார்.
விடுதலைச் சிறுத்தைகள் கட்சியின் சார்பில் இன்று திருச்சியில் நடைபெற்ற தேசம் காப்போம் பேரணியின் இறுதியில் பின்வரும் தீர்மானங்கள் நிறைவேற்றப்பட்டன
- குடியுரிமை திருத்த சட்டத்தை திரும்பப் பெருக
- தேசிய மக்கள் தொகைப் பதிவேடு நடவடிக்கையைக் கைவிடுக
- தேசிய குடிமக்கள் பதிவேடு திட்டத்தை ரத்து செய்க
- இடஒதுக்கீடு உரிமையைப் பாத்காத்திடுக
சுனந்த புஷ்கர் கொலை வழக்கில் குற்றம் சாட்டப்பட்டுள காங்கிரஸ் தலைவர் சஷி தரூர் வெளிநாடுகளுக்கு செல்ல டெல்லியின் ரூஸ் அவென்யூ நீதிமன்றம் இன்று அனுமதி அளித்துள்ளது. பிப்ரவரி முதல் மே வரை ஐக்கிய அரபு எமிரேட்ஸ் (யுஏஇ), பிரான்ஸ் மற்றும் நோர்வே ஆகிய நாடுகளுக்கு செல்ல அனுமதி கிடைத்துள்ளது.
கடலூர், நாகை மாவட்டங்களில் பெட்ரோலிய முதலீட்டு மண்டலம் அமைக்க பிறப்பித்த தமிழக அரசின் அரசாணை ரத்து செய்யப்படுவதாக அறிவித்துள்ளது . 2017 ஆம் ஆண்டு ஜூலை 19இல் இந்த அரசாணை பிறப்பிக்கப்பட்டது. இரண்டு மாவட்டங்களில் 45 ஊராட்சிகளை உள்ளடக்கி 23 கெக்டரில் முதலீட்டு மண்டலம் அமைக்கப்படும் என்று தெரிவிக்கப் பட்டிருந்தது.
காவிரி டெல்டா பகுதியை வேளாண் மண்டலமாக அறிவித்து பேரவையில் நிறைவேற்றப்பட்ட சட்டம் அரசிதழில் வெளியிடப்பட்டுள்ளது. பேரவையில் நிறைவேற்றப்பட்ட சட்ட மசோதாவுக்கு ஆளுநர் ஒப்புதல் அளித்த நிலையில் வேளாண் மண்டல மசோதா சட்டமாகியுள்ளது.
பா.சிவந்தி ஆதித்தனார் மணிமண்டபம் திறப்பு விழாவிற்கு முதலமைச்சர் வருகை புரிந்தார். அவருக்கு தினத்தந்தி நிர்வாக இயக்குனர் பாலசுப்பிரமணியன் ஆதித்தன் பொன்னாடை போர்த்தி வரவேற்றார். பின்னர் பா.சிவந்தி ஆதித்தனார் முழு உருவச் சிலையை திறந்து வைத்தார் முதலமைச்சர்.
"அதிமுகவின் அரசியல் என்பது அண்ணாவுக்கும், திராவிட இயக்கத்திற்கும் தொடர்பில்லாதது; சந்தர்ப்ப வாதத்தில் தோய்ந்தது" என திமுக தலைவர் மு.க.ஸ்டாலின் அறிக்கை வெளியிட்டுள்ளார்.
”அதிமுகவின் அரசியல் என்பது அண்ணாவுக்கும், திராவிட இயக்கத்திற்கும் தொடர்பில்லாதது; சந்தர்ப்ப வாதத்தில் தோய்ந்தது;
அம்மையார் ஜெயலலிதாவின் மர்ம மரணத்திற்குப் பிறகு, டெல்லி எஜமானர்கள் ஒரே நூலில் பல பொம்மைகளை கட்டி ஆட்டுவிக்கிறார்கள்”
- கழக தலைவர் @mkstalin அவர்கள் அறிக்கை.#DMK pic.twitter.com/lcGkJPxnqa
— DMK (@arivalayam) February 22, 2020
"தமிழ்த் தெருவில் தமிழ்தான் இல்லை - பாரதிதாசன் 1.பஞ்சாப் மாநிலத்தில் அரசுத்துறைகள், கடைகள், வணிக நிறுவனங்களின் பெயர்கள் பஞ்சாபியில் எழுதப்பட வேண்டும் என்பது கட்டாயமாக்கப்பட்டுள்ளது. தமிழ்நாட்டிலுள்ள கடைகள், வணிக நிறுவனங்களின் பெயர்ப்பலகைகளில் தமிழ் இடம் பெறுவது எந்நாளோ?" என பாமக நிறுவனர் ராமதாஸ் ட்வீட் செய்துள்ளார்
2.தமிழ்நாட்டில் கடைகள் மற்றும் வணிக நிறுவனங்களின் பெயர்ப்பலகைகள் தமிழில் தான் எழுதப்பட வேண்டும் என்று 1977&ஆம் ஆண்டு பிறப்பிக்கப்பட்ட அரசாணை எண் 575 42 ஆண்டுகளாகியும் செயலாக்கப்படவில்லை. தமிழர் தெருக்களில் விரைவில் தமிழ் செழிக்க வேண்டும்!
— Dr S RAMADOSS (@drramadoss) February 22, 2020
டாக்டர் பா.சிவந்தி ஆதித்தனார் மணிமண்டபம் திறப்பு விழாவை முன்னிட்டு வணிகர் சங்க பேரமைப்பு சார்பில் பிரமாண்ட பேரணி நடந்தது. அதோடு மண்டபத்தைத் திறக்க தூத்துக்குடி வந்துள்ள முதலமைச்சர் எடப்பாடி பழனிசாமிக்கு உற்சாக வரவேற்பு அளிக்கப்பட்டது.
சோன்பகதி கிராமத்தில் உள்ள சுரங்கத்தில் மட்டுமே 2,943.26 டன் தங்கம் இருப்பு இருப்பதாக தெரிய வந்துள்ளது. ஹார்தி கிராமத்தில் உள்ள சுரங்கத்தில் 646.15 கிலோ தங்கம் இருப்பதாக கூறப்படுகிறது. நமது நாட்டில் ஏற்கனவே உள்ள சுரங்கங்களில் தங்க இருப்பு 626 டன் என்று உலக தங்க கவுன்சில் கூறுகிறது. இதே போன்று 5 மடங்கு தங்க இருப்பு இப்போது கண்டுபிடிக்கப்பட்டுள்ள சுரங்கங்களில் உள்ளது. இதன் மதிப்பு சுமார் ரூ.12 லட்சம் கோடி என கணக்கிடப்பட்டுள்ளது.
உத்தரபிரதேச மாநிலத்தில் சோன்பத்ரா மாவட்டத்தில் உள்ள சோன்பகதி, ஹார்தி கிராமங்களில் 3 ஆயிரம் டன் தங்கம் வெட்டி எடுக்கிற வாய்ப்புகளை கொண்ட தங்க சுரங்கம் கண்டுபிடிக்கப்பட்டிருக்கிறது. இந்த சுரங்கங்களில் தங்கம் இருப்பதை இந்திய புவியியல் ஆராய்ச்சி நிறுவனமும், உத்தரபிரதேச மாநில புவியியல் மற்றும் சுரங்க இயக்குனரகமும் உறுதி செய்துள்ளன.
2 ஆயிரம் ரூபாய் நோட்டு செல்லாது என்று அறிவிப்பு வெளியாகலாம் என்று சமூக ஊடகங்களில் தவறான தகவல்கள் பரவி வருகிறது. அது குறித்து பேசிய ரிசர்வ் வங்கி அதிகாரிகள், அதுபோன்ற எண்ணம் மத்திய அரசிடம் தற்போது வரவில்லை என்று கூறினர். இதுதொடர்பான அதிகாரபூர்வமான தகவல்களும் ரிசர்வ் வங்கிக்கு தெரிவிக்கப்படவில்லை என்று தெரிவித்த அதிகாரிகள், ஏ.டி.எம். மையங்களிலும் 2 ஆயிரம் ரூபாய் நோட்டுகள் வழக்கம்போல் நிரப்பப்பட்டு வருவதாக கூறினர்.
விளையாட்டு போட்டிகளில், இந்தியா பதக்கங்கள் வெல்ல, தமிழகம் முக்கிய பங்கு வகிப்பதாக, மத்திய விளையாட்டுத்துறை அமைச்சர் கிரண் ரிஜிஜூ தெரிவித்துள்ளார். காஞ்சிபுரம் மாவட்டம், ஸ்ரீபெரும்புதூரில் ராஜீவ் காந்தி தேசிய இளைஞர் நலன் மேம்பாட்டு நிறுவனத்தில், தேர்ச்சி பெற்ற மாணவர்களுக்கு பட்டங்களை வழங்கிய அவர், இதனை தெரிவித்தார்.
அவர்கள் ஒவ்வொருவரையும் என் குடும்பமாகவே பார்க்கிறேன். 'இந்தியன் 2' படப்பிடிப்பில் நேர்ந்த விபத்து என்னை அதிர்ச்சிக்குள்ளாக்கிவிட்டது. எத்தனைக் கனவுகளோடு விபத்தில் சிக்கியவர்களின் சினிமா பயணம் ஆரம்பித்திருக்கும்?. அவர்களின் குடும்பத்தின் கனவுகளும் சேர்ந்தே தொலைந்து போய்விட்டதே என்பதை நினைக்க நினைக்கக் கண்களில் நீர் முட்டிக் கொண்டு வருகிறது.
இறந்துபோன தொழிலாளர்கள், உதவி இயக்குநர்களின் குடும்பத்திற்கு என் ஆறுதலைத் தெரிவித்துக் கொள்கிறேன். ஈடுசெய்ய முடியாத இந்த இழப்பைத் தாங்கும் பலத்தை இறைவன் தர வேண்டிக் கொள்கிறேன்” என இந்தியன் 2 விபத்து குறித்து நடிகர் சிம்பு அறிக்கை வெளியிட்டிருந்தார்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights