Tamil nadu news today : சென்னையில் இன்று அதிமுக பொதுக்குழு: உள்ளாட்சி தேர்தல் குறித்து ஆலோசனை

மத்திய நிதியமைச்சர் நிர்மலா சீதாராமன், சென்னையில் நடைபெற்ற பல்வேறு நிகழ்ச்சிகளில் பங்கேற்றார். அண்ணா பல்கலைகழகத்தில் நடைபெற்ற நிகழ்ச்சியில் அவர் பேசியதாவது, எந்த தொழிலும் ஏளனம் இல்லை. விவசாயிகளை போல விடாமுயற்சியுடன் உழைக்க வேண்டும். ரிசர்வ் வங்கி மூலம் இங்குள்ள வங்கிகளை உலகத் தரத்திற்கு கொண்டுவரும் நடவடிக்கைகள் எடுக்கப்பட்டு வருவதாக அவர் மேலும் தெரிவித்துள்ளார்.

புதுச்சேரி நெட்டப்பாக்கம் காவல்நிலைய எஸ்.ஐ தற்கொலை வழக்கை சிபிசிஐடி விசாரிக்கும் எனவும், வழக்கை நேர்மையாக விசாரிக்க உத்தரவிட்டுள்ளேன் எனவும் தெரிவித்துள்ளார் புதுச்சேரி முதல்வர் நாராயணசாமி. அதோடு எஸ்.ஐ விபல்குமார் குடும்பத்திற்கு ரூ.5 லட்சம் நிதியுதவி மற்றும் அவரது மனைவிக்கு அரசுவேலை வழங்கப்படும் எனவும் அவர் அறிவித்துள்ளார். 

அதிமுகவினர் ஒத்துழையாமை இயக்கம் நடத்தியதால் உள்ளாட்சி தேர்தலை மறைமுகமாக நடத்தியது திமுக. அதிமுகவினரால் உள்ளாட்சி அமைப்புகளுக்கு பாதிப்பு வரக்கூடாது என்பதால் திமுக ஆட்சிக் காலத்தில் மறைமுகத் தேர்தல் நடந்தது " என திமுக தலைவர் மு.க.ஸ்டாலின் விளக்கம் அளித்துள்ளார். 

திமுக ஆட்சியில் தமிழ்நாட்டுக்குள் வரவே முடியாமல் இருந்த நீட் தேர்வை, அதிமுக ஆட்சியில் முதலமைச்சரால் ஏன் தடுத்து நிறுத்த முடியவில்லை? எனவும், அண்டப் புளுகு ஆகாசப் புளுகுகளை அவிழ்த்து விடுகிறார் முதல்வர் பழனிசாமி, மக்கள் முன்னிலையில் பொய்யும், புரட்டும் பேசுவது முதல்வர் யாசித்துப் பெற்ற பதவிக்கு அழகல்ல எனவும் திமுக தலைவர் மு.க.ஸ்டாலின் தெரிவித்துள்ளார். 

மகாராஷ்டிராவில் ஆட்சியமைத்திருக்கும் பட்னாவிஸ், அஜித் பவார் ஆகியோருக்கு தமிழக முதல்வர் எடப்பாடி பழனிச்சாமி தனது வாழ்த்துகளை தெரிவித்துள்ளார். 

Text of the letter dated 23.11.2019 addressed by Thiru.Edappadi K.Palaniswami, Hon’ble Chief Minister of Tamil Nadu to Shri @Dev_Fadnavis Hon’ble Chief Minister of Maharashtra. pic.twitter.com/MZfOA0MI3S

— Edappadi K Palaniswami (@CMOTamilNadu) November 23, 2019

மகாராஷ்டிரா மாநிலத்தின் முதல்வராக பொறுப்பேற்றிருக்கும் @Dev_Fadnavis அவர்களுக்கும், துணை முதல்வராக பொறுப்பேற்றிருக்கும் @AjitPawarSpeaks அவர்களுக்கும் எனது மனமார்ந்த நல்வாழ்த்துகள்!

மகாராஷ்டிராவின் நீடித்த நிலையான வளர்ச்சிக்கு உழைத்திட எனது நல்வாழ்த்துகளை தெரிவித்து கொள்கிறேன்.

— O Panneerselvam (@OfficeOfOPS) November 23, 2019

என மகாராஷ்டிராவில் ஆட்சியமைத்திருக்கும் பட்னாவிஸ், அஜித் பாவாருக்கு தனது வாழ்த்துகளை தெரிவித்துள்ளார்.

திருக்கார்த்திகை தீபத்திருவிழா தொடங்கும் 1-ஆம் தேதி கொடியேற்றம் முதல் மகா தீபம் நடைபெறும் 10-ஆம் தேதி வரை, திருவண்ணாமலையில் அரசு மற்றும் தனியார் மதுபான கடைகளுக்கு 10 நாட்கள் விடுமுறை அறிவிக்கப்பட்டுள்ளது. 

இந்திய ஜனநாயகத்தின் முகத்தில் கரி பூசப்பட்டுள்ளதாகவும், மகாராஷ்டிரா சம்பவத்தை அநாகரிகம் என்பதா, அசிங்கம் என்பதா, எதனோடு ஒப்பிடுவது? எனவும், அரசியல் சட்ட நெறிமுறைகளை காலில் போட்டு மிதித்து, குப்பைத் தொட்டியில் வீசி உள்ளனர் எனவும் மகாராஷ்ட்ரா அரசியல் குறித்து தனது முகநூலில் பதிவிட்டுள்ளார் திமுக தலைவர் மு.க.ஸ்டாலின் 

இலங்கை கடற்படையின் தாக்குதல் அதிகரித்துள்ளதை கண்டித்து இன்று முதல் வேலை நிறுத்தத்தில் ஈடுபடுவதாக, ராமேஸ்வரம் மீனவர்கள் கூட்டத்தில் தீர்மானம் செய்யப்பட்டுள்ளது.  இந்தியா வரும் இலங்கை அதிபரிடம், மீனவர்கள் பிரச்சினை குறித்து பேச்சுவார்த்தை நடத்த வேண்டும் எனவும் அவர்கள் தீர்மானித்துள்ளனர். 

மகாராஷ்டிரா அரசியல் ஜனநாயக நம்பகத்தன்மையை கேள்விக்குறியாக்கியுள்ளதாக திருமாவளவன் எம்.பி கருத்துத் தெரிவித்துள்ளார். 

மஹாராஷ்டிராவில் பாஜக தனது கோரமுகத்தை அரங்கேற்றியுள்ளது எனவும், சரத்பவாரின் முதுகில் குத்திய ரத்தக்கறை அமித்ஷாவின் கைகளில் இருந்து அகலாது என்றும் தமிழக காங்கிரஸ் தலைவர் கே.எஸ்.அழகிரி தெரிவித்துள்ளார். 

வெப்பச் சலனம் காரணமாக தமிழகத்தில் பரவலாக மழை பெய்து வருவதால், "ஏரி குளங்களில் போதிய பாதுகாப்பு இல்லாமல் குளிக்க வேண்டாம்" என பொது மக்களுக்கு வருவாய் நிர்வாக ஆணையர் ராதாகிருஷ்ணன் வேண்டுகோள் விடுத்துள்ளார்.

அரசுப்பள்ளி மாணவர்கள் ஆங்கிலத்தில் சரளமாக பேசவும் கற்கவும் வாரம் ஒரு நாள் வகுப்பு நடத்த முடிவு எடுக்கப் பட்டுள்ளது என்று பள்ளிக் கல்வித்துறை அமைச்சர் செங்கோட்டையன் அறிவித்துள்ளார்.

யார் ஆட்சியமைப்பது என்று இழுபறி நீடித்த நிலையில், தேவேந்திர ஃபட்னாவிஸ் மற்றும் அஜித் பவார் ஆகியோர் மகாராஷ்ட்ரா ஆளுநர் பகத் சிங் கோஷ்யாரி முன்னிலையில் முதல்வர், துணை முதல்வராக பதவி ஏற்றுக் கொண்டனர். https://tamil.indianexpress.com/india/maharashtra-government-formation-live-updates-devendra-fadnavis-takes-oath-as-cm/

சென்னை கோயம்பேடு மார்க்கெட்டில் 1 கிலோ சின்ன வெங்காயத்தின் விலை 100 ரூபாயாக உள்ளது. அதே போல பெரிய வெங்காயம் ரூபாய் 70-க்கு விற்கப்படுகிறது. திருச்சி, மதுரை காய்கறி மார்க்கெட்டுகளைப் பொறுத்தவரை சின்ன வெங்காயம் 110-க்கும், பெரிய வெங்காயம் 80 ரூபாய்க்கும் விற்கப்படுகிறது. இதற்கிடையே வெங்காய விலையைக் கட்டுப்படுத்துவதற்காக, உள்துறை அமைச்சர் அமித் ஷா ஆலோசனை மேற்கொண்டார்.