/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/09/DSC_5952.jpg)
Tamil News Today Live : சென்னை ராயப்பேட்டையில் அமைந்துள்ள கட்சியின் தலைமை அலுவலகத்தில் நேற்று அதிமுகவின் உயர்நிலை ஆலோசனைக் கூட்டம் அக்கட்சியின் ஒருங்கிணைப்பாளரான ஓ.பன்னீர்செல்வம், துணை ஒருங்கிணைப்பாளரான எடப்பாடி பழனிசாமி ஆகியோரின் தலைமையில் நடைபெற்றது.
சுமார் ஒன்றரை மணி நேரம் நடைபெற்ற ஆலோசனைக் கூட்டத்துக்கு பின், இதுதொடர்பாக, இபிஸ் -ஓபிஎஸ் ஆகியோர் கூட்டாக அறிக்கை வெளியிட்டுள்ளனர்.இதன் தொடர்ச்சியாக, அதிமுகவின் செயற்குழுக் கூட்டம் கட்சியின் அவைத் தலைவர் மதுசூதன் தலைமையில் செப்டம்பர் 28 ஆம் தேதி நடைபெறவுள்ளது.
சென்னை கோயம்பேடு உணவு தானிய மார்க்கெட் நான்கரை மாதங்களுக்கு பிறகு மீண்டும் திறக்கப்பட்டது. கொரோனா பரவல் காரணமாக மே 5 ஆம் தேதி மூடப்பட்ட உணவு தானிய மார்க்கெட் வியாபாரிகளின் கோரிக்கையை ஏற்று மீண்டும் திறப்பு.
சிறப்பு குழந்தைகள் மற்றும் மாற்றுத் திறன் மாணவர்கள் கொரோனா காலத்தில் தேர்வெழுத கட்டாயப்படுத்துவது மனிதாபிமானமற்ற செயல் என்று தெரிவித்துள்ளார் கனிமொழி.நாடாளுமன்றத்தின் அனைத்து விவாதங்களும் அர்த்தமற்றவை: கார்த்தி சிதம்பரம் எம்.பி ட்வீட்.
திருப்பதி ஏழுமலையான் கோவிலில் வருடாந்திர பிரம்மோற்சவ விழாவையொட்டி கோவில் முழுவதும், மின் விளக்குகளால் அலங்கரிக்கப்பட்டுள்ளது. மாட வீதிகள் முழுவதும் வண்ண கோலங்கள் வரையப்பட்டு உள்ளது. வரும் 22ஆம் தேதி ஸ்ரீவில்லிபுத்தூரில் இருந்து ஆண்டாள் சூடிக்கொடுத்த மாலையும், கிளியும், சென்னையில் இருந்து திருக்குடையும் சமர்ப்பிக்கப்பட உள்ளது.
வந்தே பாரத் திட்டத்தின் கீழ் 16.9 லட்சம் பேர் இந்தியா வருகை" - விமான போக்குவரத்து துறை அமைச்சர் ஹர்தீப் சிங் பூரி தகவல்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Live Blog
Tamil Nadu news today live updates : தமிழகத்தில் நடைபெறும் அனைத்து நிகழ்வுகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்
அதிமுக தலைமைக் கழக நிர்வாகிகள் ஆலோசனைக் கூட்டத்தில் எடுக்கப்பட்ட முடிவுப்படி, வருகிற 28-ம் தேதி அதிமுக தலைமை செயற்குழுக் கூட்டம் நடக்கிறது. அன்றைய கூட்டத்தில் அதிமுக சார்பில் முதல்வர் வேட்பாளர் தேர்வு உள்ளிட்ட அம்சங்கள் விவாதிக்கப்படலாம் எனத் தெரிகிறது.
அதிமுக ஆலோசனை கூட்டத்தில் காரசார விவாதம் ஏற்பட்டதாகவும், 11 பேர் கொண்ட வழிகாட்டு குழு அமைப்பதில் முடிவு எட்டப்படவில்லை என்றும் தகவல்கள் கூறுகின்றன. அதேபோல முதல்வர் வேட்பாளர் குறித்து எந்த முடிவும் இதுவரை எடுக்கப்பட வில்லை என்கின்றன அதிமுக வட்டாரங்கள்! இது தொடர்பாக அதிகாரபூர்வ அறிவிப்பு வெளியிடப்படவில்லை.
மாலையில் தொடங்கிய கூட்டம் 2 மணி நேரத்திற்கும் மேலாக நீடித்தது.
அதிமுக ஆலோசனை கூட்டத்தில் காரசார விவாதம் ஏற்பட்டதாகவும், 11 பேர் கொண்ட வழிகாட்டு குழு அமைப்பதில் முடிவு எட்டப்படவில்லை என்றும் தகவல்கள் கூறுகின்றன. அதேபோல முதல்வர் வேட்பாளர் குறித்து எந்த முடிவும் இதுவரை எடுக்கப்பட வில்லை என்கின்றன அதிமுக வட்டாரங்கள்! இது தொடர்பாக அதிகாரபூர்வ அறிவிப்பு வெளியிடப்படவில்லை.
மாலையில் தொடங்கிய கூட்டம் 2 மணி நேரத்திற்கும் மேலாக நீடித்தது.
தமிழகத்தில் புதிதாக 5,488 பேருக்கு கொரோனா கண்டறியப்பட்டதாக சுகாதாரத்துறை தகவல் வெளியிட்டிருக்கிறது. இதனால் மொத்த பாதிப்பு 5,30,908 ஆக உயர்ந்திருக்கிறது. தமிழகத்தில் இன்று ஒரே நாளில் 67 பேர் கொரோனாவுக்கு பலியானார்கள். இதனால் மொத்த உயிரிழப்பு எண்ணிக்கை 8,685 ஆனது.
சென்னையில் மேலும் 989 பேருக்கு கொரோனா பாதிப்பு கண்டறியப்பட்டிருக்கிறது. சென்னை தவிர்த்து பிற மாவட்டங்களில் 4,499 பேர் புதிதாக கொரோனா தொற்றுக்கு உள்ளாகியிருக்கிறார்கள்.
அதிமுக ஆலோசனைக் கூட்டத்தில் பங்கேற்க சென்னை ராயப்பேட்டை தலைமை அலுவலகத்திற்கு முதல்வர் எடப்பாடி பழனிசாமி வந்தபோது, ‘நிரந்தர முதல்வர் வாழ்க’என தொண்டர்கள் சிலர் கோஷம் எழுப்பினர்.
அதேபோல துணை முதல்வர் ஓ.பன்னீர்செல்வம் வந்தபோது, ‘வருங்கால முதல்வர் வாழ்க, புரட்சித் தலைவியின் அரசியல் வாரிசு ஓபிஎஸ்’ என்கிற கோஷங்கள் எழுந்தன. இரு தரப்பு ஆதரவாளர்கள் இப்படி மாறி மாறி கோஷமிட்டதால் அங்கு பரபரப்பு நிலவியது.
2021 சட்டமன்ற தேர்தல் பணிகள் மற்றும் அதிமுக பொதுக்குழு கூட்டம் குறித்து விவாதம் தொடங்கியது. அதிமுக ஒருங்கிணைப்பாளர், இணை ஒருங்கிணைப்பாளர் தலைமையில் ஆலோசனைக்கூட்டம் நடைபெறுகிறது. அதிமுகவில் முதலமைச்சர் வேட்பாளர் யார் ? தேர்தல் கூட்டணி, போஸ்டர் சர்ச்சை, சசிகலா விடுதலை விவகாரம் உள்ளிட்டவை குறித்தும் இதில் ஆலோசிக்கப்படுகிறது. கூட்டத்தில் அதிமுக மூத்த அமைச்சர்கள், நிர்வாகிகள் பங்கேற்பு
விவசாயிகளின் முதுகெலும்பை ஒடிக்கும் சட்டங்களுக்கு அதிமுக அரசு ஆதரவு 'நான் ஒரு விவசாயி' என இனியொரு முறை முதலமைச்சர் பழனிசாமி சொல்ல வேண்டாம் என்று ஸ்டாலின் தெரிவித்துள்ளார். மசோதாவை எதிர்த்து பா.ஜ.க. கூட்டணிக் கட்சியான சிரோமணி அகாலிதளத்தின் மத்திய அமைச்சரே பதவியை ராஜினாமா செய்திருக்கிறார் .
விளைபொருட்களை கார்ப்பரேட் நிறுவனங்கள் பதுக்கி வைத்துக்கொள்ள வழிவகுப்பதே அத்தியாவசியப் பொருட்கள் திருத்தச் சட்டம் . ஆன்லைன் வர்த்தகம் செய்யும் விவசாயிக்கு பான் எண் கட்டாயம் விவசாயத்தை வருமான வரி வரம்பிற்குள் கொண்டு வரும் சதி எனவும் அவர் குறிப்பிட்டுள்ளார்.
நடிகர் சூர்யா மீது நீதிமன்ற அவமதிப்பு நடவடிக்கையில்லை என சென்னை உயர்நீதிமன்றம் உத்தரவு. நீதிபதி எஸ்.எம்.சுப்ரமணியத்தின் கோரிக்கையை நிராகரித்து தலைமை நீதிபதி உத்தரவு. சூர்யா மீது நடவடிக்கை எடுக்க வேண்டாம் என ஓய்வுபெற்ற நீதிபதிகள் 6 பேரும் கடிதம் எழுதி இருந்தனர். பொது விவகாரங்கள் குறித்து விமர்சிக்கும் போது கவனம் தேவை நீதிமன்றத்தையோ, நீதிபதிகளையோ விமர்சிக்கும் வகையில் கருத்துகளை தெரிவிக்கக் கூடாது என நடிகர் சூர்யாவுக்கு உயர்நீதிமன்றம் அறிவுரை.
135 நாட்களுக்கு பிறகு முதற்கட்டமாக உணவு தானியம் மற்றும் மளிகை கடைகள் இன்று திறக்கப்பட்டுள்ளன. சந்தைக்கு வரும் வாகனங்களில் கிருமி நாசினி தெளித்தல், வியாபாரிகளின் உடல் வெப்பநிலை ஆய்வு செய்தல் , வணிக வளாகத்தில் அவ்வப்போது கிருமி நாசினியால் சுத்தம் செய்வது உள்ளிட்ட செயல்முறைகள் பின்பற்ற அறிவுறுத்தப்பட்டுள்ளது. 2-வது கட்டமாக வருகிற 28ஆம் தேதி திருமழிசையில் செயல்படும் காய்கறி சந்தை, மீண்டும் கோயம்பேடுக்கு மாற்றப்பட உள்ளது.
நடிகர் சங்கத்துக்கு நடத்தப்பட்ட தேர்தல் வாக்கு எண்ணிக்கை நிறுத்தப்பட்டது. இதுகுறித்து அப்போது பெரும் சலசலப்பு ஏற்பட்ட நிலையில், தேர்தலை நடத்திய தனி நீதிபதி வாக்கு எண்ணிக்கையை நிறுத்தி வைத்தார். இதுதொடர்பான வழக்கை இன்று விசாரித்த நிலையில், நடிகர் சங்கத்துக்கு மறுதேர்தல் நடத்துவதா வாக்கு எண்ணிக்கை நடத்துவதா என நீதிமன்றம் கேள்வி எழுப்பியது. சட்ட போராட்டம் மூலம் என்ன சாதிக்க போகிறார்கள் என்றும் நீதிமன்றம் வினவியது
நேற்றைய தமிழக செய்திகளை வாசிக்க
நாடாளுமன்றத்தில் நிறைவேற்றப்பட்ட மசோதாக்களுக்கு பிரதமர் மோடி வரவேற்பு தெரிவித்துள்ளார். வரலாற்று சிறப்பு மிக்க சீர்திருத்த மசோதாக்கள் எனவும் நாட்டின் வேளாண் துறை மற்றும் விவசாயிகளுக்கு இது முக்கிய தருணம் எனவும் அவர் தெரிவித்துள்ளார்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights