News Highlights : வாக்குப்பதிவு இயந்திரங்களில் சந்தேகம் இருக்கிறது - திக்விஜய சிங்

15-வது நிதிக்குழு பரிந்துரை அடிப்படையில் தமிழகத்திற்கு ரூ.335.41 கோடி நிதியை ஒதுக்கியது மத்திய அரசு . அதிகபட்சமாக கேரளாவுக்கு ரூ.1,276.91 கோடியையும், இமாச்சல பிரதேசத்திற்கு ரூ.952.58 கோடியையும் ஒதுக்கீடு செய்தது மத்திய அரசு.

காங்கிரஸில் இருந்து போட்டியிட்டு தொடர்ச்சியாக ஆறாவது முறை தோல்வியை தழுவியுள்ளார் ஜெயந்திலால் படேல். 1990, 1995, 1998, 2002 மற்றும் 2007 ஆண்டு தேர்தல்களில் மோர்பி தொகுதியில் நின்று தோல்வி அடைந்தார் அவர்.

கன்னியாகுமரி மாவட்டத்தில் ரூ.60.44 கோடி மதிப்பிலான 36 புதிய திட்டப் பணிகளுக்கு அடிக்கல்லை நாட்டினார் முதல்வர் பழனிசாமி. ரூ.153.92 கோடி மதிப்பிலான 21 முடிவுற்ற திட்டப்பணிகளையும் அவர் இன்று தொடங்கி வைத்தார்.

எந்த சூழலிலும் நாங்கள் இழக்கவே இல்லாத தொகுதிகளிலும் கூட 1000 வாக்குகள் வித்தியாசத்தில் தோல்வி அடைந்துள்ளோம். வாக்கு இயந்திரங்கள் டெம்பெர் ப்ரூஃப் ஒன்றும் கிடையாது. இது தொடர்பாக நாங்கள் நாளை ஆலோசனை கூட்டம் நடத்துகின்றோம் என்று திக் விஜயசிங் செய்தியாளர்கள் சந்திப்பில் பேச்சு.

அதிகாரப்பூர்வமாக இரண்டு இடங்களில் வெற்றியை உறுதி செய்தது பாஜக. சுவஸ்ரா மற்றும் மந்தட்டா பகுதிகளில் ஹர்தீப் சிங் தங் மற்றும் நாராயண் படேல் வெற்றி பெற்றதாக அறிவிக்கப்பட்டுள்ளது.

லோக்சபா எம்.பி. மற்றும் மத்திய பிரதேச பாஜக தலைவர் வி.டி. ஷர்மா ”மக்களை கமல்நாத் அரசு ஏமாற்றிவிட்டது” என்று குற்றம்சாட்டியுள்ளார். தற்போது அங்கு காங்கிரஸ் 6 தொகுதிகளில் மட்டுமே முன்னிலை வகித்து வருகிறது.

முன்னிலை பெறுவதற்கான வித்தியாசம் மிகவும் குறைவாக இருக்கின்ற நிலையிலும் கூட 8 இடங்களிலும் தற்போது பாஜக முன்னிலை வகித்து வருகிறது. இன்னும் 10 சுற்று வாக்கு எண்ணிக்கை மீதம் உள்ளது குறிப்பிடத்தக்கது.

7 தொகுதிகளில் 6 இடங்களில் முன்னிலை வகிக்கிறது பாஜக. பாஜகவின் சங்கீதா சௌஹான் சமாஜ்வாடி கட்சியின் ஜாவேத் அப்பாஸைக் காட்டிலும் 90 வாக்குகள் பெற்று முன்னிலையில் உள்ளார்.

நவம்பர் 6ம் தேதி தடையை மீறி பாஜகவினர் வேல்யாத்திரை நடத்திய போது பாஜக மாநில தலைவர் முகக்கவசம் அணியவில்லை என்று டி.ஜி.பி. சென்னை உயர் நீதிமன்றத்தில் அறிக்கை தாக்கல்.

சாத்தான்குளம் காவல் ஆய்வாளர் ஸ்ரீதர் ஜாமீன் மனுவை 3வது முறையாக தள்ளுபடி செய்து உயர்நீதிமன்ற மதுரை கிளை உத்தரவிட்டுள்ளது. 

வளிமண்டல மேலடுக்கு சுழற்சி காரணமாக ராமநாதபுரம், தூத்துக்குடியில் மழைக்கு வாய்ப்பு சென்னை நகர் மற்றும் புறநகர் பகுதிகளில் வானம் மேகமூட்டத்துடன் காணப்படும் என்று வானிலை ஆய்வு மையம் அறிவித்துள்ளது. 

தமிழக வீரர் நடராஜனுக்கு எதிர்க்கட்சித் தலைவர் ஸ்டாலின் வாழ்த்து

இந்திய கிரிக்கெட் அணிக்குத் தேர்வாகியுள்ள சேலத்து யார்க்கர் புயல் நடராஜனுக்கு வாழ்த்துகளும், பாராட்டுகளும்!@Natarajan_91 உடன் பேசினேன். அவர் உயர்வுகளைப் பெறவும், வெற்றிகள் குவித்து, அணிக்கு பெருமை சேர்க்கவும் எனது விருப்பங்களைத் தெரிவித்தேன்!

அனைத்துக் கனவுகளும் நிறைவேறட்டும்! pic.twitter.com/U2225yrSDH

— M.K.Stalin (@mkstalin) November 10, 2020

சர்சையாக பேசி, முன்னாள் நீதிபதி கர்ணன் வெளியிட்ட வீடியோவை அழிக்க வேண்டும் என்று, சமூக வலைதளங்களுக்கு சென்னை உயர்நீதிமன்றம் அதிரடி உத்தரவிட்டுள்ளது. 

அமைச்சர்கள், உயர் அதிகாரிகளின் வாகனங்களில் தடை செய்யப்பட்ட பம்பர்கள் பொருத்தப்படுவதற்கு சென்னை உயர்நீதிமன்றம் கண்டனம் தெரிவித்துள்ளது. 

குஜராத்தில் 7 தொகுதிகளில் பாஜகவும் 1 தொகுதியில் காங்கிரஸும் முன்னிலை வகித்து வருகின்றன. உத்தரப்பிரதேசத்தில் 7 தொகுதிகளில் 4-ல் பாஜக, பகுஜன் சமாஜ், சமாஜ்வாதி ஆகியவை தலா 1 தொகுதியில் முன்னிலை வகித்து வருகின்றன.

மத்தியபிரதேச மாநிலத்தில், பாரதியஜனதா கட்சியின் ஆட்சியின் தலைவிதியை நிர்ணயிக்கும் வகையில் நடைபெற்ற 28 சட்டமன்ற தொகுதிகளின் இடைத்தேர்தலில் பாஜக 17 தொகுதிகளில் முன்னிலை பெற்றுள்ளது. இதன் காரணமாக, மாநிலத்தில் பாஜக தனது ஆட்சியை தக்க வைத்துக்கொள்வது உறுதியாகி உள்ளது.

காஞ்சிபுரம் மாவட்ட ஆட்சியர் மகேஸ்வரிக்கு கொரோனா தொற்று உறுதி செய்யப்பட்டுள்ளது

உத்தரப் பிரதேச இடைத்தேர்தல் - முன்னிலை நிலவரம் - மொத்த இடங்கள் - 7 பாஜக - 5, காங்கிரஸ் - 0 மற்றவை - 2

பனையூரில் உள்ள தனது வீட்டில் விஜய் மக்கள் இயக்க நிர்வாகிகளுடன் நடிகர் விஜய் ஆலோசனை நடத்தி வருகிறார். மொத்தமுள்ள 200 மாவட்ட செயலாளர்களில் 50 பேரை மட்டும் அழைத்து விஜய் ஆலோசனை. 

சித்த மருத்துவர் தணிகாசலம் மீதான குண்டர் சட்டம் ரத்து.மற்ற மருத்துவ முறைகளை போன்று இந்திய மருத்துவ முறையையும் சமமாக ஊக்கவிக்க வேண்டும் எனவும் அரசுக்கு நீதிபதிகள் அறிவுறுத்தல். 

சட்டமன்ற தேர்தலில், தமிழ்நாட்டிலும் காங்கிரஸ் தனித்து விடப்படும் என்று குஷ்பு ட்வீட்!

I sense there will be a major shift in so called alliance of convenience in #TNelection2021 Won’t be surprised if @INCIndia will be left alone and not taken into consideration at all citing them to be a baggage of burden. #LetsWaitnWatch

— KhushbuSundar ❤️ (@khushsundar) November 10, 2020

நாகையில் இருந்து மீன்பிடிக்கச் சென்ற 14 தமிழக மீனவர்கள் இலங்கை கடற்படையால் கைது *நேற்று நள்ளிரவு 4 மீனவர்கள் கைதான நிலையில் மேலும் 14 மீனவர்கள் கைது. 

பள்ளிகள் திறக்கப்படுவது குறித்து வரும் 12ம் தேதி முதல்வர் பழனிசாமி அறிவிப்பார் என்று பள்ளிக்கல்வி துற்றை அமைச்சர் செங்கோட்டையன் தெரிவித்துள்ளார். 

கொரோனா தடுப்பு மற்றும் வளர்ச்சி திட்ட பணிகள் குறித்து கன்னியாகுமரி மாவட்டத்தில் முதல்வர் பழனிசாமி இன்று ஆய்வு நடத்துகிறார். 

மத்தியப் பிரதேச இடைத்தேர்தல் முன்னிலை நிலவரம். 28 தொகுதிகளில் நடைப்பெற்ற இடைத்தேர்தலில், பாஜக 11இடங்களிலும், காங்கிரஸ் 2 இடங்களிலும் முன்னிலை வகிக்கிறது.