Tamil News Updates: அதிமுக பொதுக்குழு தீர்மானங்கள், பொதுச்செயலாளர் தேர்தலுக்கு தடை கோரிய மனுக்கள் மீது இன்று தீர்ப்பு

ராகுல்காந்தி எம்.பி. பதவியில் இருந்து தகுதி நீக்கம் செய்யப்பட்டது தொடர்பாக, எதிர்க்கட்சி உறுப்பினர்களின் முழக்கம் காரணமாக மாநிலங்களவை நாள் முழுவதும் ஒத்திவைக்கப்பட்டுள்ளது.

காரைக்கால் தனியார் தங்கும் விடுதியில் காதல் ஜோடி கழுத்து, கைகளில் கத்தியால் அறுத்து தற்கொலைக்கு முயற்சி செய்துள்ளனர். திருமணத்திற்கு பெற்றோர் மறுத்ததால் காதலர்கள் தற்கொலை முயற்சி என முதற்கட்ட தகவலில் தெரிய வந்துள்ளது.

கருவில் உள்ள சிசு ஆணா, பெண்ணா என்பதை சட்டவிரோதமாக கண்டறிந்த விவகாரத்தில் 3 பேர் கைது செய்யப்பட்டுள்ளனர். சட்டவிரோதமாக கருவின் பாலினத்தை தெரிவிக்க ரூ.26,400 வசூல் செய்தும் உள்ளது விசாரணையில் தெரிய வந்துள்ளது.

பாமக தலைவர் அன்புமணி ராமதாஸ் தனது ட்விட்டர் பக்கத்தில், “திருச்சி மாவட்டம் மணப்பாறை அஞ்சல்காரன்பட்டியைச் சேர்ந்த கூலித்தொழிலாளி வில்சன் என்பவர், ஆன்லைன் சூதாட்டத்தில் 4 லட்சத்தை இழந்து கடனாளி ஆனதால் தற்கொலை செய்து கொண்டுள்ளார். அவரை இழந்து வாடும் குடும்பத்தினருக்கு இரங்கலைத் தெரிவித்துக் கொள்கிறேன்.

ஆன்லைன் சூதாட்டத் தடை சட்டம் செல்லாது என அறிவிக்கப்பட்ட பிறகு நிகழ்ந்த 49-ஆவது தற்கொலை இது. திருப்பி அனுப்பப்பட்ட சட்டம் இயற்றப்பட்ட பிறகு நிகழ்ந்த 20-ஆவது தற்கொலை. புதிய சட்டம் இயற்றப்பட்ட பிறகு நிகழ்ந்த இரண்டாவது தற்கொலை. இது தொடர்கதையாகிவிடக்கூடாது.

ஆளுனரால் திருப்பி அனுப்பப்பட்ட ஆன்லைன் சூதாட்டத்தடை சட்டம் மீண்டும் பேரவையில் நிறைவேற்றப்பட்டுள்ள நிலையில், அதற்கு ஒப்புதல் அளிப்பதைத் தவிர ஆளுனருக்கு வேறு வாய்ப்பில்லை. அரசியல் சட்டப்படியான அந்தக் கடமையை ஆளுனர் உடனடியாக செய்ய வேண்டும்.” என்று பதிவிட்டுள்ளார்.