Tamil News Today : ஜெயலலிதா நினைவிடம் இந்த மாத இறுதியில் திறக்க முடிவு செய்யப்பட்டுள்ளது. திறப்பு விழாவில் பிரதமர் மோடி கலந்துகொள்ளும்படி நேரில் அழைப்பதற்காக, தமிழக முதல்வர் எடப்பாடி பழனிசாமி வருகிற 18ம் தேதி டெல்லி செல்கிறார்
தமிழகத்தில் பள்ளிகள் திறக்கப்படும் தேதி அறிவிப்பு. வரும் 19ம் தேதி 10 மற்றும் 12ம் வகுப்புகளுக்கு பள்ளிகள் திறக்கப்படுகின்றன.
காயம் காரணமாக ஆஸ்திரேலியாவுக்கு எதிரான 4-வது டெஸ்ட் போட்டியில் இருந்து விஹாரி விலகல்.ஆஸி.க்கு எதிரான 4ஆவது டெஸ்ட் போட்டியிலிருந்து உடல்நிலை பாதிப்பு காரணமாக இந்திய வேகப்பந்து வீச்சாளர் பும்ரா விலகல்
இந்தியாவில் சில மாதங்களில், 30 கோடி பேருக்கு தடுப்பூசி போட நடவடிக்கை எடுக்க வேண்டும் என மாநில முதல்வர்களை, பிரதமர் மோடி கேட்டுக் கொண்டார்.
கர்நாடகாவில், கார் விபத்தில் மத்திய அமைச்சர் ஸ்ரீபத் நாயக் படுகாயம்.மத்திய அமைச்சரின் மனைவி மற்றும் பணியாளர் விபத்தில் உயிரிழந்தனர். காயமடைந்த மத்திய அமைச்சர், சிகிச்சைக்காக கோவா மருத்துவமனையில் சேர்க்கப்பட்டுள்ளார்.
பாடப்பகுதிகளின் அளவு குறைப்பு விரைவில் அதிகாரப்பூர்வ அறிவிப்பு வெளியாகும் என பள்ளிக்கல்வி துறை தகவல்.கனமழை எதிரொலி: காரைக்காலில் பள்ளிகளுக்கு விடுமுறை அறிவிப்பு.
Live Blog
Tamil News Updates : அனைத்து செய்திகளையும் உடனுக்குடன் தெரிந்துகொள்ள இந்த நேரலையில் எங்களுடன் இணைந்திருங்கள்.
உலகின் சக்தி வாய்ந்த பாஸ்போர்ட் பட்டியலில் இந்தியாவுக்கு 85 வது இடம் கிடைத்துள்ளது. பிறநாடுகளுக்கு எளிதில் விசா அனுமதி கிடைப்பதை வைத்து இந்த பட்டியல் வெளியிடப்பட்டுள்ளது. இதில் ஜப்பான் பாஸ்போர்ட்டுக்கு முதல் இடம் கிடைத்துள்ளது.
சென்னையில் செய்தியாளர்களிடம் பேசிய பாஜக மாநில தலைவர் எல்.முருகன், “அதிமுக கூட்டணியின் முதல்வர் வேட்பாளர் எடப்பாடி பழனிசாமிதான் என்று பாஜக மேலிட பொறுப்பாளர் சி.டி.ரவி குறியது சரியானதுதான். கன்னியாகுமரி நாடாளுமன்றத் தொகுதி இடைத் தேர்தல் எப்போது வந்தாலும் சந்திக்கத் தயார். பாமகவின் வன்னியர் உள் ஒதுக்கீடு கோரிக்கையில் தமிழக அரசின் முடிவை நாங்கள் ஏற்போம்.” என்று கூறினார்.
மத்திய அரசின் வேளாண் சட்டங்களை அமல்படுத்துவதற்கு, மறு உத்தரவு வரும் வரை இடைக்காலத் தடை விதித்து உச்ச நீதிமன்றம் உத்தரவிட்டுள்ள நிலையில், டெல்லி எல்லைகளில் போராடி வரும் விவசாய சங்கங்கள் வேளாண் சட்டங்களுக்கு எதிரான போராட்டம் தொடரும் என்று அறிவித்துள்ளது. உச்சநீதிமன்ற தீர்ப்பு குறித்து ஆலோசித்த பின், 32 விவசாய சங்கங்கள் போராட்டம் தொடரும் என்று அறிவித்துள்ளனர். வேளாண் சட்டம் தொடர்பாக உச்சநீதிமன்றம் அமைத்துள்ள குழு மீது எங்களுக்கு நம்பிக்கை இல்லை என்று தெரிவித்துள்ளனர்.
தஞ்சை மாவட்டம் திருவையாற்றை அடுத்த வரகூரில் தனியார் பேருந்து பயணிகள் மீது மின்கம்பி உரசியதில் 2 பெண்கள் உள்ளிட்ட 5 பேர் உயிரிழந்தது வேதனையளிக்கிறது. உயிரிழந்தவர்களுக்கு அஞ்சலி. அவர்களை இழந்து வாடும் குடும்பத்தினருக்கு ஆழ்ந்த இரங்கலும், அனுதாபங்களும் என்று பாமக நிறுவனர் ராமதாஸ் தனது ட்விட்டரில் இரங்கல் தெரிவித்தார்.
முதலமைச்சர் எடப்பாடி பழனிசாமி மற்றும் சசிகலா குறித்து அவதூறாக பேசியதாக திமுக இளைஞரணி செயலாளர் உதயநிதி ஸ்டாலின் மீது மத்திய குற்றப்பிரிவு போலீசார் வழக்குப்பதிவு செய்தனர். சென்னையை சேர்ந்த வழக்கறிஞர் ராஜலட்சுமி என்பவர் அளித்த புகாரின் பேரில், காவல்துறை நடவடிக்கை எடுத்துள்ளது.
தமிழகத்தில் வருகிற ஜனவரி 19ம் தேதி 10,11,12ம் வகுப்பு மாணவர்களுக்கு பள்ளிகளைத் திறக்க தமிழக அரசு உத்தரவிட்ட நிலையில், பள்ளிகளை திறக்க அன்புமணி ராமதாஸ் எதிர்ப்பு தெரிவித்துள்ளார்.
பாமக இளைஞரணி தலைவர் அன்புமணி ராமதாஸ், “கொரோனா இன்னும் ஓயவில்லை. கல்வியைவிட குழந்தைகளின் உயிர் மிகவும் முக்கியம். பள்ளிகளைத் திறப்பதில் அரசு அவசரம் காட்டக்கூடாது” என்று அறிக்கை வெளியிட்டுள்ளார்.
வேளாண் சட்டங்களை அமல்படுத்த இடைகால தடை விதித்து உச்சநீதிமன்றம் அதிரடி உத்தரவு பிறப்பித்துள்ளது. மேலும் விவசாயிகள் போராட்டத்துக்கு தீர்வுகாணவும், வேளாண் சட்டங்களை ஆய்வு செய்து அறிக்கை அளிக்கவும் குழு அமைக்கப்படும் என்று தெரிவிக்கப்பட்டுள்ளது.
தமிழகத்தில் ஜனவரி 19 முதல் 10, 12ஆம் வகுப்புகளுக்கு பள்ளிகள் திறக்கப்படுகின்றன. ஒரு வகுப்பறைக்கு 25 மாணவர்களுக்கு மிகாமல் செயல்படலாம் .பள்ளிக்கு வரும் மாணவர்களுக்கான விடுதிகளும் செயல்பட அனுமதி. கருத்துக் கேட்பு கூட்டத்தில் பங்கேற்ற பெரும்பாலான பெற்றோர்கள் பள்ளிகளை திறக்க கோரியதால் தமிழக அரசு பள்ளிகள் திறப்பை அறிவித்துள்ளது.
மாணவர்களுக்கு நோய் எதிர்ப்பு சக்தியை அதிகரிக்க வைட்டமின், துத்தநாக மாத்திரைகள் வழங்கவும் தமிழக அரசு ஆணை
னேவில் இருந்து விமானத்தில் 5,56,036 கொரோனா தடுப்பூசிகள் சென்னைக்கு காலை 10.30 மணிக்கு கொண்டு வரப்படுகின்றன .சீரம் நிறுவனத்தின் 5.36 லட்சம் கோவிஷீல்டு, பாரத் பயோடெக்கின் 20 ஆயிரம் கோவாக்சின் தடுப்பூசிகள் தமிழகம் வருகை
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights