/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2019/10/FIREMAN.jpg)
Trichy Nadukattupatti Sujith Wilson Rescue operation live updates : 80 மணி நேர மீட்புப் பணிகள் தோல்வியில் முடிவடைந்தன. ஆழ்துளைக் கிணற்றில் வீழ்ந்த சுஜித்தினை இன்று அதிகாலையில் சடலமாக மீட்டனர் மீட்புக் குழுவினர்.
தீபாவளியை இந்தியாவே கொண்டாட, தமிழர்களின் எண்ணமும் நினைவும் முழுக்க முழுக்க சுர்ஜித்தின் உடல்நிலை குறித்து தான் இருந்தது. 25ம் தேதி மாலை வீட்டின் அருகே விளையாடிக் கொண்டிருந்த சுர்ஜித், பயன்பாட்டில் இல்லாத ஆழ்துளை கிணறு ஒன்றில் விழுந்துவிட்டார். 25 அடி ஆழத்தில் இருக்கும் போது அவனை காப்பாற்றும் முயற்சி தோல்வியில் முடிவடைந்தது. தற்போது 88 அடியில் சிக்கிக் கொண்டிருக்கும் அந்த ஒற்றை உயிரை காப்பாற்ற அனைவரும் பிரார்த்தனை செய்து வந்தனர்.
சிறுவனை மீட்கும் பணி துவங்கிய நேரத்தில் இருந்து சுகாதாரத்துறை அமைச்சர் விஜயபாஸ்கர் திருச்சி, மணப்பாறை அருகே அமைந்திருக்கும் நடுக்காட்டுப்பட்டி என்ற அந்த கிராமத்தில் தான் இருக்கிறார். அவருடன் வெல்லமண்டி நடராஜன் உடன் இருக்கிறார். 27ம் தேதி நள்ளிரவுக்கு மேல் துணை முதல்வர் ஓ. பன்னீர்செல்வம் நடுக்காட்டுப்பட்டி சென்று சுர்ஜித்தின் பெற்றோர்களுக்கு ஆறுதல் கூறினார்.
மேலும் படிக்க : நேரில் சென்று மேற்பார்வையிட்ட துணை முதல்வர்… சுர்ஜித்தின் பெற்றோர்களுக்கு ஆறுதல்
அவன் பத்திரமாக மீட்கப்பட வேண்டும் என தேவாலயங்கள் மற்றும் பள்ளிவாசல்களில் சிறப்பு பிரார்த்தனைகள் நடைபெற்றன. விடுதலை சிறுத்தைக் கட்சியின் தலைவர் தொல்திருமாவளன் நேரில் சென்று ஆறுதல் கூறினார்.
Live Blog
சுர்ஜித்தின் மீட்புப் பணி தொடர்பான அனைத்து தகவல்களையும் உடனுக்குடன் அறிந்து கொள்ள இந்த இணைப்பில் இணைந்திருங்கள்
துணை முதல்வர் ஓ.பன்னீர் செல்வம் டுவிட்: நடுக்காட்டுப்பட்டியில் கடுமையான பாறைகள் இருப்பதால் துளையிடுவதில் சிரமம் ஏற்பட்டுள்ளது.
குழந்தை சுஜித்தை மீட்பதற்கான அனைத்து பணிகளும் முழுவீச்சில் நடைபெற்றுவருகிறது.
மாநில பேரிடர் மீட்பு பணி குழு, தீயணைப்புத் துறை, மக்கள் நல்வாழ்வுத்துறை, வருவாய்த்துறை என அனைத்து துறைகளும் மீட்பு பணியில் ஈடுபட்டு வருகின்றன. துளை போடும் பகுதியில் மிகவும் கடுமையான பாறைகளாக இருப்பதால் துளையிடுவது சற்று சிரமமாக உள்ளது.
— O Panneerselvam (@OfficeOfOPS) October 28, 2019
நடுக்காட்டுப்பட்டியில் ஆழ்துளைக் கிணற்றில் சிக்கியுள்ள குழந்தை சுஜித்தை மீட்க ரிக் இயந்திரம் மூலம் தோண்டப்பட்ட குழிக்குள் ஆய்வு செய்ய ஆக்சிஜன் சிலிண்டர் உதவியுடன் ஏணி மூலம் தீயணைப்பு வீரர் ஒருவர் சோதனை அடிப்படையில் இறங்கினார். பின்குழிக்குள் உள்ள மண், பாறையின் தன்மை குறித்து ஆய்வு செய்தபின் அவர் மீண்டும் மேலே ஏறி வந்தார்.
நடுக்காட்டுப்பட்டியில் மீட்பு பணிகளை பார்வையிட்ட திமுக எம்.பி. திருச்சி சிவா, இன்று இரவுக்குள் குழந்தை சுஜித் மீட்கப்படுவார் என்ற நம்பிக்கை உள்ளது என்று நம்பிக்கை தெரிவித்தார்.
நடுக்காட்டுப்பட்டியில் ஆழ்துளைக் கிணற்றில் சிக்கியுள்ள குழந்தை சுஜித்தை மீட்க ரிக் இயந்திரம் மூலம் தோண்டப்பட்ட குழிக்குள் ஆய்வு செய்ய ஆக்சிஜன் சிலிண்டர் உதவியுடன் ஏணி மூலம் வீரர் ஒருவர் இறங்கியுள்ளார். குழிக்குள் உள்ள மண், பாறையின் தன்மை குறித்து ஆய்வு செய்தபின் தொடர்ந்து குழி தோண்ட முடிவு செய்யப்பட்டுள்ளது.
நடுக்காட்டுப்பட்டியில் ஆழ்துளைக் கிணற்றில் சிக்கிய குழந்தை சுஜித்தை மீட்கும் பணியில் ரிக் இயந்திரம் மூலம் துளையிடும் பணி 55 அடி ஆழத்தை கடந்துள்ளது. இதற்குப் பிறகு மண் தன்மையுள்ள பாறைகளாக இருப்பதால் துளையிடும் பணி வேகமடையும் என்று கூறப்படுகிறது.
நடுக்காட்டுப்பட்டியில் குழந்தை சுஜித்தை மீட்கும் பணிகளை கண்காணித்துவரும் வருவாய்த்துறை ஆணையர் ராதாகிருஷ்ணன்: குழந்தை சுஜித்தை மீட்கும் பணி தொய்வின்றி நடந்து வருகிறது. மீட்பு பணியில் பாறைகள் கடும் சவாலாக உள்ளது என்று தெரிவித்துள்ளார்.
நடுக்காட்டுப்பட்டியில் ஆழ்துளைக் கிணற்றில் சிக்கியுள்ள குழந்தை சுஜித்தை மீட்பதற்காக மஜக பஞ்சாப்பிலிருந்து ஹர்விந்தர் சிங், குர்விந்தர் சிங் ஆகிய இரண்டு விவசாயிகளை நடுகாட்டுப்பட்டிக்கு வர ஏற்பாடு செய்துள்ளது. அவர்கள் இருவரும் நடுக்காட்டுப்பட்டிக்கு வந்துகொண்டிருக்கிறார்கள். அவர்கள் பஞ்சாப்பில் ஏற்கெனவே இதுபோல ஆழ்துளைக் கிணற்றில் விழுழ்ந்த குழந்தையை மீட்டுள்ளார்கள்.
நாங்குநேரி, விக்கிரவாண்டி தொகுதி இடைத்தேர்தலில் வெற்றி பெற்ற நாராயணன், முத்தமிழ்ச்செல்வன் இருவரும் 29 ஆம் தேதி பதவியேற்பதாக அறிவிக்கப்பட்டது. ஆனால், குழந்தை சுஜித் மீட்பு பணியில் நடைபெறுவதால் எம்.எல்.ஏ.-க்களின் பதவியேற்பு நவம்பர் 1 ஆம் தேதிக்கு தள்ளிவைக்கப்பட்டுள்ளது.
குழந்தையின் மீட்பு பணியைப் பார்ப்பதற்காக நூற்றுக்கணக்கான மக்கள் கூடியதால் மீட்பு பணிக்கு இடையூறு ஏற்பட்டுள்ளதாக கூறப்படுகிறது. அதனால், அங்கே பாதுகாப்பு பணியில் ஈடுபட்டிருக்கும் காவல் துறையினர் கூட்டம் அதிக அளவில் சேராமல் இருக்க நடவடிக்கை எடுத்து வருகின்றனர்.
நடுக்காட்டுப்பட்டியில் ஆழ்துளைக் கிணற்றில் விழுந்த குழந்தை சுஜித்தை மீட்கும் பணி 72 மணி நேரங்களைக் கடந்து சென்றுகொண்டிருக்கிறது. தீயணைப்பு வீரர்கள் உள்பட அனைத்து மீட்புக் குழுவினரும் தொடர்ந்து மீட்பு பணி செய்துவருகின்றனர். அதனால், மீட்பு பணியில் ஈடுபட்டுள்ளவர்கள் சுழற்சி முறையில் பணி செய்து வருகின்றனர்.
நடுக்காட்டுப்பட்டியில், ஆழ்துளைக் கிணற்றில் சிக்கியுள்ள குழந்தையை மீட்கும் பணியை கண்காணித்துவரும் வருவாய்த்துறை ஆணையர் ராதாகிருஷ்ணன்: குழந்தை சுஜித்தை மீட்கும் பணி கடைசி கட்டம் வரை தொடரும். தொழில்நுட்பக் குழுவினர்கள் முயற்சியைக் கைவிடமாட்டார்கள் என்று கூறினார்.
மணப்பாறை அருகே நடுக்காட்டுப்பட்டியில் ஆழ்துளைக் கிணற்றில் விழுந்த குழந்தை சுஜித்தை மீட்பதற்காக ரிக் இயந்திரம் மூலம் துளையிடப்பட்டுவருகிறது. குழந்தை 88 அடியில் உள்ள நிலையில், 98 அடி ஆழம் இலக்கு வைக்கப்பட்டு துளையிடப்படுகிறது. இதுவரை 52 அடி ஆழம் துளையிடப்பட்டுள்ளது.
திமுக தலைவர் மு.க.ஸ்டாலின்: ஆழ்துளை கிணற்றில் சிக்கியுள்ள குழந்தை சுஜித் மீண்டுவர வேண்டும் என்று அனைவரையும் போல நானும் காத்திருக்கிறேன். குழந்தையை மீட்பதற்கான அனைத்து முயற்சிகளும் நடைபெற்று வருவதை பார்க்கிறேன்.
மனிதநேய ஜனநாயக கட்சி முன் முயற்சியில், குழந்தை சுஜித்தை மீட்க, பஞ்சாப் விவசாய தொழில் நுட்ப நிபுணர் வீரேந்திர சிங் விமானம் மூலம் திருச்சி வந்துக் கொண்டிருக்கிறார். இரவு 11:30 க்கு திருச்சி விமான நிலையம் வருகிறார். அவரை , திருச்சி மாவட்ட மனிதநேய ஜனநாயக கட்சியினர் அமைச்சர் விஜய பாஸ்கரை சந்தித்து ஆலோசனை வழங்க மணப்பாறைக்கு அழைத்து செல்ல உள்ளனர்.
நடுக்காட்டுப்பட்டிக்கு சென்று குழந்தை சுஜித்தின் மீட்பு பணிகளைப் பார்வையிட்ட வைகோ: பசி ஏற்பட்டு தாகம் ஏற்பட்டு ஒவ்வொரு நொடியிலும் மரண வேதனையிலே துடிப்பதை நினைக்கிறபோது நெஞ்சு வெடிகிறது. இந்தப் பகுதியிலே குழிகளை அமைப்பவர்கள் தண்ணீர் கிடைக்காவிட்டால், அதை மூடாமல் அப்படியே சென்றுவிடுகிறார்கள். இது மிகப்பெரிய ஆபத்து. அரசு தன்னால் இயன்ற முயற்சிகளை செய்துவருகிறது. அமைச்சர்கள், மாவட்ட ஆட்சித்தலைவர், வருவாய்த்துறை செயலாளர், காவல்துறையினர் என அனைத்துதுறை அதிகாரிகளும் இங்கேயே இருக்கின்றனர். நடாளுமன்ற உறுப்பினர் ஜோதிமணி இங்கேயே இருக்கிறார். அரசுக்கு இது குறித்த ஒரு திட்டவட்டமான தொழில் நுணுக்கம் அதற்குரிய கருவிகள் வேண்டும் என்று கூறினார்.
சோளக் கொல்லையில
சொல்லாமப் போனவனே
மீளவழி இல்லாம
நீளவழி போனவனே
கருக்குழியிலிருந்து
கண்தொறந்து வந்ததுபோல்
எருக்குழியிலிருந்து
எந்திரிச்சு வந்திரப்பா
ஊர்ஒலகம் காத்திருக்கு
உறவாட வாமகனே
ஒரேஒரு மன்றாட்டு
உசுரோட வாமகனே
என்று வைரமுத்து தனது ட்விட்டரில் கவிதை எழுதியுள்ளார்.
'குழந்தை சுர்ஜித் மீட்பு நடவடிக்கை குறித்து பிரதமர் மோடியிடம் விளக்கினேன். தீயணைப்பு மற்றும் மீட்புப் படையினருடன் 3 அமைச்சர்கள் மீட்பு பணியில் ஈடுபட்டுள்ளனர். என்.எல்.சி.- ஓ.என்.ஜி.சி மற்றும் எல்.அண்ட்.டி, என்.ஐ.டி. நிபுணர்கள் நடுக்காட்டுப்பட்டியில் முகாமிட்டுள்ளனர். அதிநவீன துளையிடும் எந்திரங்கள் மூலம் மீட்புப் பணி தொடர்கிறது. தேவை ஏற்படும்போது மேலும் உதவிகள் செய்யப்படும்'- முதல்வர் பழனிசாமி
பிரதமர் மோடி தனது ட்விட்டரில், "துணிச்சலும் வீரமும் மிக்க சிறுவன் சுஜித் வில்சனுக்காக பிரார்த்திக்கிறேன்.சுஜித்தைப் பத்திரமாக மீட்பது தொடர்பாக மேற்கொள்ளப்படும் நடவடிக்கைகள் குறித்து முதல் அமைச்சருடன் விரிவாகப் பேசினேன். சுஜித்தைப் பாதுகாக்க எல்லாவித முயற்சிகளும் மேற்கொள்ளப்பட்டு வருகின்றன" என்று குறிப்பிட்டுள்ளார்.
துணிச்சலும் வீரமும் மிக்க சிறுவன் சுஜித் வில்சனுக்காக பிரார்த்திக்கிறேன்.சுஜித்தைப் பத்திரமாக மீட்பது தொடர்பாக மேற்கொள்ளப்படும் நடவடிக்கைகள் குறித்து முதல் அமைச்சர் @EPSTamilNadu உடன் விரிவாகப் பேசினேன். சுஜித்தைப் பாதுகாக்க எல்லாவித முயற்சிகளும் மேற்கொள்ளப்பட்டு வருகின்றன.
— Narendra Modi (@narendramodi) October 28, 2019
"நல்ல முறையில் குழந்தை சுஜித் மீட்கப்படுவான் என்ற நம்பிக்கை உள்ளது. எந்தவித பேதமுமின்றி அனைவரின் உணர்வும் குழந்தையின் மீது குவிந்துள்ளது. குறைகளை பற்றி பேசாமல் நம்மால் என்ன உதவ முடியும் என்பதை பற்றி பேசுவதுதான் சரியாக இருக்கும்" என பொன்.ராதாகிருஷ்ணன் தெரிவித்துள்ளார்.
சுர்ஜித் விழுந்துள்ள குழியைச் சுற்றியுள்ள பாறைகள் Quartz Crystalline Rocks என்று அழைக்கப்படுகிறது. அதாவது அதிகளவு குவார்ட்ஸ் தனிமம் நிறைந்த பாறைகள் என்பதால் இது குவார்ட்ஸ் கிறிஸ்டலைன் பாறைகள் என்று அழைக்கப்படுகிறது. இந்த பாறை தான் மீட்புப் படையினரின் உழைப்பை தற்போது உறிஞ்சு கொண்டிருக்கிறது.
சுர்ஜித் மீட்புப் பணி குறித்து பிரதமர் நரேந்திர மோடி, முதல்வர் பழனிசாமியிடம் விவரம் கேட்டறிந்தார். இதுகுறித்து பிரதமர் மோடி தனது ட்விட்டரில்,
My prayers are with the young and brave Sujith Wilson. Spoke to CM @EPSTamilNadu regarding the rescue efforts underway to save Sujith. Every effort is being made to ensure that he is safe. @CMOTamilNadu
— Narendra Modi (@narendramodi) October 28, 2019
என்று பதிவிட்டுள்ளார்.
மணப்பாறையைச் சுற்றியுள்ள பகுதிகளில் மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. இருப்பினும், ஆழ் துளையிடும் பணியும், சுர்ஜித் விழுந்த பள்ளத்திலும் எந்த பாதிப்பும் ஏற்படாத வண்ணம் முன்னெச்சரிக்கை நடவடிக்கைகள் எடுக்கப்பட்டுள்ளன.
பாறைகளை உடைக்க போர்வெல் இயந்திரம் மிகவும் உதவும் என்பதால் ரிக் இயந்திரத்திற்கு பதிலாக போர்வெல் மூலம் துளையிடும் பணி துவங்கப்பட உள்ளது. அனைத்து துறை அதிகாரிகள் மற்றும் அமைச்சர்களின் ஒப்புதலோடு இந்த முயற்சி மேற்கொள்ளப்பட்டிருக்கிறது.
சுர்ஜித்தை குழிக்குள் இருந்து மீட்பதற்காக 9 தீயணைப்பு வீரர்கள் தேர்வு செய்யப்பட்டிருப்பதாக அறிவிக்கப்பட்டுள்ளது. நான்காவது நாளாக நடைபெறும் மீட்புப் பணியில், புதியதாக 9 தீயணைப்பு வீரர்கள் தேர்வு செய்யப்பட்டுள்ளனர். கண்ணாதாசன், திலீப் குமார், மணிகண்டன் ஆகியோரை தொடர்ந்து இந்த 9 பேரும் தேர்ந்தெடுப்பு.
துளையிடும் பணி திருப்தி அளிக்கும் வகையில் அமையவில்லை. பாறைகள் அதிகம் நிறைந்திருப்பதால் துளையிடும் பணி மிகவும் சவால் மிகுந்ததாக இருக்கிறது. குழந்தைக்கு எந்தவித பாதிப்பும் ஏற்படக்கூடாது என்பதில் கவனமாக செயல்பட்டு வருகிறோம் என்றும், வண்டல் மண் தென்படுவதற்கு வாய்ப்புகள் அதிகமாக இருப்பதால் பணி தொடர்ந்து நடைபெறும் என்றும் வருவாய் நிர்வாக ஆணையர் ராதாகிருஷ்ணன் அறிவித்துள்ளார்.
குழந்தை சுர்ஜித் அசைவின்றி இருக்கின்றான். இதுவரை எந்த சுவாசத்தையும் அவனிடம் இருந்து கேட்க இயலவில்லை. நம்பிக்கையின் பேரில் குழந்தைக்கு ஆக்ஸிஜன் அளிக்கப்பட்டு வருகிறது என்று அமைச்சர் விஜயபாஸ்கர் அறிவித்துள்ளார்.
கணித்தபடி இரண்டு ரிக் இயந்திரங்களைக் கொண்டு முழுமையாக பள்ளம் தோண்ட முடியவில்லை. விரைவில் மாற்றுவழி குறித்து துணை முதல்வரிடம் ஆலோசனை செய்து முடிவு எடுக்கப்படும். இனி இந்த இயந்திரத்தை வைத்து மேலும் தோண்ட இயலுமா என தெரியவில்லை என்று அமைச்சர் விஜயபாஸ்கர் பேச்சு.
நேற்றே சுர்ஜித்தின் நிலை குறித்து வருத்தம் தெரிவித்து ட்வீட் செய்திருந்தார் கவிஞர் வைரமுத்து. இன்று மீண்டும் அரசையோ, ஆழ்துளை இயந்திரத்தையோ குறை சொல்லும் நேரமில்லை என்று ட்வீட் செய்துள்ளார்.
அரசு எந்திரத்தையோ
ஆழ்துளை எந்திரத்தையோ
குறை சொல்லும் நேரமில்லை;
குழந்தை மீட்பே குறிக்கோள்.
பாறை என்பது நல்வாய்ப்பு; மண்சரியாது.
தடைக்கல்லைப் படிக்கல்லாக்கி முன்னேறுவோம்.— வைரமுத்து (@vairamuthu) October 28, 2019
மேலும் படிக்க : பிழியும் சோகம் ஒருபுறம்; தளராத நம்பிக்கை மறுபுறம்: சுர்ஜித் மீட்பு ஹைலைட்ஸ்
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights