ஒன்ப்ளஸ் 7, 7 ப்ரோ ஸ்மார்ட்போன்கள் இன்று அறிமுகம்... வெளியீட்டு நிகழ்வை லைவ் ஸ்ட்ரீமிங்கில் பார்ப்பது எப்படி?
ஒன்ப்ளஸ் 7 ப்ரோ போனை நீங்கள் க்ரோமா மற்றும் ரிலையன்ஸ் டிஜிட்டல் ஸ்டோர்களிலும் வாங்கிக் கொள்ளலாம்.
OnePlus 7, OnePlus 7 Pro launch Livestream : நியூயார்க் நகரில் இந்த போனின் அறிமுக விழா நடைபெறுகிறது. அதே நேரத்தில் இந்தியாவில் பெங்களூரிலும், இங்கிலாந்தின் லண்டனிலும் இந்த போனின் அறிமுக விழா நடைபெற உள்ளது. இவ்விழாவில் ஒன்ப்ள்ஸ் 7 மற்றும் ஒன்ப்ளஸ் 7 ப்ரோ போன்களும் அறிமுகமாகின்றன.
பெங்களூருவில் அமைந்திருக்கும் பெங்களூரு இண்டெர்நேசனல் எக்ஷிபிசன் சென்டரில் இன்று இரவு சரியாக 08:15 மணிக்கு இந்த போனின் அறிமுக விழா நடைபெறுகிறது. இதில் கலந்து கொள்வதற்காக டிக்கெட்டுகளை ரூ.999க்கு கடந்த மாதம் விற்பனை செய்தது ஒன்ப்ளஸ். சில மணி நேரங்களிலேயே அனைத்து டிக்கெட்டுகளும் விற்று தீர்ந்தன.
OnePlus 7, OnePlus 7 Pro : முன்பதிவு
ஒன்ப்ளஸ் 7 ப்ரோ போனிற்கான முன் பதிவு செய்ய ஒரு மாதத்திற்கு முன்பே அமேசானில் ஆப்சன்கள் வழங்கப்பட்டுவிட்டன. 1000 ரூபாய் கட்டி முன்பதிவு செய்து கொள்ள வேண்டும் என வாடிக்கையாளர்களிடம் கேட்டுக் கொண்டது.
ஒன்ப்ளஸ் 7 ப்ரோ போனை நீங்கள் க்ரோமா மற்றும் ரிலையன்ஸ் டிஜிட்டல் ஸ்டோர்களிலும் வாங்கிக் கொள்ளலாம்.
விலை
இது நாள் வரையிலும் எந்த விலைக்கு இந்த போன்கள் விற்பனை செய்யப்படும் என்று ஒன்ப்ளஸ் நிறுவனம் அறிவிக்கவில்லை. ஆனால் அமெரிக்காவில் உள்ள நியூயார்க் டைம்ஸ் நாளிதழில் இந்நிறுவனம் கொடுத்த விளம்பரத்தில் 2000 டாலர்கள் என விற்க மாட்டோம் என்று குறிப்பிட்டபடியால் அனைவரும் வாங்கும் விலைக்கு இந்த போன்கள் விற்பனையாகலாம் என்று எதிர்பார்க்கப்படுகிறது.
ஒன்ப்ளஸ் 7 ப்ரோ பேஸ் வேரியன்டின் விலை ரூ.49,999 ஆக இருக்கலாம். ஒன்ப்ளஸ் 7 போனின் விலை ரூ.38,999 ஆக இருக்கலாம் என்றும் எதிர்பார்க்கப்படுகிறது.
மேலும் படிக்க : எங்க போன் ஒன்னும் அத்தனை விலையில்லீங்க – ஒன்ப்ளஸ் நிறுவனத்தின் புதிய விளம்பர உத்தி
ஒன்ப்ளஸ் 7 ப்ரோவின் சிறப்பம்சங்கள் என்னென்ன ?
6.67 இன்ச் ஓ.எல்.ஈ.டி. ஸ்கிரீனைக் கொண்டுள்ளது
பெஸல் வித் இல்லை
ரெஃப்ரஷ் ரேட் 90 ஹெர்ட்ஸ் ஆகும்
மூன்று பின்பக்க கேமராக்களை கொண்டுள்ளது. அதன் செயல்திறன் முறையே 48MP முதன்மை கேமரா, 8MP டெலிபோட்டோ லென்ஸ், 16MP அல்ட்ரா வைட் ஆங்கிள் லென்ஸ்.
பாப்அப் செல்ஃபி கேமரா இதில் பொருத்தப்பட்டுள்ளது.
ஸ்நாப்ட்ராகன் 855 ப்ரோசசர் மூலம் செயல்படுகிறது இந்த போன்
எம் சீரியஸ் போன்கள் என்றாலே பட்ஜெட் போன்கள் தான்… ஆனால் இதற்கு மட்டும் ஏன் இவ்வளவு விலை ?
OnePlus 7, OnePlus 7 Pro launch Livestream-ல் எப்படி பார்ப்பது ?
ஒன்ப்ளஸ் நிறுவனத்தின் அதிகாரப்பூர்வ யூட்யூப் சேனலில் இன்று நடைபெற இருக்கும் அறிமுக விழாவினை நீங்கள் லைவாக கண்டு களிக்கலாம்.
Get all the Latest Tamil News and Tamil Nadu News at Indian Express Tamil. You can also catch all the latest Tamil Technology News by following us on Twitter and Facebook
