இனி ஜியோவின் ஜிகா ஃபைபர் கனெக்சனை பெறுவது மிக சுலபம்...

Reliance JioFiber broadband registrations : ரிலையன்ஸ் ஜியோஃபைபர் ப்ராட்பேண்ட் கனெக்சனை பெறுவது எப்படி என்ற குழப்பம், ரிலையன்ஸ் நிறுவனத்தின் வருடாந்திர மாநாடு நடைபெற்ற நாளில் இருந்து அனைவரின் மனதிலும் எழுந்த முக்கியமான கேள்வியாக உள்ளது. இந்த கனெக்சனை பெறுவதற்கு எப்படி, எங்கு ரெஜிஸ்டர் செய்வது என்பதை விளக்குகிறது இந்த கட்டுரை.

Reliance JioFiber broadband registrations

இதன் மாதாந்திர திட்டங்களைப் பெற குறைந்த பட்ச கட்டணமாக ரூ. 700 நிர்ணயக்கப்பட்டுள்ளது. அதிகபட்ச கட்டணமாக ரூ. 10 ஆயிரம் வசூலிக்கப்படும். தேர்வு செய்யப்படும் திட்டத்தைப் பொறுத்து வாடிக்கையாளர்கள் நொடிக்கு 1ஜிபி வரை வேகமான டேட்டாவை பெற இயலும்.

ஜியோ ஜிகா ஃபைபர் என்ற பெயரில் குறிப்பிட்ட சில நகரங்களில் மட்டும் சோதனை முயற்சிகள் மேற்கொள்ளப்பட்டு வருகின்றது. உங்களின் வீடு, அல்லது முழுக்கட்டிடம், அப்பார்ட்மெண்ட் என அனைத்திற்கும் நீங்கள் இந்த கனெக்சனை பெற்றுக் கொள்ளலாம்.

முதலில் Jio.com இணையத்திற்கு செல்லவும். அதில் https://gigafiber.jio.com/registration என்ற பக்கத்திற்கு செல்லுங்கள்.

உங்களின் வீட்டு முகவரி, மற்றும் இதர தகவல்களை நீங்கள் உள்ளீடாக அளிக்க வேண்டும்.

பின்பு உங்களின் பெயர், மொபைல் எண், அட்ரெஸ் உள்ளிட்ட தகவல்கள் கேட்கப்படும். அதனை நீங்கள் கொடுத்த பிறகு உங்களின் மொபைல் எண்ணுக்கு ஒரு ஓ.டி.பி. அனுப்பப்படும்.

ஓ.டி.பி வெரிஃபிகேஷன் முடிவுற்ற பிறகு அந்நிறுவனத்தில் இருந்து உங்களுக்கு அழைப்பு வரும். அந்த எக்ஸ்க்யூட்டிவ் இன்ஸ்டால் செய்வதற்கான சரியான நேரம் குறித்து உங்களுடன் உரையாடுவார்.

சோதனை முயற்சியில் தான் இன்னும் ஜிகா ஃபைபர் பொறுத்தப்பட்டு வருவதால், முறையாக Resident Welfare Associations -ம் இருந்து அனுமதி பெற்ற பின்பு தான் இன்ஸ்டாலேசன் துவங்கும்.

மேலும் படிக்க : ஆண்ட்ராய்ட் க்யூ அப்டேட்டினை பெறும் ஸ்மார்ட்போன்கள் பட்டியல் ஒரு பார்வை

இதற்கான கட்டணம் எவ்வளவு?

ஒரு மாதத்திற்கு 100 ஜிபி டேட்டா என்று வரும் போது அதற்கு மாதாந்திர கட்டணம் ஏதும் தேவையில்லை. செக்யூரிட்டி டெபாசிட்டாக ரூ. 4,200 கட்டணம் வசூலிக்கப்படும். அந்த கட்டண அடிப்படையில் உங்கள் வீடுகளில் வைஃபை ரூட்டர் பொறுத்தப்பட்டும். உங்களின் டேட்டா குறித்த தகவல்களை அறிந்து கொள்ள மை ஜியோவில் இருக்கும் JioGigaFiber connection பக்கம் உங்களுக்கு உதவும். முழுமையாக இந்த பணிகள் லைவிற்கு வந்தவுடன் மாதாந்திர திட்டங்கள் குறித்து அறிவிக்கப்படும்.